ລິ້ງ ສຳຫລັບເຂົ້າຫາ

ເມື່ອວັນພຸດມື້ນີ້ ມີຊາຍຄົນນຶ່ງທີ່ມີຂວານເປັນອາວຸດ ໄດ້ທຳຮ້າຍຮ່າງກາຍພວກເດັກນ້ອຍ ແລະຜູ້ໃຫຍ່ ຢູ່ຕາມຖະໜົນໃນຫົວເມືອງແຫ່ງນຶ່ງ ໃນເຂດພາກກາງຂອງຈີນ ເຮັດໃຫ້ມີຜູ້ ເສຍຊີວິດ 6 ຄົນ.

ພວກເຈົ້າໜ້າທີ່ທີ່ເມືອງ Gongyi ແຂວງ Heman ກ່າວວ່າ ເດັກນ້ອຍຄົນນຶ່ງແລະຜູ້ໃຫຍ່ ສາມຄົນໄດ້ຖືກຂ້າຕາຍ ໃນການໂຈມຕີເບື້ອງຕົ້ນຂອງມືຂວານ ໃນຂະນະທີ່ເດັກນ້ອຍອີກຄົນ ນຶ່ງ ແລະຜູ້ໃຫຍ່ອີກຄົນນຶ່ງໄປເສຍຊີ ວິດໃນເວລາຕໍ່ມາ ຢູ່ທີ່ໂຮງໝໍ. ລາຍງານຂອງສື່ມວນ ຊົນແຈ້ງວ່າ ພວກຜູ້ໃຫຍ່ເຫຼົ່ານີ້ ກໍາລັງພາລູກໆຂອງພວກເຂົາເຈົ້າໄປເຂົ້າໂຮງຮຽນອະນຸບານ ເວລາຖືກຄົນຮ້າຍໂຈມຕີ.

ຜູ້ຕ້ອງສົງໃສວ່າເປັນຄົນໂຈມຕີນັ້ນ ຖືກລະບຸຕົວວ່າ ເປັນຊາວນາທ້ອງຖິ່ນຄົນນຶ່ງ ຊື່ Wang Hongbin ທີ່ເຄີຍມີປະວັດເປັນໂຣກຈິດມາກ່ອນ.

ໃນໄລຍະບໍ່ເທົ່າໃດເດືອນຜ່ານມານີ້ ຈີນໄດ້ປະສົບກັບຄື້ນຟອງການໂຈມຕີພວກເດັກນ້ອຍ ຢ່າງນອງເລືອດ ຄືມີເດັກນ້ອຍແປດຄົນບາດເຈັບເມື່ອເດືອນຜ່ານມານີ້ ເວລາຄົນງານແມ່ຍິງ ຄົນນຶ່ງທີ່ສູນກາງລ້ຽງເດັກສໍາລັບພວກຄົນງານທີ່ອົບພະຍົບມາຈາກຕ່າງຖິ່ນ ໄດ້ເອົາມີດແທງ ພວກເດັກນ້ອຍ.

XS
SM
MD
LG