ລິ້ງ ສຳຫລັບເຂົ້າຫາ

ລະເບີດລົດທີ່ຊີເຣຍ ເຮັດໃຫ້ຢ່າງນ້ອຍ 16 ຄົນ ​ເສຍຊີວິດ


ຊາກຫັກພັງເສຍຫາຍ ຈາກການໂຈມຕີດ້ວຍລົດຕິດ​ລະ​ເບີດ​ຄັນ​ນຶ່ງ ໃນເມືອງ Qatana ໃກ້ໆກັບນະຄອນຫລວງ Damascus, ວັນທີ 13 ທັນວາ ມື້ນີ້.

ຊາກຫັກພັງເສຍຫາຍ ຈາກການໂຈມຕີດ້ວຍລົດຕິດ​ລະ​ເບີດ​ຄັນ​ນຶ່ງ ໃນເມືອງ Qatana ໃກ້ໆກັບນະຄອນຫລວງ Damascus, ວັນທີ 13 ທັນວາ ມື້ນີ້.

ລົດ​ຕິດ​ລະ​ເບີດ​ຄັນ​ນຶ່ງ​ໄດ້​ສັງຫານ 16 ຄົນ​ໃນ​ເຂດ​ຊານ​ເມືອງ
ນອກ​ນະ ຄອນຫຼວງ Damascus ​ໃນ​ຂະນະ​ທີ່​ນັກ​ການ​ທູດ​ອາວຸ​
ໂສຣັດ​ເຊ​ຍຄົນ​ນຶ່ງ​ເວົ້າ​ວ່າ ຝ່າຍຄ້ານ​ຂອງ​ຊີ​ເຣຍອາດ​ຊະ​ນະ​
ໃນ​ການ​ສູ້​ລົບ​ຕໍ່ຕ້ານ​ປະທານາ ທິບໍດີ Bashar al-Assad ນັ້ນ.

​ການ​ໂຈມ​ຕີ​ດ້ວຍລະ​ເບີດລົດດັ່ງກ່າວໃນວັນ​ພະຫັດ​ມື້ນີ້ ຢູ່​ຄຸ້ມ
Qatana ​ແມ່ນ​ເກີດ​ຂຶ້ນມື້​ນຶ່ງ ຫຼັງຈາກ​ການວາງ​ລະ​ເບີດ​ຢູ່ປະຕູ​
ໃຫຍ່​ທາງ​ເຂົ້າກະຊວງ​ພາຍ​ໃນ​ຂອງຊີ​ເຣຍ​ໃນ​ເມືອງຫຼວງ
Damascus ໄດ້​ສັງຫານ​ 5 ​ຄົນ.

ທີ່​ນະຄອນຫຼວງ Moscow ທ່ານ Mikhail Bogdanov
ຮອງ​ລັດຖະມົນ ຕີ​ຕ່າງປະ​ເທດຣັດ​ເຊຍ ​ໄດ້​ຮັບ​ຮູ້​ເປັນ​ເທື່ອ​
ທໍາ​ອິດ​ວ່າ ​ທ່ານ Assad ກໍາລັງສູນ​ເສຍ​ການ​ຄວບ​ຄຸມ​ດິນ​ແດນ​ຂອງ​ປະ​ເທດ
ຫລາຍ​ຂຶ້ນ​ໄປ​ນັບ​ມື້ ​ແລະ​ວ່າໄຊຊະນະ​ຂອງຝ່າຍ​ກະບົດນັ້ນ ​ບໍ່​ສາມາດ​ທີ່​ຈະ
​ປະຕິ​ເສດ​ໄດ້.

ສື່​ມວນ​ຊົນຣັດ​ເຊຍ​ໄດ້​ອ້າງຄໍາ​ເວົ້າ​ຂອງ​ທ່ານຮອງ​ລັດ​ຖະມົນຕີ ທີ່​ນອກ​ນັ້ນ​ແລ້ວ ຍັງໄດ້
ກ່າວ​ຫາບັນດາ​ປະ​ເທດ​ຕາ​ເວັນ​ຕົກ ວ່າ​ບິດ​ເບືອນ​ທ່າ​ທີ​ຂອງ ຣັດ​ເຊຍ ກ່ຽວ​ກັບ​ຊີ​ເຣຍ ​
ເພື່ອເຮັດ​ໃຫ້​ອິດ​ທິພົນ​ຂອງຣັດ​ເຊຍ​ອ່ອນ​ແອລົງ ຢູ່​ໃນ​ພາກຕາ​ເວັນ​ອອກ​ກາງ.

Moscow ຄັດຄ້ານ​ຄໍາ​ຮຽກຮ້ອງ​ຂອງ​ຝ່າ​ຍຕາ​ເວັນ​ຕົກ​ ທີ່ຢາກ​ໃຫ້​ຈັດ​ຕັ້ງ​ອໍານາ​ດ​ປົກຄອງ​
ໃໝ່​ຂຶ້ນແທນປະທານາທິບໍດີ​ຊີ​ເຣຍ ທີ່​ເປັນ​ພັນທະ​ມິດ​ຂອງຣັດ​ເຊຍ ​ມາ​ດົນ​ນານ​ນັ້ນ.
XS
SM
MD
LG