ລິ້ງ ສຳຫລັບເຂົ້າຫາ

ກອງທັບ ສະຫະລັດ ຈະອະນຸຍາດ ໃຫ້ແມ່ຍິງ ມີບົດບາດ ໃນການສູ້ລົບ


ນາຍສິບ ທະຫານສະຫະລັດ ນາງ Janelle Zalkovskyຈາກໜ່ວຍປະຊາສຳພັນກັບພົນລະເຮືອນ.

ນາຍສິບ ທະຫານສະຫະລັດ ນາງ Janelle Zalkovskyຈາກໜ່ວຍປະຊາສຳພັນກັບພົນລະເຮືອນ.

ບັນດາ​ທະຫານແມ່ຍິງ ສະຫະລັດ ຈະ​ມີ​ຄວາມສາມາດ​ຂັບ​ລົດ
​ຫຸ້ມ​ເກາະ ​ແລະ​ຍິງ​ລູກປືນ​ຄົກ ​ໃນ​ອະນາ​ຄົດ​ອັນ​ໃກ້ໆ​ນີ້ ​ໃນ​ຂະ
ນະ​ທີ່ທຳນຽບຫ້າ​ແຈ ​ເປີດ​ກວ້າງທຸກ​ໜ້າ​ທີ່​ການສູ້​ລົບ​ໃຫ້​ແກ່
​ພວກແມ່ຍິງ ທີ່​ຈະ​ເລີ້ມ​ໃນ​ປີ​ໃໝ່​ ຈະ​ມາ​ເຖິງ​ນີ້.

ລັດຖມົນຕີກະຊວງປ້ອງ​ກັນ​ປະ​ເທດສະຫະລັດ ທ່ານ Ash
Carter ​ໄດ້​ປະກາດ​ໃນ​ວັນ​ພະຫັດ​ວານ​ນີ້​ ຢູ່​ທີ່​ທຳນຽບຫ້າ​ແຈ
​ວ່າ ກຳລັງ​ອາສາ​ສະມັກ​ອາ​ເມຣິກາ ທັງ​ໝົດ ບໍ່​ສາມາດ​ທີ່​ຈະ
​ບໍ່​ຫົ​ວຊາ​ວ່າ ​ເຄິ່ງໜຶ່ງ​ຂອງ​ປ​ະຊົນຢູ່​ໃນ​ສັດຕະວັດ​ທີ 21 ​ຕ້ອງ
ການ​ທີ່​ຈະ “ດຶງດູດເອົາ​ຄວາມ​ແຂງ​ແຮງ​ ຈາກກຳລັງ​ທີ່ີມີ​ຢູ່​ນັ້ນ
ຢ່າງ​ກວ້າງ ຂວາງທີ່​ສຸດ” ຮວມທັງພວກ​ແມ່ຍິງ ຊຶ່ງທ່ານ Carter ກ່າວ​ວ່າ ຈະ​ບໍ່ມີ​ການ​ຍົກ​ເວັ້ນ​ໃດໆ.”

ພວກ​ແມ່ຍິງ ​ພາກັນກ້າວ​ຂຶ້ນ ເທື່ອ​ລະ​ຂັ້ນ ​ໄປສູ່ການ​ມີບົດບາດໃນການ​ສູ້​ລົບ ນັບ​ແຕ່​ກາງ
ຊຸມ​ປີ 1970 ​ຊຶ່ງ​ໃນ​ຂັ້ນທຳ​ອິດ​ເຂົາ​ເຈົ້າ​ໄດ້​ມີ​ສິດເຂົ້າ​ຮັບ​ໃຊ້​ຢູ່​ໃນ​ສະ​ຖາ​ບັນ​ທະຫານ​ຕ່າງໆ ​ແລະ​ເກນ​ເຂົ້າເປັນ​ກຳລັງ​ທະຫານ​ສະຫະລັດ. ປັດ​ຈຸ​ບັນ​ນີ້ພວກ​ແມ່ຍິງ​ໄດ້ຖືກ​ຫ້າມແຕ່​ພຽງ​ບໍ່ໃຫ້ຢູ່​ໃນ​ໜ້າ​ທີ່​ທຳ​ການສູ້​ລົບ ປະມານສິບ​ເປີ​ເຊັນ​ຂອງ​ໜ້າ​ທີ່ທະຫານ.

ທະຫານນາວີກະໂຍທິນ ຜູ້ຍິງ ສະຫະລັດ ຈ່າໂທ Sheena Adams (ຊ້າຍ) ແລະ ນາງ HN. Shannon Crowley

ທະຫານນາວີກະໂຍທິນ ຜູ້ຍິງ ສະຫະລັດ ຈ່າໂທ Sheena Adams (ຊ້າຍ) ແລະ ນາງ HN. Shannon Crowley

ທ່ານ Carter ກ່າວ​ວ່າ ທັງສາມເຫລົ່າ ຂອງ​ກອງທັບ​ສະຫະລັດ ​ໄດ້​ເຫັນ​ດີ​ອະນຸ ຍາດ​ໃຫ້​ພວກ​ແມ່ຍິງ​ເຂົ້າ​ເປັນ​ທະຫານ ທີ່​ຕ້ອງການ​ທີ່ສຸດ ​ແລະມີໜ້າ​ທີ່​ອັນເປັນຕະລາຍ​. ​ເຖິງ​ຢ່າງ​ໃດ​ກໍ​ດີ ທະຫານ​ນາວິກະ​ໂຍທິນແມ່ນ​ມີ​ການ​ຍົກ​ເວັ້ນ​ເປັນບາງ​ຢ່າງ ​ອີງ​ຕາມ​ການ​ຄົ້ນ​ຄວ້າ​
ທີ່​ໄດ້​ສະ​ແດງ​ໃຫ້​ເຫັນ​ວ່າ ພວກແມ່ຍິງ​ໄດ້​ເຮັດ​ໃຫ້​ປະສິດທິ​ຜົນ​ໃນ​ການ​ສູ້​ລົບ​ຫລຸດລົງ.

ຂະບວນລົດທະຫານ ສະຫະລັດ ກຳລັງຂ້າມຊາຍແດນເຂົ້າສູ່ Kuwait.

ຂະບວນລົດທະຫານ ສະຫະລັດ ກຳລັງຂ້າມຊາຍແດນເຂົ້າສູ່ Kuwait.

ຫລັງ​ ຈາກ​ການ​ທົບ​ທວນ​ເປັນ​ເວລາ​ສາມ​ປີ ທ່ານ Cater ກ່າວ​ວ່າ ທ່ານມອງເບິ່ງຂໍ້​ມູນໄປ​
ໃນ​ທາງທີ່​ແຕກ​ຕ່າງ ​ແລະ​ທ່ານຄິດ​ວ່າ ບັນ​ຫາ​ກ່ຽວ​ກັບທະຫານ​ນາວີ​ກະ​ໂຍທິນ ຈະໄດ້​ຮັບ​ການ​ແກ້​ໄຂ​ ຂະນະ​ທີ່​ກົດ​ລະບຽບ​ໃໝ່​ມີ​ການຈັດຕັ້ງປະຕິບັດ.

XS
SM
MD
LG