ລິ້ງ ສຳຫລັບເຂົ້າຫາ

ຜູ້ນຳຝ່າຍຄ້ານ ກ່າວວ່າ ກຳປູເຈຍ ຕົກຢູ່ໃນ ສະພາບຢຸດສະງັກ ໃນດ້ານການເມືອງ


ນາງ Sarah Williams ນັກຂ່າວວີໂອເອ ໂອ້ລົມກັບທ່ານ Sam Rainsy, ຜູ້ນຳຝ່າຍຄ້ານກຳປູເຈຍ ວັນທີ 17 ຕຸລາ, 2013
ທ່ານ Sam Rainsy ຜູ້ນໍາ​ຝ່າຍ​ຄ້ານກໍາປູ​ເຈຍ ກ່າວ​ວ່າ ປະ​
ເທດ​ຂອງ​ທ່ານ​ໄດ້​ເຖິງ​ຈຸດຢຸດ​ສະງັກທາງ​ດ້ານການ​ເມືອງ
ແລະ​ກໍາລັງ​ຮຽກຮ້ອງ​ໃຫ້​ໂຈະ​ການ​ຊ່ວຍ​ເຫລືອ​ຈາກ​ນາໆ​ຊາດ
​ແກ່​ລັດຖະບານ​ພະນົມ​ເປັນ.

ທ່ານ Rainsy ກ່າວ​ຕໍ່ ວີ​ໂອ​ເອ ວ່າ ​ໃນ​ລະຍະ​ການ​ຢ້ຽມຢາມ
ກຸງ​ວໍ​ຊິງ​ຕັນ ບ່ອນ​ທີ່​ທ່ານ​ພະຍາຍາມ​ຊັກ​ຊວນບັນດາ​ເຈົ້າ​ໜ້າ​ທີ່
ສະຫະລັດ​ແລະ​ອຶ່ນໆ​ເພື່ອ​ກົດ​ດັນນາຍົກລັດຖະມົນຕີ Hun Sen
ອະນຸຍາດ​ໃຫ້ສືບສວນ​ຢ່າງ​ເປັນອິດ​ສະລະກ່ຽວ​ກັບ​ການ​ປະ​ທ້ວງ
ການ​ປ່ອນ​ບັດ​ໃນ​ເດືອນກໍ​ລະ​ກົດນັ້ນ.

​ເຖິງ​ແມ່ນວ່າ​ຜົນ​ການ​ເລືອກ​ຕັ້ງ​ທີ່​ເປັນ​ທາ​ງການ ສະ​ແດງ​ໃຫ້ເຫັນ​ວ່າ ພັກກູ້ຊາດຂອງ
ທ່ານ Rainsy ໄດ້​ຮັບ​ຄະ​ແນນ​ຢ່າງ​ຫລວງຫລາຍ​ໃນ​ການ​ເລືອກ​ຕັ້ງ ບັນດາຜູ້​ແທນ
​ສະພາຝ່າຍ​ຄ້ານໄດ້​ພາກັນ​ປະຕິ​ເສດ ​ບໍ່​ເຂົ້າ​ຮັບບ່ອນ​ນັ່ງ​ໃນ​ສະພາ​ ​ໂດຍ​ອ້າງ​ວ່າ ພັກ​
ທີ່ປົກຄອງ​ປະ​ເທດມາຍາວ​ນານ​ນັ້ນ ​ໄດ້​ສໍ້​ໂກງ​ຄະ​ແນນ​ສຽງ.

ລຸນ​ຫຼັງ​ການ​ພົບ​ປະ​ກັບຮອງ​ລັດຖະມົນຕີຕ່າງປະ​ເທດສະຫະລັດ ທ່ານ William Burns ​ແລ້ວ ທ່ານ Rainsy ​ໄດ້​ກ່າວ​ຕໍ່ ວີ​ໂອ​ເອ ວ່າ ຫລາຍໆ​ຄົນ​ໃນວໍ​ຊິງຕັນຍັງພາກັນ​ເຫັນ​ອົກ
​ເຫັນໃຈ​ໃນ​ໜ້າ​ທີ່ຕໍ່າ​ແໜ່​ງ​ຂອງ​ທ່ານຢູ່.
XS
SM
MD
LG