ລິ້ງ ສຳຫລັບເຂົ້າຫາ

ພັນລະຍາ ຜູ້ທີ່ຖືກຍິງຕາຍ ຢູ່ເມືອງ Charlotte ເປີດເຜີຍ ວີດີໂອ


ຜູ້ບັນຊາການຕຳຫຼວດ ເມືອງ Charlotte ລັດ North Carolina ທ່ານ Kerr Putney ກ່າວຕໍ່ກອງປະຊຸມ ຖະແຫຼງຂ່າວ ເມື່ອວັນທີ 22 ກັນຍາ 2016.

ຜູ້ບັນຊາການຕຳຫຼວດ ເມືອງ Charlotte ລັດ North Carolina ທ່ານ Kerr Putney ກ່າວຕໍ່ກອງປະຊຸມ ຖະແຫຼງຂ່າວ ເມື່ອວັນທີ 22 ກັນຍາ 2016.

ຜູ້​ບັນຊາ​ການ​ຕຳຫຼວດ​ທີ່​ເມືອງ Charlotte ລັດ North Carolina ໃນພາກຕາ​ເວັນອອກ ສຽງ​ໃຕ້​ຂອງ​ສະຫະລັດ ກ່າວ​ໃນ​ວັນ​ສຸກ​ວານ​ນີ້ວ່າ ວີ​ດີ​ໂອ​ຂອງ​ຕຳຫຼວດທີ່​ບັນທຶກ​ຮູ​ບພາບ​ໃນ​ລະຫວ່າງ​ການຍິງ​ສັງຫານ​ຜູ້​ຊາຍອາ​ເມຣິກັນເຊື້ອສາຍ​ອາ​ຟຣິກາຄົນນຶ່ງ​ໂດຍ​ຕຳຫຼວດ ນັ້ນຈະ​ມີ​ການ​ນຳ​ອອກ​ເຜີຍ​ແຜ່​ໃນ​ທີ່​ສຸດ.

ຜູ້​ບັນຊາ​ການ Kerr Putney ກ່າວ​ໃນ​ກອງ​ປ​ະຊຸມ​ຖ​ະ​ແຫລງຂ່າວ​ວ່າ “ມັນ​ຂຶ້ນຢູ່​ກັບ​ວ່າ​ເວ ລາ​ໃດ ​ແລະ ​ມັນ​ເປັນ​ເລື້ອງ ຂອງ​ລຳດັບ​ເຫດການ. ຂ້າພະ​ເຈົ້າ ຢາກ​ໃຫ້​ເປັນ​ທີ່​ຮອບ​ຄອບ​ແລະ​ສຸຂຸມ​ຕື່ມ​ໃນ​ການ​ນຳ​ສະ​ເໜີ​ເລື້ອງລາວ​ທັງ​ໝົດ.”

ແຜນທີ່ ເມືອງ Charlotte ລັດ North Carolina

ແຜນທີ່ ເມືອງ Charlotte ລັດ North Carolina

ໃນ​ຂະນະ​ດຽວ​ກັນ ຄອບຄົວ​ຂອງ​ທ້າວ Keith Lamont Scott ກໍ​ໄດ້​ນຳ​ເຜີຍ​ແຜ່​ວີ​ດີ​ໂອ​ທີ່​ຖ່າຍ​ຈາກໂທລະສັບ​ມື​ຖື​ທີ່​ພັນ​ລະ​ຍາ​ຂອງ​ທ້າວ Scott ນາງ Rakiya ​ໄດ້​ບັນທຶກ​ໄວ້ກ່ອນ ​ທີ່​ສາມີ​ຂອງ​ນາງ​ຈະ​ເສຍ​ຊີວິດ ​ໃນ​ວັນ​ອັງຄານ​ຜ່ານ​ມາ.

