ລິ້ງ ສຳຫລັບເຂົ້າຫາ

ການປະກາດ ຜົນການເສັງ SAT ຢູ່ຈີນ ແລະ ເກົາຫຼີໃຕ້ ຊັກຊ້າ ຍ້ອນການກ່າວຫາ ໂກງຂໍ້ສອບ


ພວກນັກຮຽນ ທີ່ພວມພາກັນອອກມາ ຈາກຫ້ອງສອບເສັງ SAT ທີ່ AsiaWorld-Expo ຢູ່ຮົງກົງ (2 ພະຈິກ 2013)

ອົງການ​ທີ່​ເປັນຜູ້ຈັດການ​ສອບ​ເສັງ​ເພື່ອທົດສອບຄວາມສາມາດ
ຫຼື SAT ສຳລັບໃຊ້ວັດແທກ ໃນການເຂົ້າຮຽນ ຢູ່ມະຫາວິທະຍາ​
ໄລ​ໃນສະຫະລັດ ​ໄດ້​ງົດແຈ້ງຜົນ​ການສອບ​ແກ່ນັກຮຽນ​ເກົາຫລີ
​ໃຕ້ ແລະ​ຈີນຫຼາຍ​ພັນ​ຄົນ ໃນຄວາມ​ເປັນ​ຫ່ວງ​ເລື້ອງ​ໂກງຂໍ້ສອບ.

ຫ້​ອງການບໍລິການສອບ​ເສັງ ດ້ານການສຶກສາ ທີ່​ພັດທະນາ​ຂໍ້​
ສອບ Scholastic AptitudeTest ຫລື SAT ກ່າວ​ຢູ່​ໃນ​ຖະ​
ແຫລ​ງການວ່າ ຕົນ​ໄດ້​ຮັບ “ຂໍ້ມູນທີ່ ສະ​ເພາະເຈາະຈົງ ແລະ
​ເຊື່ອ​ຖື​ໄດ້” ກ່ຽວ​ກັບ​ການ​ໂກງ​ຂໍ້ສອບ​ ​ໃນ​ລະຫວ່າງ​ການ​ສອບ
​ເສັງ​ ເມື່ອວັນ​ທີ 11 ​ເດືອນ​ຕຸລາ ​ຜ່ານ​ມາ​ນີ້.

ຄຳ​ຖ​ະແຫລ​ງ ​ທີ່ນຳອອກເຜີຍ​ແຜ່​ຮ່ວ​ມກັບຄະນະ​ກຳມະ​ການ​ມະຫາ​ວິທະຍາ​ໄລທີ່​ຄຸ້ມຄອງ​ການສອບ​ເສັງ ກ່າວ​ວ່າ ບັນດາ​ອົງການ​ຈັດ​ຕັ້ງຕ່າງໆ ​ໄດ້​ເອົາ​ບາດກ້າ​ວຢ່າງຈີ​ງຈັງ ​ຕໍ່ການ

ດຳເນີນຄວາມພະຍາຍາມໃດໆກໍຕາມ ທີ່ຈະສໍ້ໂກງການສອບເສັງແລະນະໂຍບາຍຄວາມ
ປອດໄພ. ຖະແຫຼງການ​ຍັງ​ໄດ້​ປະນາມ​ຢ່າງ​ແຮງ ຕໍ່ “ອົງການ​ທີ່​ຊອກຫາ​ຂໍ້ສອບ ແບບຜິດ ກົດໝາຍ ​ ເພື່ອສ້າງຜົນ​ກຳ​ໄລ ໃຫ້​ແກ່​ຕົນເອງນັ້ນ."

ທ່ານ Lee Bohn ອະດີດ​ທີ່​ປຶກສານະ​ໂຍບາຍ​ການ​ສຶກສາ ຢູ່​ເກົາຫລີໃຕ້ ກ່າວ​ຕໍ່ ວີ​ໂອ​ເອ
ວ່າ ມີ​ຄວາມ​ເປັນ​ຫ່ວງ​ກ່ຽວກັບການຊັກຊ້າໃນການ​ເຜີຍ​ແຜ່​ຜົນ​ການ​ສອບ​ເສັງ ຊຶ່ງອາດຈະ​
ລົບ​ກວນການຍື່ນ​ຄຳຮ້ອງ​ຂໍ​ເຂົ້າມະຫາວິທະຍາ​ ຂອງ​ນັກ​ສຶກສາ.

ຫ້​ອງການບໍລິການສອບ​ເສັງດ້ານການສຶກສາ ກ່າວ​ວ່າ ການ​ສືບສວນ​ອາດ​ໃຊ້ເວລາເຖີງ ສີ່ອາທິດແຕ່​ກ່າວ​ວ່າຜົນ​ການ​ສອບ​ເສັງ​ຈະ​ແຈ້ງໃຫ້ຊາບທັນ​ກັບເວລາ​ເສັ້ນ​ຕາຍຂອງການ
ຍືນ​ຄຳ​ຮ້ອງ​ເຂົ້າ​ມະຫາວິທະຍາ​ໄລ ຊຶ່ງ​ສ່ວນ​ໃຫຍ່ແລ້ວແມ່ນຢູ່​ໃນ​ເດືອນ​ພະຈິກ.

XS
SM
MD
LG