ລິ້ງ ສຳຫລັບເຂົ້າຫາ

ຜູ້ນຳ ເວເນຊູເອລາ ເດີນທາງ ກັບຄືນຈາກຄິວບາ

  • ໄພສານ ວໍຣະຈັກ

ປະທານາທິບໍດີເວເນຊູເອລາ ທ່ານ Hugo Chavez ໂບກມືໃຫ້ແກ່ ປະຊາ ຊົນທີ່ໄປຮ່ວມງານຄອນເສີດ ຈັດຂຶ້ນເປັນກຽດແກ່ທ່ານ ທີ່ໂຮງມະຫໍລະສົບ Teras Carreno ໃນນະຄອນຫຼວງກາຣາກັສ (23 ກຸມພາ 2012)

ປະທານາທິບໍດີ Hugo Chavez ​ແຫ່ງ​ເວ​ເນ​ຊູ​ເອລາ ​ໄດ້​ເດີນທາງ​ກັບ​ຄືນ​ປະ​ເທດ​ຈາກ​ຄິວ​ບາ
ໃນ​ຕອນ​ແລງ​ຂອງ​ມື້ວັນ​ສຸກ​ວານ​ນີ້ ຫຼັງຈາກ​ໄດ້​ໄປ​ປິ່ນປົວ​ໂຣກມະ​ເຮັງ​ ເປັນ​ເວລາ 11 ມື້ໂດຍ
​ເອີ້ນການ​ບຳບັດ​ດ້ວຍ​ການ​ອາບຣັງສີ​ເທື່ອ​ຫຼ້າສຸດຂອງ​ທ່ານ​ວ່າ ປະສົບ​ຄວາມ​ສຳ​ເລັດ.

ຫຼັງຈາກ​ເດີນທາງ​ໄປ​ຮອດ​ນະຄອນຫຼວງກາຣາກັສ​ແລ້ວ ຜູ້ນຳ​ສັງຄົມ​ນິຍົມ​ອາຍຸ 57 ປີ​ຂອງ​ເວ
​ເນ​ຊູ​ເອລາ​ກ່າວ​ວ່າ ທ່ານ​ຕ້ອງ​ໄດ້​ປະຕິບັດ​ຕາມ​ຄຳແນະນຳ​ທາງດ້ານ​ການ​ແພດ​ຢ່າງ​ເຄັ່ງ​ຄັດ​ໃນ
​ໄລຍະ​ຫຼາຍໆ​ມື້ຂ້າງ​ໜ້ານີ້ ​ເພື່ອ​ພັກ​ຟື້ນ​ໃຫ້ຫາ​ຍດີ.

ທ່ານ Chavez ​ເລີ່​ມຮັບ​ການ​ປິ່ນປົວ​ໃນ​ເດືອນ​ມີນາ​ຜ່ານ​ມາ ​ຫຼັງຈາກ​ທ່ານ​ໄດ້ທຳການຜ່າຕັດ​
ໃນ​ເດືອນ​ກຸມພາ ​ແລະ​ເດືອນ​ມິ​ຖຸນາປີ​ກາຍ ​ເພື່ອ​ຕັດ​ເນື້ອງອກ​ອອກຈາກ​ບໍລິ​ເວນ​ກະດູກ​ງ່າມ
​ຂາ.

ປະທານາທິບໍດີ Chavez ຍັງ​ໄດ້​ບໍ່​ແຈ້ງ​ໃຫ້​ຊາບ​ເທື່ອ​ກ່ຽວ​ກັບ​ຊະນິດ​ຂອງ​ມະ​ເຮັງ​ທີ່​ທ່ານ​ເປັນ.
ທ່ານ​ເຄີຍ​ກ່າວ​ກ່ອນ​ໜ້ານີ້ວ່າ ອາການ​ຂອງ​ທ່ານ​ຈະ​ບໍ່​ສາມາດ​ເຮັດ​ໃຫ້​ທ່ານ ​ຢຸດ​ເຊົາ​ການ​ໂຄ
ສະນາ​ຫາ​ສຽງເພື່ອ​ເຂົ້າຮັບ​ຕຳ​ແໜ່​ງຕື່ມອີກ​ໃນ​ການ​ເລືອກ​ຕັ້ງປະທານາທິບໍດີ​ຊຶ່ງ​ຈະ​ມີ​ຂຶ້ນ​ໃນ
​ວັນ​ທີ 7 ຕຸລາ​ທ້າຍ​ປີນີ້.

ທ່ານ Chavez ​ໄດ້​ເຂົ້າກຳ​ອຳນາດ​ນັບ​ແຕ່​ປີ 1999 ​ເປັນຕົ້ນມາ.

XS
SM
MD
LG