ບັນດາຜູ້ສະມັກແຂ່ງຂັນ ເປັນປະທານາທິບໍດີ ຂອງພັກຣີພັບບລິ
ກັນ ຈະໂຕ້ວາທີ ກັນເປັນເທຶ່ອທີສາມສຳຫລັບການເລືອກຕັ້ງຂັ້ນ
ຕົ້ນ ໃນວັນພຸດມື້ນີ້ ທ່າມກາງທີ່ມີ ຮ່ອງຮອຍວ່າ ທ່ານ Trump ທີ່
ມີຄະແນນສຽງນຳໜ້າ ກໍາລັງເສຍຄະແນນໃຫ້ແກ່ທ່ານໝໍຜ່າຕັດ
ບຳນານ ທ່ານ Ben Carson.
ການຢັ່ງຄະແນນສຽງສີ່ເທຶ່ອຫວ່າງໆມໍ່ໆມານີ້ ທີ່ລັດ Iowa ຊຶ່ງ
ເປັນລັດທີ່ມີການ ເລືອກຕັ້ງຂັ້ນຕົ້ນກ່ອນໝູ່ ສະແດງໃຫ້ເຫັນວ່າ
ທ່ານ Carson ໄດ້ມີຄະແນນສຽງນຳໜ້າທ່ານ Trump ມະຫາ
ເສດຖີອະສັງຫາລິມມະຊັບ ແລະເປັນເທື່ອທຳ ອິດ ທີ່ທ່ານ
Carson ມີຄະແນນນຳໜ້າທ່ານ Trump ໃນການສຳຫລວດ
ໃໝ່ຢູ່ທົ່ວປະເທດ.
ການຢັ່ງສຽງຄັ້ງຫລ້າສຸດຂອງໜັງສືພິມ New York Time ແລະໂທລະພາບ CBS
ສະແດງໃຫ້ເຫັນວ່າ ທ່ານ Carson ໄດ້ຮັບການສະໜັບສະໜູນ 26 ເປີເຊັນ ໃນບັນດາ
ຜູ້ປ່ອນບັດຂັ້ນຕົ້ນຂອງພັກຮີພັບບລິກັນ ແລະທ່ານ Trump ຢູ່ໃນອັນດັບສອງ ດ້ວຍການ
ສະໜັບສະໜູນ 22 ເປີເຊັນ. ນີ້ເປັນເທື່ອທຳອິດ ທີ່ ທ່ານ Trump ບໍ່ໄດ້ມີຄະແນນນຳໜ້າ
ນັບແຕ່ໜັງສືພິມ New York Time ແລະໂທລະພາບ CBS ໄດ້ເລີ້ມຢັ່ງຫາງສຽງ ແລະ
ຈັດລະດັບບັນດາຜູ້ສະມັກໃນທ້າຍເດືອນກໍລະກົດ ທີ່ຜ່ານມາ.
ການໂຕ້ວາທີ ທີ່ຈະຈັດຂື້ນຢູ່ເມືອງ Bolder ໃນລັດ Colorado ແລະອອກອາກາດໂດຍ
ໂທລະພາບ CNBC ນັ້ນ ຈະຮວມທັງບັນດາຜູ້ສະມັກແຂ່ງຂັນເປັນ ປະທານາທິບໍດີ ພັກຮີ
ພັບບລິກັນ ທີ່ມີຄະແນນສູງສຸດ 10 ທ່ານ ຊຶ່ງກຳລັງກ້າວ ເຂົ້າສູ່ຂັ້ນຕອນທີ່ສຳຄັນ ຂອງ
ການໂຄສະນາຫາສຽງໃນການເລືອກຕັ້ງຂັ້ນຕົ້ນ.
ການໂຕ້ວາທີດັ່ງກ່າວແມ່ນມີຄວາມສຳຄັນເປັນພິເສດ ສຳລັບອະດີດຜູ້ປົກຄອງລັດ
Florida ທ່ານ Jeb Bush ຊຶ່ງຫວ່າງມໍ່ໆມານີ້ ໄດ້ຕັດການໃຊ້ຈ່າຍ ໃນການໂຄສະນາ
ຫາສຽງ ຫລັງຈາກໄດ້ມີຄະແນນນິຍົມຕົກລົງມາຢູ່ທາງຫລັງ ໃນ ການຢັ່ງສຽງທົ່ວປະເທດ
ແລະການສຳຫລວດຢູ່ບັນດາລັດທີ່ມີການປ່ອນບັດກ່ອນ ໝູ່ ເຊັ່ນລັດ Iowa, New
Hampshire ແລະ South Carolina. ທ່ານ Bush ໄດ້ດຳເນີນການຢ່າງໜັກເປັນພິ
ເສດໃນທ້າຍອາທິດທີ່ຜ່ານມາ ໃນຄວາມ ພະຍາຍາມ ເພື່ອໃຫ້ການຄໍ້າປະກັນແກ່ບັນດາ
ຜູ້ໃຫ້ເງິນສະໜັບສະໜູນທີ່ຮັງມີ ຢູ່ບ່ອນຕາກອາກາດ ທີ່ນະຄອນ Houston.