ລິ້ງ ສຳຫລັບເຂົ້າຫາ

ຈີນຮຽກຮ້ອງໃຫ້ ເຄື່ອນໄຫວໃນທາງບວກ ເພື່ອຊຸກຍູ້ການປະຕິຮູບ ໃນເກົາຫລີເໜືອ (ເບິ່ງສະໄລດ໌)


ເບິ່ງສະໄລດ໌ ກ່ຽວກັບການສວນສະໜາມ ແລະການສະແດງແສນຍານຸພາບ
ທາງທະຫານຂອງເກົາຫລີເໜືອ ເມື່ອວັນອາທິດ ທີ 15 ເມສາ 2012:

ສື່ຂອງ​ລັດ​ຖະ​ບານຈີນໄດ້ຊັກ​ຊວນ​ໃຫ້​ໂລກ ຈົ່ງ​ພາກັນ​ຊຸກ​ຍູ້ໃນ​ທາງບວກ ໃຫ້ມີ​ການ​ປ່ຽນ
ແປງຢູ່​ໃນ​ເກົາຫລີ​ເໜືອ ​ໂດຍອ້າງເຖິງຄໍາຖະ​ແຫລ​ງຕໍ່​ມະຫາຊົນ ທີ່​ບໍ່​ເຄີຍ​ມີ​ມາ​ກ່ອນຂອງຜູ້
ນໍາຄົນ​ໃໝ່ ​ທ່ານ Kim Jong Un ວ່າ ​ເປັນ​ຮ່ອງຮອຍທີ່ສະ​ແດງ​ໃຫ້​ເຫັນ​ວ່າ ລັດ​ທີ່ຢູ່ຢ່າງ​
ໂດດດ່ຽວ ​ແລະ​ນິຍົມ​ລັດທິສະ​ຕາ​ລິນນັ້ນ ມີ​ຄວາມ​ສົນ​ໃຈ​ໃນ​ການ​ພົວພັນກັບ​ໂລກ.

ໜັງສືພິມ Global Times ທີ່​ຂຶ້ນ​ກັບພັກ​ຄອມ​ມີ​ວນິສ​ເກົາ​ຫລີ​ເໜືອ ກ່າວຢູ່ໃນບົດວິຈານ
ໃນ​ວັນ​ຈັນ​ມື້​ນີ້​ວ່າ ການ​ພົວພັນ​ແທນ​ທີ່​ຈະ​ຕໍ່​ຕ້ານ ອາດ​ຈ​ະຊ່ວຍ​ໄດ້​ຫລາຍ​ກ່ວາ ​ໃນ​ການ​
ຜັກ​ດັນໃຫ້ພຽງ​ຢາງ ທໍາ​ການ​ປ່ຽນແປງ.

ໜັງສືພິມ​ສະບັບ​ນີ້ເວົ້າ​ແນະ​ວ່າ ​ການ​ເປິດ​ກວ້າງໃ​ໝ່​ໃນ​ພຽງຢາງ ອາດຈະ​ເປັນໄປ​ໄດ້ ​
ໂດຍ​ອ້າງຫລັກ​ຖານເຖິງຄວາມໜຸ່ມນ້ອຍຂອງ Kim Jong Un ​ແລະຂໍ້​ທີ່​ທ່ານໄດ້ຫັນ​
ເຫ​ອອກຈາກປະ​ເພນີ​ອັນ​ຍາວ​ນານ ຂອງບິດາ ​ໂດຍ​ການກ່າວ​ຄໍາ​ປາ​ໃສ​ຕໍ່ໜ້າມະຫາ
ຊົນ​ໃນ​ວັນ​ອາທິດວານ​ນີ້ ຊຶ່ງໃນຄໍາປາ​ໃສຕໍ່ການ​ໂຮມ​ຊຸມນຸມ​ຢ່າງ​ຂະໜານໃຫຍ່ ທີ່​ປະ
ກອບ​ດ້ວຍ​ການສວນສະໜາມ​ ແລະ​ການສະ​ແດງ​ແສນ​ຍານຸພາບ​ທາງທະຫາ​ນນັ້ນ.
ທ່າ​ນ Kim ​ໄດ້ໃຫ້​ຄໍາ​ໝັ້ນ​ສັນຍາ ​ທີ່​ຈະ​ເຮັດ​ວຽກ​ກັບ​ບັນດາຜູ້​ທີ່​ຈະ​ຮ່ວມກັບທ່ານ​ ​ໃນ​
ການ​ຊອກ​ຫາ​ຊ່ອງ​ທາງທີ່​ສັນ​ຕິພາບ ​ເພື່ອ​ເຕົ້າ​ໂຮມແຫລມ​ເກົາຫລີນັ້ນ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG