ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ການສຳປະທານທີ່ດິນ ແກ່ບໍລິສັດ ສົ່ງຜົນໃຫ້ ຊາວກຳປູເຈຍ ທຸກຍາກຫຼາຍຂຶ້ນ


ຊາວນາກຳປູເຈຍ ດຶງຜ້າຢາງ ທີ່ເຕັມໄປດ້ວຍ ມັດເຂົ້າ ເພື່ອຕາກແດດໃຫ້ມັນແຫ້ງ ໃນລະຫວ່າງ ລະດູການເກັບກ່ຽວ ໃນບ້ານ Svay Chek ຢູ່ນອກຊານເມືອງ Phnom Penh.
ຊາວນາກຳປູເຈຍ ດຶງຜ້າຢາງ ທີ່ເຕັມໄປດ້ວຍ ມັດເຂົ້າ ເພື່ອຕາກແດດໃຫ້ມັນແຫ້ງ ໃນລະຫວ່າງ ລະດູການເກັບກ່ຽວ ໃນບ້ານ Svay Chek ຢູ່ນອກຊານເມືອງ Phnom Penh.

ການສຶກສາຄົ້ນຄວ້າ​ສະບັບ​ໃໝ່ NGO Forum on Cambodia
ໂດຍກຸ່ມອົງການ​ທີ່​ບໍ່​ຂຶ້ນກັບ​ລັດຖະບານ ຂອງ​ກຳປູ​ເຈຍ ກ່າວ​ວ່າ
ການ​ສຳປະທານ​ທີ່​ດິນ ທີ່​ໄດ້​ອະນຸມັດ​ໃຫ້​ບໍລິ​ສັດ​ຕ່າງໆ ​ເມື່ອ​ປີ
​ກາຍ​ນີ້ ​ໄດ້​ສົ່ງ​ຜົນ​ກະທົບ ຕໍ່​ປະຊາ​ຊົນ​ເກືອບ 80,000 ຄົນ ​ແລະ
ຢູ່​ເບື້ອງຫຼັງ ​ບັນຫາຂັດ​ແຍ້​ງ​ ຈຳນວນ ນຶ່ງ​ສ່ວນ​ສາມ ຂອງ​ເລື້ອ​ງ
ທີ່​ດິນ.

ບົດລາຍ​ງານ ທີ່​ເອີ້ນ​ວ່າ ສະຖິຕິການວິເຄາະ ກ່ຽວກັບບັນຫາ
ຂັດແຍ້ງ ເລື້ອງດິນ ຫລື “Statistical Analysis of Land
Disputes”
ທີ່​ໄດ້​ນຳອອກ​ເຜີ​ຍ​ແຜ່​ໃນ​ວັນ​ອັງຄານ​ວານ​ນີ້ ​
ໄດ້​ທຳ​ການກວດ​ສອບ​ເບິ່ງ​ບັນທຶກ​ຕ່າງໆ​ ຂອງ​ບັນຫາຂັດ​ແຍ້​ງ
ທີ່​ດິນທັງ​ໝົດ ສຳ​ຫລັບປີ​ກາຍ​ນີ້. ມັນ​ໄດ້​ພົບ​ເຫັນ​ວ່າ ນະຄອນພະນົມ​ເປັນ ມີ​ຈຳນວນ​ທີ່​ສູງ​ສຸດ ຕິດຕາມ​ມາ​ດ້ວຍ ​ແຂວງຣັດຕະນະ​ຄີຣີ ຢູ່​ທາງ​ພາກ​ຕາ​ເວັນ​ອອກ​ຂອງ​ປະ​ເທດ.

ບັນດາ​ນັກຄົ້ນຄວ້າ ກ່າວ​ວ່າ ການ​ສຳປະທານທີ່​ດິນ ​ໄດ້ນຳ​ໄປ​ສູ່ ການເຮັດ​ໃຫ້ພົນລະ​ເມືອງ​
ໃນ​ທ້ອງ​ຖິ່ນ ​ເກີດ​ຄວາມ​ຍາ​ກຈົນ​ເພີ້​ມຂຶ້ນ​.