ວີ​ດີ​ໂອຈາກ​ໂທລະສັບ​ມື​ຖື​ ບໍ່​ໄດ້ສະ​ແດງ​ໃຫ້​ເຫັນ​ວ່າ ທ້າວ Scott ມີ​ປືນ​ຢູ່​ໃນ​ມື​ຫຼືບໍ່​ ເວລາ​ ຜູ້ກ່ຽວ​ປະ​ເຊີນ​ໜ້າ​ກັບ​ຕຳຫຼວດ ​ແຕ່​ແນວ​ໃດ​ກໍ​ຕາມ​ ໄດ້​ຍິນ​ສຽງ​ພັນລະ​ຍາ​ຂອງ​ລາວ​ຮ້ອງ​ ຂໍບໍ່​ໃຫ້​ຕຳຫຼວດຍິງລາວ ແລະ​ໃຫ້​ສາມີ​ຂອງ​ນາ ງອອກ​ມາ​ຈາກ​ລົດ. ນອກ​ນັ້ນແລ້ວຍັງ​ໄດ້​ ຍິນ​ສຽງ​ຮ້ອງ​ຂອງ​ນາງ​ວ່າ ​ສາມີ​ຂອງ​ນາງ ບໍ່​ມີ​ອາວຸດ ​ໃນ​ຂະນະ​ທີ່ຕຳຫຼວດ ສັ່ງ​ໃຫ້​ທ້າວ Scott ຖິ້ມ​ປືນ​ລົງ. ຫລັງ​ຈາກ​ນັ້ນ ກໍ​ໄດ້​ຍິນ​ສຽງ​ປືນ​ດັງຂຶ້ນ ​ແລະ​ກໍ​ເຫັນ​ຮູບ​ທ້າວ Scott ນອນຢຽດ​ຢູ່​ທີ່ຫົນ​ທາງ.

​ມີ​ຫລາຍຮ້ອຍ​ຄົນພາກັນເດີນ​ຂະ​ບວນຢູ່​ຕາມຖະໜົນ​ຫົນທາງທີ່​ເມືອງ Charlotte ​ເປັນ​ຄືນ​ທີ​ສີ່​ໃນ​ວັນ​ສຸກ​ວານ​ນີ້ ​ເພື່ອ​ປະ​ທ້ວງຕໍ່​ການ​ຍິງ​ສັງຫານ​ດັ່ງກ່າວ.

​ເຮືອບິນ​ເຮລີຄອບ​ເຕີ້​ໄດ້ບິນ​ເວີ່ນ​ຢູ່​ທາງ​ເທິງ​ພວກ​ເດີນ​ຂະ​ບວນ ​ແລະ​ກໍ​ສາມາດ​ແນມ​ເຫັນ​ກອງ​ກຳລັງ​ຮັກສາ​ດິນ​ແດນ​ຕາມ​ຖະໜົນສາຍຕ່າງໆ. ພ້ອມ​ນີ້ຕຳຫຼວດ ຍັງ​ໄດ້​ປິດ​ຫົນທາງ​ຫລາຍ​ສາຍ ທີ່​ພວກ​ປະ​ທ້ວງ​ມັກ​ໄປ​ໃນ​ລະຫວ່າງ​ການ​ເດີນ​ຂະ ບວນຄັ້ງກ່ອນໆ​ໃນ​ອາທິດ​ນີ້.

WATCH: Live video from Friday night march

​ພາຍ​ໃນ​ເວລາ 9 ​ໂມງ​ແລງ ພວກ​ປະ​ທ້ວງ​ ໄດ້​ພາກັນ​ອອກ​ໄປ​ສູ່​ທາງ​ຫຼວງ ສາຍ​ສຳຄັນໆ ​ໃກ້ໆ​ກັບ​ເມືອງ Charlotte ​ແລະ​ໄດ້​ອັດ​ບໍ່​ໃຫ້ມີ​ການ​ສັນຈອນ​ໄປມາ. ຕໍ່​ມາພວກ​ປະ​ທ້ວງ​ໄດ້​ແຍກ​ກັນ​ອອກ​ເປັນ​ກຸ່ມໆ ​ແລະ​ຫລາຍໆ​ຄົນ​ໄດ້​ພາກັນ​ກັບຄືນ​ໄປ​ສູ່​ເຂດ​ໃຈກາງ​ເມືອງ​ອີກ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG