ລິ້ງ ສຳຫລັບເຂົ້າຫາ

ກຳປູເຈຍຖືກກ່າວຫາວ່າ ລະເມີດສິດທິຂອງພວກໂສເພນີ

  • ໄພສານ ວໍຣະຈັກ

ພວກໂສເພນີ ໃນກຳປູເຈຍ ທີ່ພາກັນນັ່ງຢູ່ຕາມແຄມທາງ ໃນນະຄອນຫຼວງ ພະນົມເປັນ

ກຸ່ມປົກປ້ອງສິດທິມະນຸດ HUMAN RIGHTS WATCH ກ່າວໃນວັນອັງຄານສັບປະດາ ແລ້ວນີ້ວ່າ ລັດຖະບານກຳປູເຈຍຕ້ອງໄດ້ດຳເນີນການ ເພື່ອຍຸຕິການກະທຳທີ່ບໍ່ຖືກຕ້ອງ ຂອງຕຳຫຼວດ ຕໍ່ພວກຄ້າປະເວນີ. ລາຍງານຂອງກຸ່ມປົກປ້ອງສິດທິມະນຸດກຸ່ມນີ້ ພົບວ່າ ພວກໂສເພນີຢູ່ໃນກຳປູເຈຍ ໄດ້ຖືກຈັບກຸມໂດຍພະລະການ ຖືກຄຸມຂັງແບບຜິດກົດໝາຍ ຖືກທຸບຕີ ແລະຖືກຂົ່ມຂືນໂດຍເຈົ້າໜ້າທີ່.

ກຸ່ມປົກປ້ອງ ສິດທິມະນຸດ HUMAN RIGHTS WATCH ກ່າວວ່າ ການຄົ້ນຄວ້າຂອງຕົນ ແມ່ນອີງຕາມ ການສຳພາດ ກັບພວກໂສເພນີ 90 ຄົນ ໃນຮອບປີຜ່ານມາ ແລະໄດ້ເຜີຍ ໃຫ້ຮູ້ຈັກວ່າ ບັນຫາດັ່ງກ່າວນີ້ ແມ່ນມີຄວາມຮ້າຍແຮງເປັນ ພິເສດ ໃນເຂດນະຄອນຫຼວງ ພະນົມເປັນ.

ນາງ ELAIN PEARSON ຮັກສາການຕຳແໜ່ງຜູ້ອຳນວຍ ການຊົ່ວຄາວ ປະຈໍາເຂດເອເຊຍຂອງກຸ່ມປົກປ້ອງສິດທິມະ ນຸດ HUMAN RIGHTS WATCH ກ່າວວ່າ ມີຫຼາຍໆ ປັດ​ໃຈ ຢູ່ເບື້ອງຫຼັງ ການຈັບກຸມຄຸມຂັງ ພວກໂສເພນີ ແບບຜິດກົດໝາຍ ແລະການລ່ວງລະເມີດ ເພີ້ມຕື່ມ ທີ່ຕິດຕາມມານັ້ນ.

“ພວກ​ເຮົາພົບ​ວ່າ​ ກົດໝາຍ​ຕໍ່ຕ້ານການ​ຄ້າ​ມະນຸດ ສະບັບ​ປີ 2008 ນັ້ນ ​ແມ່ນ​ມີ​ສວ່ນ​ໃນ​ການ​ກໍ່​ໃຫ້​ເກີດ​ການ​ລ່ວງ​ລະ​ເມີດສິດທິ​ດັ່ງກ່າວ ​ເພາະ​ວ່າ​ຕຳຫລວດສາ ມາດ​ໃຊ້​ມັນເປັນ​ຂໍ້​ອ້າງ​ ເພື່ອ​ທຳ​ການ​ຈັບ​ກຸມພວກແມ່ຍິງ​ຂາຍ​ບໍລິການ​ທາງ​ເພດ​ນັ້ນໄດ້ ​ແຕ່​ວ່າ ນອກ​ນີ້​ແລ້ວ ພວກ​ເຮົາ​ກໍ​ຍັງ​ພົບ​ເຊ່ນ​ກັນວ່າ ​ການ​ລ່ວງ​ລະ​ເມີດ​ສິດທິ​ຂອງ​ແມ່​ຍິງພວກ​ນີ້ ​ສາມາດ​ເກີດ​ຂຶ້ນ​ໄດ້ ພຽງ​ເພາະວ່າ​ເຈົ້າ​ແຂວງໄດ້​ມີ​ຄໍາ ສັ່ງ​ໃຫ້ທຳ​ການ​ກວາດ​ລ້າງ​ພວກໂສ​ເພນີ ​ໃຫ້​ທຳ​ຄວາມ​ພະຍາຍາມ​ເປັນ​ລະຍະໆ ​ເພື່ອ​ສະ​ສາງທ້ອງ​ຖະໜົນ ​ແລະ​ຮັກ​ສາ​ຄວາມ​ເປັນ​ລະບຽບຮຽບຮ້ອຍ​ແລະ​ອື່ນໆ.”

ນາງ PEARSON ເວົ້າວ່າ ລັດຖະບານກຳປູເຈຍ ຄວນງົດໃຊ້ ເປັນການຊົ່ວຄາວ ຂໍ້ກຳນົດ ທີ່ຢູ່ໃນກົດໝາຍ ຕໍ່ຕ້ານການຄ້າມະນຸດ ທີ່ຕຳຫຼວດບາງຄົນ ໃຊ້ເປັນຂໍ້ອ້າງ ໃນການຈັບກຸມ ພວກໂສເພນີ.

ກຸ່ມປົກປ້ອງ ສິດທິມະນຸດ HUMAN RIGHTS WATCH ກ່າວ​ວ່າລັດຖະບານ ຕ້ອງຈຳ​ແນກ ຄວາມແຕກຕ່າງ ລະຫວ່າງໂສເພນີ ແລະພວກທີ່ ຕົກເປັນເຫຍື່ອ ຂອງການຄ້າມະນຸດ.

ນອກນັ້ນ ກຸ່ມປົກປ້ອງ ສິດທິມະນຸດ ທີ່ມີສຳນັກງານ ຢູ່ສະຫະລັດ ກຸ່ມນີ້ ຍັງຕ້ອງການ ຢາກໃຫ້ ລັດຖະບານ ກໍາປູ​ເຈຍ ອັດສູນຄຸມຂັງຕ່າງໆ ບ່ອນທີ່ ການລ່ວງລະເມີດ ໄດ້ເກີດຂຶ້ນ ແລະເວົ້າວ່າ ພວກໂສເພນີ ເຫຼົ່ານີ້ ຄວນຈະຖືກສົ່ງ ໃຫ້ເຂົ້າໄປຢູ່ ໃນສະຖານທີ່ຕ່າງໆ ທີ່ບໍລິຫານງານ ໂດຍອົງການຈັດຕັ້ງ ທີ່ບໍ່ຂຶ້ນກັບ ລັດຖະບານ ທີ່ອົງການດັ່ງກ່າວ ບໍລິຫານງານ ໄດ້ດີກວ່າ ສູນທີ່ຄວບຄຸມ ໂດຍກະຊວງ ສັງຄົມສົງເຄາະນັ້ນ.


“ພວກ​ເຮົາ​ບໍ່ຄິດ​ວ່າ ພວກ​ຂາຍ​ບໍລິການ​ທາງ​ເພດຄວນຖືກສົ່ງ​ເຂົ້າ​ສູນກັກກັນ ບ່ອນ​ທີ່​ພວກ​ເຂົາຈະຕ້ອງສ່ຽງ​ຕໍ່​ການ​ຖືກ​ກະທຳ​ຮຸນ​ແຮງ ຫລື​ຖືກ​ລະ​ເມີດ​ສິດທິ ຕື່ມ​ອີກ. ແລະ​ທີ່​ຈິງ​ແລ້ວ ພວກສູນ​ກັກ​ກັນ​ເຫລົ່ານັ້ນ​ ​ບໍ່​ໄດ້ທໍາ​ໜ້າ​ທີ່​ຟື້ນ​ຟູ​ສະຖານະ​ພາບ​ໃຫ້​ພວກ​ເຈົາ​ເຈົ້າ ແຕ່ຢ່າງ​ໃດ​ເລີຍ. ມັນ​ມີ​ຫຼາຍໆ​ວິທີ​ທາງ​ອື່ນ ທີ່​ເຮົາສາມາດສະ​ໜອງ​ການ​ບໍລິການ​ ໃ​ຫ້​ແກ່ພວກ​ພະນັກງານ​ຂາຍ​ບໍລິການ​ທາງ​ ເພດ​ໄດ້ ​ແລະ​ມັນ​ກໍມີ​ຫຼາຍ​ອົງການ​ທີ່​ບໍ່​ຂຶ້ນ​ກັບ​ລັດຖະບານ ​ແລະ​ຫຼາຍ​ໆ​ກຸ່ມ​ຈັດ ຕັ້ງ ທີ່​ສາມາດ​ໃຫ້​ຄວາມ​ຊ່ອຍ​ເຫຼືອແລະ​ການ​ສະ​ນັບ​ສະ​ໜູນ​ນັ້ນໄດ້. ​ດັ່ງ​ນັ້ນ​ ພວກ​ເຮົາ​ຈຶ່ງ​ຂໍ​ຮ້ອງ​ໃຫ້ທາງ​ລັດຖະບານ​ ​ດຳ​ເນີນງານຮ່ວມກັນ​ກັບພວກກຸ່ມເຫລົ່າ ນັ້ນ ​ເພື່ອ​ຫາ​ທາງ​ແກ້​ໄຂ​ບັນຫາ​ເຫລົ່າ​ນີ້​.”

ນອກນັ້ນ ກຸ່ມປົກປ້ອງ ສິດທິມະນຸດ HUMAN RIGHTS WATCH ຍັງຕ້ອງການ ຢາກໃຫ້ມີ ການສືບສວນ ຢ່າງເຕັມອັດຕາ ກ່ຽວກັບ ການກ່າວຫາ ໃນການປະຕິບັດ ແບບບໍ່ຖືກຕ້ອງ ຂອງຕຳຫຼວດ ແລະເຈົ້າໜ້າທີ່ອື່ນໆ ຂອງລັດຖະບານ. ນາງ PEARSON ກ່າວວ່າ ບັນດາປະເທດ ແລະອົງການ ຈັດຕັ້ງຕ່າງໆ ທີ່ໃຫ້ເງິນຊ່ອຍເຫຼືອ ໃນການຕໍ່ຕ້ານ ການຄ້າມະນຸດ ແລະຝຶກແອບ ຕຳຫຼວດນັ້ນ ກໍຕ້ອງໄດ້ປະຕິບັດ​ພາກສ່ວນ ຂອງພວກເຂົາເຈົ້າ ຄືກັນ ​ເພື່ອ​ຊ່ວຍແກ້​ໄຂ ​ເລື່ອງ​ນີ້.


“ພວກ​ເຮົາ​ບໍ່ຄິດ​ວ່າ ພວກ​ຂາຍ​ບໍລິການ​ທາງ​ເພດຄວນຖືກສົ່ງ​ເຂົ້າ​ສູນກັກກັນ ບ່ອນ​ທີ່​ພວກ​ເຂົາຈະຕ້ອງສ່ຽງ​ຕໍ່​ການ​ຖືກ​ກະທຳ​ຮຸນ​ແຮງ ຫລື​ຖືກ​ລະ​ເມີດ​ສິດທິ ຕື່ມ​ອີກ. ແລະ​ທີ່​ຈິງ​ແລ້ວ ພວກສູນ​ກັກ​ກັນ​ເຫລົ່ານັ້ນ​ ​ບໍ່​ໄດ້ທໍາ​ໜ້າ​ທີ່​ຟື້ນ​ຟູ​ສະຖານະ​ພາບ​ໃຫ້​ພວກ​ເຈົາ​ເຈົ້າ ແຕ່ຢ່າງ​ໃດ​ເລີຍ. ມັນ​ມີ​ຫຼາຍໆ​ວິທີ​ທາງ​ອື່ນ ທີ່​ເຮົາສາມາດສະ​ໜອງ​ການ​ບໍລິການ​ ໃ​ຫ້​ແກ່ພວກ​ພະນັກງານ​ຂາຍ​ບໍລິການ​ທາງ​ ເພດ​ໄດ້ ​ແລະ​ມັນ​ກໍມີ​ຫຼາຍ​ອົງການ​ທີ່​ບໍ່​ຂຶ້ນ​ກັບ​ລັດຖະບານ ​ແລະ​ຫຼາຍ​ໆ​ກຸ່ມ​ຈັດ ຕັ້ງ ທີ່​ສາມາດ​ໃຫ້​ຄວາມ​ຊ່ອຍ​ເຫຼືອແລະ​ການ​ສະ​ນັບ​ສະ​ໜູນ​ນັ້ນໄດ້. ​ດັ່ງ​ນັ້ນ​ ພວກ​ເຮົາ​ຈຶ່ງ​ຂໍ​ຮ້ອງ​ໃຫ້ທາງ​ລັດຖະບານ​ ​ດຳ​ເນີນງານຮ່ວມກັນ​ກັບພວກກຸ່ມເຫລົ່າ ນັ້ນ ​ເພື່ອ​ຫາ​ທາງ​ແກ້​ໄຂ​ບັນຫາ​ເຫລົ່າ​ນີ້​.”


ທາງ​ຝ່າຍ ລັດຖະບານ ກຳປູເຈຍນັ້ນ ປະຕິເສດວ່າ ຕົນບໍ່ໄດ້ ແນເປົ້າໝາຍ ແບບບໍ່ຍຸຕິທຳ ໃສ່ພວກຄ້າປະເວນີ ແລະເວົ້າວ່າ ຕົນຈະສືບສວນ ເບິ່ງການກ່າວຫາ ກ່ຽວກັບ ການປະຕິບັດ ແບບບໍ່ຖືກຕ້ອງ ທີ່ຕົນໄດ້ຮັບ ຄຳຮ້ອງຮຽນນັ້ນ.

ທ່ານນາງ CHOU BUN LENG ແມ່ນອະທິບໍດີ ຫຼືຫົວໜ້າຫ້ອງການ ຂອງກະຊວງພາຍໃນ ກຳປູເຈຍ ທີ່ຮັບຜິດຊອບ ວຽກ​ງານ​ ຕ້ານການຄ້າ ມະນຸດ. ທ່ານນາງ ເວົ້າວ່າ ລັດຖະບານ ຢາກຮັບຟັງ ກ່ຽວກັບ ການປະພຶດ ປະຕິບັດ ແບບບໍ່ຖືກຕ້ອງ ເຫຼົ່ານີ້ ແຕ່ຢາກ​ໃຫ້ ພວກທີ່ຮ້ອງຮຽນ​ ໄປ​ນັ້ນ ລະບຸຊື່ສຽງ ຂອງພວກທີ່ ກະທຳຜິດ ເພື່ອຄໍ້າປະກັນ ໃຫ້ເປັນການສືບສວນ ທີ່ມີປະສິດທິຜົນ.

ທ່ານນາງເວົ້າວ່າ ຕຳຫຼວດ ກໍຢູ່ພາຍໃຕ້ກົດໝາຍ ແລະກໍຈະຖືກ ດຳເນີນຄະດີ ຖ້າການກ່າວຫາ ກ່ຽວກັບ ການປະພຶດຜິດ ຫາກມີຫຼັກຖານ ພິສູດໄດ້ ຢູ່ໃນສານ.

XS
SM
MD
LG