ລິ້ງ ສຳຫລັບເຂົ້າຫາ

ອົງການ IOM ຈະຍົກຍ້າຍ ຊາວຕ່າງປະເທດ ອອກຈາກ ອາຟຣິກາກາງ (ສະໄລດ໌/ວີດີໂອ)


ອົງການຊ່ອຍຕັ້ງຖິ່ນຖານຜູ້ອົບພະຍົບນາໆຊາດຫຼື IOM ພວມຍົກ
ຍ້າຍຊາວຕ່າງປະເທດ ທີ່ຕົກຄ້າງ ອອກຈາກສາທາລະນະລັດອາ
ຟຣິກາກາງ ໃນວັນເສົາມື້ນີ້ ຫຼັງຈາກໄດ້ມີການຮ້ອງຂໍ ຈາກບັນດາ
ປະເທດເພື່ອນບ້ານ ໃນອາຟຣິກາ.

ການຍົກຍ້າຍຊາວຕ່າງປະເທດ ທີ່ຕົກຄ້າງ ມີຂຶ້ນຫລັງຈາກການ
ລາອອກ ຂອງປະທານາທິບໍດີ Michel Djotodia ແລະນາຍົກ
ລັດຖະມົນຕີ Nicolas Tiengaye ໃນມື້ວັນສຸກວານນີ້ໃນຕອນ ທ້າຍຂອງກອງປະຊຸມສຸດຍອດ ເປັນເວລາ 2 ມື້ ຂອງພວກຜູ້ນຳ
ປະຊາຄົມເສດຖະກິດໃນເຂດອາຟຣິກາກາງຫຼື ECCAS ທີ່ປະ
ເທດ Chad.

ພວກຜູ້ນຳຂອງອົງການ ECCAS ເວົ້າວ່າ ການເຈລະຈາຈະມີຂຶ້ນທີ່ນະຄອນຫຼວງ Bangui ຂອງສາທາລະນະລັດອາຟຣິກາກາງ ເພື່ອຕັດສິນກ່ຽວກັບຄະນະນຳພາໃໝ່. ການປະກາດທີ່ ວ່ານີ້ ມີຂຶ້ນລຸນຫຼັງທີ່ໄດ້ເກີດຄວາມຮຸນແຮງທາງດ້ານສາສະໜາມາເປັນເວລາຫຼາຍໆເດືອນ.

ທ່ານ Djotodia ຊຶ່ງໃນເວລານີ້ຢູ່ທີ່ນະຄອນຫຼວງ N’Djamena ຂອງ Chad ເພື່ອເຂົ້າຮ່ວມ ກອງປະຊຸມສຸດຍອດນັ້ນ ຍັງບໍ່ທັນໃຫ້ຄວາມເຫັນໃດໆເທື່ອ.

ຖ້ຽວບິນທຳອິດ ໃນຈຳນວນທັງໝົດ 3 ຖ້ຽວ ທີ່ອົງການ IOM ໄດ້ເໝົາ ໃນໄລຍະສອງສາມມື້ ຂ້າງໜ້ານີ້ ແມ່ນຈະຍົກຍ້າຍຊາວ Chad ປະມານ 800 ຄົນ ຈາກນະຄອນ Bangui ໄປຍັງ ນະຄອນ N’Djamena.

ພວກ 800 ຄົນນີ້ ແມ່ນສ່ວນນຶ່ງຂອງຊາວ Chad ຈຳນວນທັງໝົດ 2500 ຄົນທີ່ຢູ່ໃນສູນຊົ່ວ ຄາວໃກ້ໆສະໜາມບິນ Bangui ຊຶ່ງພາກັນອາໄສຢູ່ແບບລຳບາກຍາກເຂັນ ໃນສູນທີ່ມີຜູ້ຄົນ ແອອັດຈົນເກີນໄປ ແລະເປື້ອນເປິເປັນອັນຕະລາຍຕໍ່ສຸຂະພາບ.

XS
SM
MD
LG