​ເລື້ອງ​ລາວແບບນີ້ ນຶ່ງໃນນັ້ນກໍແມ່ນຄະດີຂອງນາງ Yong Rann ຜູ້​ທີ່ໄດ້ພົນ​ພັນ​ໃນບັນຫາ
​ຂັດ​ແຍ້​ງທີ່​ດິນ ​ໃນ​ປີ 2010 ທີ່​ໄດ້​ສູນ​ເສຍທີ່​ດິນ​ຂອງ​ນາງ ​ໃຫ້​ແກ່​ການ​ສຳປະທານທີ່​ດິນ​ເພື່ອ​
ເສດຖະກິດ. ນາງ​ກ່າວ​ວ່າ “ນັບ​ຕັ້ງ​ແຕ່ບໍລິສັດ ​ເຂົ້າມາ​ຍຶດ​ເອົາ​ດິນ​ຂອງ​ພວກ​ເຮົາ ພວ​ກ​
ເຮົາກໍ​ບໍ່​ສາ ມາດເຮັດ​ສວນ​ໃສ່​ໃນ​ດິນ​ຂອງ​ພວກ​ເຮົາ. ຂ້າພະ​ເຈົ້າອ້ອນວອນໃຫ້​ພວກ​
ເຂົາ​ຢຸດ​ດຸດ​ດິນ​ສວນ​ຂອງ​ຂ້ອຍ.”

ທ່ານ Tek Vannara ຜູ້ອຳ​ນວຍ​ການ​ຂອງ​ກຸ່ມອົງການຈັດຕັ້ງທີ່ບໍ່ຂຶ້ນ ກັບລັດຖະບານກ່າວ
​ວ່າ ​ເພື່ອ​ແກ້ໄຂ​ບັນຫາຂັດ​ແຍ້​ງທີ່​ຍັງ​ມີ​ຢູ່​ຕໍ່​ມາ ລັດຖະບານ​ຈະ​ຕ້ອງ​ສະໜອງ ການສະໜັບ
ສະໜູນ ​ໃຫ້​ແກ່​ຜູ້​ເສຍ​ຫາຍ ຫຼາຍຂຶ້ນ ເພື່ອໃຫ້ພວກ​ເຂົາ​ເຈົ້າ ສາມາດ​ໄດ້ຮັບ​ຜົນ​ປະ​ໂຫຍດ​
ຈາກ​ການ​ພັດທະນາ​ນຳ​ດ້ວຍ.

ທ່ານ Tek ​ເວົ້າວ່າ “ການ​ທຳ​ງານ​ຮ່ວມ​ກັນ ລະຫວ່າງ ອົງ​ກອນ​ທີ່​ບໍ່​ຂຶ້ນກັບ​ລັດຖະບານ
ອົງ​ກອນ​ ຂອງ​ລັດຖະບານ​ຕ່າງໆ ​ແລະ ​ໂດຍ​ສະ​ເພາະ ກັບຊຸມ​ຊົນ ຜູ້​ເສຍ​ຫາຍ​ທີ່ເປັນ​
ເຈົ້າຂອງ​ທີ່​ດິນ ນັ້ນ ​ແມ່ນເປັນ​ກົນໄກ ​ທີ່​ມີ​ປະສິດທິພາບ​ທີ່​ສຸດ ​ເພື່ອ​ຈະຫາ​ວິທີ​ແກ້​ໄຂ​
ບັນຫາ​ໄດ້ເປັນ​ທີ່ສຳ​ເລັດ ສຳ​ຫລັບ​ບັນຫາ​ຂັດ​ແຍ້​ງທີ່​ດິນ ​ເພື່ອ​ຫາຄວາມ​ຍຸດຕິ​ທຳ ດັ່ງນັ້ນ ປະຊາຊົນ​ກໍ​ຈະ​ໄດ້​ຮັບ​ຜົນ​ປະ​ໂຫຍ​ດຈາກ​ການ​ພັດທະນາດ້ວຍ.”

XS
SM
MD
LG