ລິ້ງ ສຳຫລັບເຂົ້າຫາ

ທ່ານ Djotodia ຈະເປັນທັງ ປະທານາທິບໍດີ ແລະ ລມຕ ປ້ອງກັນປະເທດ (ວີດິໂອ)


ທ່ານ Michel Djotodia, ຜູ້ນໍາຂອງກຸ່ມກະບົດທີ່ໂຄ່ນລົ້ມປະທານາທິບໍດີ Francois Bozize ປະກາດວ່າ ທ່ານຈະເປັນທັງປະທານາທິບໍດີ ແລະລັດຖະມົນຕີ ກະຊວງປ້ອງກັນປະເທດ ຢູ່ໃນນະຄອນບັງກີ ຂອງສາທາລະນະລັດອາ ຟຣິກາກາງ ຫລື CAR.

ທ່ານ Michel Djotodia, ຜູ້ນໍາຂອງກຸ່ມກະບົດທີ່ໂຄ່ນລົ້ມປະທານາທິບໍດີ Francois Bozize ປະກາດວ່າ ທ່ານຈະເປັນທັງປະທານາທິບໍດີ ແລະລັດຖະມົນຕີ ກະຊວງປ້ອງກັນປະເທດ ຢູ່ໃນນະຄອນບັງກີ ຂອງສາທາລະນະລັດອາ ຟຣິກາກາງ ຫລື CAR.

ຜູ້ນໍາຂອງການກໍ່ລັດຖະປະຫານໃນເດືອນແລ້ວນີ້ ຢູ່ໃນສາທາ
ລະນະລັດອາຟຣິກາກາງ ຫລື CAR ເວົ້າວ່າ ທ່ານຈະດໍາລົງ
ຕໍາແໜ່ງເປັນທັງປະທານາທິບໍດີ ແລະລັດຖະມົນຕີກະຊວງ
ປ້ອງກັນປະເທດ.

ທ່ານ Michel Djotodia ທີ່ມີກໍາລັງຂອງກຸ່ມກະບົດທໍາການ
ໂຄ່ນລົ້ມປະທານາທິບໍດີ Francois Bozize ນັ້ນ ໄດ້ອອກ
ຄໍາປະກາດດັ່ງກ່າວ ໃນດໍາລັດທີ່ ອ່ານອອກອາກາດທາງວິທະ
ຍຸຂອງລັດຖະບານ ໃນແລງວັນອາທິດຜ່ານມານີ້.

ສະມາຊິກຂອງແນວໂຮມພວກກະບົດ Seleka ຂອງທ່ານ
Djotodia ຈະກໍາ ຫລາຍຕໍາແໜ່ງໃນກະຊວງອື່ນໆ. ທ່ານ Nicholas Tiangaye ຜູ້ນໍາ
ຝ່າຍຄ້ານທີ່ເຂົ້າຮ່ວມວຽກງານໃນລັດຖະບານຊຸດກ່ອນ ໃນນາມເປັນສ່ວນນຶ່ງຂອງ ຂໍ້ຕົກ
ລົງການແບ່ງປັນອໍານາດກັນນັ້ນ ຍັງຈະກຳຕໍາແໜ່ງນາຍົກລັດຖະມົນຕີເໝືອນເດີມ.

ສະຫະພາບອາຟຣິກາຊຶ່ງໄດ້ໂຈະການເປັນສະມາຊິກຂອງ CAR ນັ້ນ ໄດ້ປະນາມການ ເຄື່ອນໄຫວດັ່ງກ່າວ.

ທ່ານ El-Ghassim Wane ໂຄສົກປະຈໍາຄະນະກຳມາທິການສັນຕິພາບແລະ ຄວາມໝັ້ນ
ຄົງຂອງສະຫະພາບອາຟຣິກາ ກ່າວຕໍ່ວີໂອເອ ພາກພາສາອັງກິດໄປຍັງອາຟຣິກາວ່າ ສະ
ຫະພາບອາຟຣິກາ ກໍາລັງຮຽກຮ້ອງໃຫ້ມີການເລີ້ມຕົ້ນ ການປ່ຽນແປງໄປຕາມລັດຖະທໍາ
ມະນູນຄືນໃໝ່ຢ່າງໄວວາຢູ່ໃນປະເທດດັ່ງກ່າວ.

ເບິ່ງວີດິໂອກ່ຽວຂ້ອງກັບຂ່າວນີ້:

XS
SM
MD
LG