ລິ້ງ ສຳຫລັບເຂົ້າຫາ

ພິທີສົ່ງສະການ ນັກເຄື່ອນໄຫວ ກຳປູເຈຍ ຈະຈັດຂຶ້ນ ໃນວັນອາທິດນີ້


ສົບຂອງຜູ້ຖືກລອບສັງຫານ ນັກວິເຄາະການເມືອງ ທ່ານ Kem Ley ຖືກດອຍໄວ້ ຢູ່ໃນວັດ.

ສົບຂອງຜູ້ຖືກລອບສັງຫານ ນັກວິເຄາະການເມືອງ ທ່ານ Kem Ley ຖືກດອຍໄວ້ ຢູ່ໃນວັດ.

ສົບ​ຂອງ​ນັກວິ​ເຄາະ​ ​ແລະ​ນັກ​ເຄື່ອນ​ໄຫວການເມືອງ​ກຳປູເຈຍ ທ່ານ Kem Ley ຈະ​ມີ​ການ​ແຫ່ໃນ​ໄລຍະ​ທາງຫຼາຍ​ສິບ​ກິ​ໂລ​ແມັດ​ຜ່ານ​ໃຈ​ກາງ​ນະ​ຄອນ​ຫຼວງພະນົມເປັນ ​ໃນ​ວັນ​ອາ ທິດ ​ຈະ​ມາ​ເຖິງ​ນີ້ ​ຊຶ່ງ​ພວກ​ຈັດແຈງຄາດວ່າ ​ຈະ​ດືງດູດ​ເອົາ​ບັນດາ​ຜູ້​ສະໜັບສະໜູນເປັນ​ຈຳນວນຫລວງຫລາຍ.

ທ່ານ Ley ​ຊຶ່ງ​ເປັນ​ທີ່​ນັບຖື​ຢ່າງ​ກວ້າງຂວາງ​ຂອງ​ປະຊາຊົນ​ນັ້ນ ​ໄດ້​ຖືກ​ລອບສັງ ຫານ​ໃນ​ຂະນະນັ່ງ​ດື່ມ​ກາ​ເຟ​ໃນ​ຕອນ​ເຊົ້າ ຢູ່​ທີ່​ປ້ຳນ້ຳມັນ​ແຫ່ງ​ນຶ່ງ​ໃນ​ນະຄອນຫຼວງໃນວັນ​ອາທິດ​ທີ່​ຜ່ານ​ມາ ທີ່​ເຮັດ​ໃຫ້​ປະຊາຊົນເປັນ​ຈຳນວນ​ຫຼວງຫຼາຍພາກັນ​ອອກ​ມາສະ​ແດງ​ຄວາມໂສກ​ເສົ້າ ​ຜິດ​ຫວັງ ​ແລະໂກດ​ແຄ້ນຢູ່​ໃນທົ່ວ​ກຳປູ​ເຈຍ​.

ທ້າວ Oeut Ang ອາຍຸ 38 ປີ​ ໄດ້​ຖືກ​ກ່າວ​ຫາໃນ​ວັນ​ພຸດ​ທີ່​ຜ່່ານ​ມາ​ນີ້ວ່າ ​ພົວ ພັນ​ກັບການ​ຄາດ​ຕະກຳດັ່ງກ່າວ.

ທ່ານ Ley ​ໄດ້​ເປັນ​ຜູ້​ກ້າ​ເວົ້າ​ກ້າ​ວ່າ​ທີ່​ມີ​ອິດ​ທິພົນ ຊຶ່ງ​ໄດ້​ເຂົ້າ​ໄປ​ເຖິງ​ຫລາຍ​ລ້ານ​ຄົນຜ່ານ ທາງວິທະຍຸ ​ໃນ​ການ​ວິ​ເຄາະ​ການ​ເມືອງ ທີ່​ມີ​ຂຶ້ນເປັນ​ປະຈຳ​ຂອງ​ທ່ານ. ທ່ານເປັນ​ຜູ້​ກໍ່ຕັ້ງ ພັກຮາກ​ຫຍ້າ​ປະຊາທິປະ​ໄຕ​ທີ່​ທ່ານໄດ້ປະ​ຕິເສດ​ບໍ່​ຍອມຮັບ​ເອົາ ​ຕຳ​ແໜ່​ງ​ທີ່ເປັນ​ທາງ ​ການ ຫລັງ​ຈາກ​ໄດ້​ກໍ່​ຕັ້ງ​ຂຶ້ນ​ມາ​ແລ້ວ.

ບັນດາຜູ້ໄວ້ທຸກ ພາກັນສູດມົນໃກ້ກັບສົບຜູເສຍຊີວິດ ນັກວິເຄາະການເມືອງ ທ່ານ Kem Ley.

ບັນດາຜູ້ໄວ້ທຸກ ພາກັນສູດມົນໃກ້ກັບສົບຜູເສຍຊີວິດ ນັກວິເຄາະການເມືອງ ທ່ານ Kem Ley.

ຫລັງ​ຈາກ​ໄດ້​ມີ​ການ​ປະ​ເຊີນ​ໜ້າ ​ດ້ວຍ​ຄວາມ​ເຄັ່ງ​ຕຶງກັບ​ຕຳຫລວດແລ້ວ ພວກ​ສະໜັບສະ ໜູນ​ຫລາຍ​ພັນ​ຄົນ​ພາກັນ​ແຫ່ສົບ​ຂອງ​ທ່ານຜ່ານ​ໃຈກາງ​ເມືອງ​ໄປ​ຫາ​ວັດ Chas ບ່ອນ ພວກ​ໄວ້ທຸກຫລາຍ​ພັນ​ຄົນໄດ້ໄປ​ເຕົ້າ​ໂຮມ​ກັນ​ໃນ​ແຕ່ລະ​ມື້ແລະ ສົບ​ຂອງ​ທ່ານ​ໄດ້​ຖືກ​ແຊ່​ແຂງມື້​ຄືນ​ນີ້ ​ເພື່ອ​ປ້ອງ​ກັນ​ບໍ່​ໃຫ້ເໜົ່າ​ເປື່ອຍ​.

ທ່ານ Tim Malay ຫົວໜ້າ​ຕາໜ່າງຊາວໜຸ່ມ​ກຳປູ​ເຈຍ ​ແລະ​ຜູ້​ຈັດແຈງ​ການ​ແຫ່ ກ່າວໃນ​ມື້​ຄືນ​ນີ້​ວ່າ "ພວກ​ເຮົາ​ມີ​ພິທີໃຫຍ່ ເພື່ອ​ແຫ່​ສົມ ດຣ. Kem Ley ​ໄປຫາ​ວັດ Chas. ຈາກວັດ Chas ​ກໍ​ຈະ​ໄປບ້ານຂອງ​ທ່ານ ​ແລະ​ພວກ​ເຮົາຈະ​ໄປ​ທີ່​ນັ້ນ​ເວລາ 7:00 ​ໂມງ​ເຊົ້າ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG