ການສະຫລອງຄົບຮອບ 100 ປີຂອງຕົ້ນດອກຊາກຸຣະຫຼື cherry ທີ່ນະຄອນຫລວງ
ວໍຊິງຕັນກໍາລັງດໍາເນີນຕໍ່ໄປໃນອາທິດນີ້ ພ້ອມທັງພິທີສະຫລອງບຸນດອກຊາກຸຣະບານ
ກໍກຳລັງດຳເນີນຢູ່ໃນເວລານີ້.
ການສະຫລອງບຸນໃນປີນີ້ ເປັນຂີດໝາຍຄົບຮອບ 100 ປີ ໃນການມອບຕົ້ນດອກ
ຊາກຸຣະເທື່ອທຳອິດເປັນຂອງຂວັນຈາກເຈົ້າຄອງນະຄອນ ຫຼວງໂຕກຽວ ເພື່ອເປັນ
ການແລກປ່ຽນມິດຕະພາບລະຫວ່າງຍີ່ປຸ່ນແລະ ສະຫະລັດ. ມີຕົ້ນດອກຊາກຸຣະ
ຫລາຍກວ່າ 100 ຕົ້ນຂອງຈຳນວນທັງ 3000 ຕົ້ນທີ່ມອບໃຫ້ຄັ້ງທໍາອິດຍັງມີຊີວິດຢູ່
ສ່ວນທີ່ເຫລືອນັ້ນໄດ້ຖືກນໍາມາທົດແທນໂດຍລັດຖະບານຍີ່ປຸ່ນ ຫລືການປູກຈາກກິ່ງ
ງ່າຂອງຕົ້ນດອກໄມ້ຈຸທໍາອິດ.
ຢູ່ທີຫໍທິພິດຕະພັນແຫ່ງຊາດ ທີ່ວໍຊິງຕັນ ຄະນະນັກຟ້ອນ Shizumi Kodomo
ພາກັນສະແດງການຟ້ອນ. ກຸ່ມຮັກສາວັດທະນາທໍາຕ່າງໆຂອງເດັກນ້ອຍກຸ່ມນີ້ ທີ່
ມາຈາກລັດມາລີແລນ ພາກັນສົ່ງເສີມການຟ້ອນເພື່ອເປັນສື່ສຳພັນນາໆຊາດ.
ກິດຈະການອື່ນໆທີ່ຫໍທິພິດຕະພັນແຫ່ງຊາດນັ້ນ ແມ່ນຮວມທັງໂອກາດ ການລອງ
ນຸ່ງເຄື່ອງພື້ນເມືອງຂອງຍີ່ປຸ່ນທີ່ນໍາມາຈາກຫໍທິພິດຕະພັນແຫ່ງຊາດຂອງເດັກນ້ອຍ
ທີ່ກຸງວໍຊິງຕັນ. ໂຄສົກທ່ານນາງ Lisa marie Ryder ກ່າວວ່າ ຫໍທິພິດຕະພັນຫວັງ
ວ່າ ພວກເດັກນ້ອຍຈະພາກັນມີຄວາມສົນໃຈກັບວັດທະນາທໍາຂອງຍິ່ປຸ່ນ.
ການສະຫລອງບຸນດອກຊາກຸຣະຈະດໍາເນີນໄປຈົນເຖິງເດືອນເມສາຊຶ່ງຈະເນັ້ນໜັກເຖິງ
ການຮັກສາມິດຕະພາບອັນຍາວນານລະຫວ່າງສະຫະ ລັດອາເມລິກາແລະຍີ່ປຸ່ນ.