ລິ້ງ ສຳຫລັບເຂົ້າຫາ

ສະຫະລັດ ເປັນຫ່ວງ ຢ່າງເລິກເຊິ່ງ ຕໍ່ ຄວາມສ່ຽງ ຂອງການຂັດແຍ່ງກັນໃນທະເລຈີນໃຕ້


ລັດຖະມົນຕີ ກະຊວງປ້ອງກັນປະເທດ ສະ​ຫະ​ລັດ ທ່ານ Ash Carter.

ລັດຖະມົນຕີ ກະຊວງປ້ອງກັນປະເທດ ສະ​ຫະ​ລັດ ທ່ານ Ash Carter.

ລັດຖະມົນຕີປ້ອງກັນປະເທດ ສະຫະລັດ ທ່ານ Ash Carter ໄດ້ ກ່າວໃນວັນເສົາວານນີ້ວ່າ ສະຫະລັດ ແລະ ທຸກໆຄົນໃນພາກພື້ນ ເອເຊຍ-ປາຊີຟິກ ແມ່ນມີ “ຄວາມເປັນຫ່ວງຢ່າງເລິກເຊິ່ງ” ກ່ຽວ ກັບຄວາມສ່ຽງຕໍ່ຄວາມຂັດແຍ່ງ ລະຫວ່າງປະເທດທີ່ກ່າວອ້າງ ເອົາເຂດແດນໃນທະເລ ຈີນໃຕ້.

ຈາກການກ່າວທີ່ກອງປະຊຸມປ້ອງກັນປະເທດ Reagan ໃກ້ກັບ ນະຄອນ Los Angeles ນັ້ນ ທ່ານ Carter ໄດ້ກ່າວ່າຄວາມ ກ້າວໜ້າ ແລະ ຂອບເຂດຂອງການອ້າງເອົາເຂດແດນໂດຍ ຈີນ ແລະ ປະເທດອື່ນໆໄດ້ເພີ່ມຄວາມສ່ຽງຂອງການຄຳນວນຜິດ ແລະ ຄວນຈະຢຸດຕິລົງໄດ້ແລ້ວ.

ເຮືອພິຄາດຂອງ ຈີນ ໄດ້ຕິດຕາມເຮືອຮົບຂອງ ສະຫະລັດ ໃນເດືອນທີ່ຜ່ານມາ ໃນຂະນະທີ່ ມັນເຂົ້າໄປໄລຍະ 11 ກິໂລແມັດຫ່າງຈາກເກາະທຽມທີ່ ຈີນ ໄດ້ສ້າງຂຶ້ນໃນທະເລ ຈີນໃຕ້. ຈີນ ໄດ້ອ້າງເອົາເຂດແດນເກືອບທັງໝົດຢູ່ໃນທະເລດັ່ງກ່າວ. ມີອີກຫຼາຍປະເທດອື່ນໆທີ່ຍັງໄດ້ອ້າງ ເອົາກຳມະສິດທີ່ວ່ານັ້ນເຊັ່ນກັນ.

South China Sea Territorial Claims

South China Sea Territorial Claims

ມີບາງຄົນໄດ້ຖາມທ່ານ Carter ໃນວັນເສົາວານນີ້ວ່າ “ໝູ່ເກາະທີ່ຢູ່ອີກຊີກໜຶ່ງຂອງໂລກ” ແມ່ນຄຸ້ມຄ່າບໍທີ່ຈະຍົກຂຶ້ນມາປະເຊີນໜ້າກັບ ຈີນ.

ທ່ານ Carter ໄດ້ຕອບຄືນວ່າ ຈຸດສຳຄັນຂອງພາລະກິດເຮືອຮົບ ສະຫະລັດ ແມ່ນຄວາມເສ ລີພາບໃນການເດີນທາງໃນໜ່ານນ້ຳສາກົນ ເຊິ່ງເປັນເສັ້ນທາງການຄ້າທີ່ມີມູນຄ່າເປັນຫຼາຍໆ ຕື້. ທ່ານໄດ້ກ່າວວ່າ ຄວາມເສລີພາບນີ້ແມ່ນມີຄວາມສຳຄັນຫຼາຍ ແລະ ວ່າ ສະຫະລັດ ຕ້ອງ ການທີ່ຈະຍຶດພັນຕິດກັບມັນຢູ່.

ແຕ່ທ່ານ Carter ໄດ້ກ່າວວ່າ ການເຮັດໃຫ້ຄວາມໝັ້ນຄົງມີຄວາມດຸ່ນດ່ຽງຄືນຂອງຊາວ ອາເມລິກັນ ໃນພາກພື້ນປາຊີຟິກ ແມ່ນບໍ່ໄດ້ແນໃສ່ການຖ່ວງດຶງປະເທດໃດໄວ້.

ທ່ານກ່າວວ່າ “ສະຫະລັດ ຢາກໃຫ້ທຸກໆປະເທດມີໂອກາດທີ່ຈະລຸກຂຶ້ນ ເພາະວ່າມັນດີສຳ ລັບທຸກໆພາກພື້ນ ແລະ ກໍດີສຳປະເທດຂອງພວກເຮົາທຸກຄົນ. ນັ້ນກໍລວມມີ ຈີນ ນຳ.. ແຕ່ພວກເຂົາເຈົ້າຕ້ອງຍຶດຖືຄຳສັນຍາຂອງ ປະທານປະເທດ ສີ ໃນການບໍ່ດຳເນີນການ ທາງທະຫານໃນ ທະເລ ຈີນໃຕ້.”

ທ່ານ Carter ໄດ້ກ່າວວ່າ ທ່ານໄດ້ຕອບຮັບການເຊື້ອເຊີນຂອງທ່ານ ສີ ເພື່ອຢ້ຽມຢາມ ຈີນ ບາງຄັ້ງຄາວໃນປີໜ້າທີ່ໃກ້ຈະມາເຖິງນີ້. ທ່ານໄດ້ກ່າວວ່າພວກເຂົາແນ່ນອນຈະປຶກສາຫາລື ກັນກ່ຽວກັບຄວາມແຕກຕ່າງ ພ້ອມກັບເຈລະຈາກກ່ຽວກັບຫຼາຍວິທີເພື່ອຮ່ວມມືກ່ຽວກັບ ບັນຫາ ທີ່ມີຄວາມສຳຄັນດັ່ງເລື້ອງ ພາວະໂລກຮ້ອນ, ການລະເມີດສິດທິ ແລະ ໄພພິບັດດ້ານມະນຸດ ສະທຳ.

ສະແດງຄວາມເຫັນໃຫ້ເບິ່ງ

XS
SM
MD
LG