ລິ້ງ ສຳຫລັບເຂົ້າຫາ

ກຳປູເຈຍ ຈະຕັດສິນໃຈ ກ່ຽວກັບ ການສົ່ງຄົນຝຣັ່ງ ໃຫ້ຈີນຫຼືບໍ່

  • ໄພສານ ວໍຣະຈັກ

ແຜນທີ່ກຳປູເຈຍ

ເຈົ້າ​ໜ້າ​ທີ່​ກໍາ​ປູ​ເຈຍກ່າວ​ວ່າ ​ຕົນ​ຈະ​ຕັດ​ສິນ​ໃຈກ່ຽວ​ກັບ​ວ່າ ຈະ​ສົ່ງຜູ້​ຊາຍຄົນ​ຝຣັ່ງທີ່​ພົວພັນ
​ກັບຂ່າວ​ນອງ​ນັນທາ​ງ​ການ​ເມືອງ​ທີ່​ໃຫຍ່​ທີ່​ສຸດ​ຂອງ​ຈີນ ​ໄປ​ໃຫ້​ຈີນ​ຫຼືບໍ່​.

ທ່ານ Patrick Devillers ​ໄດ້​ຖືກ​ຈັບ ໃນ​ວັນ​ທີ 13 ເດືອນກໍລະກົດປີກາຍ ທີ່​ກຸງ​ພະ​ນົມ
​ເປັນ ເມືອງຫຼວງຂອງ​ກໍາປູ​ເຈຍ ​ໃນ​ຂໍ້​ຫາ​ຫລາຍ​ຢ່າງທີ່​ບໍ່ໄດ້​ລະບຸ​ໃຫ້​ຊາບ. ມີ​ລາຍ​ງານ​ວ່າ
ທ່າ​ນມີ​ຄວາມ​ສຳພັນ​ທີ່​ໃກ້ຊິດ​ກັບທ່ານ Bo Xilai ນັກ​ການ​ເມືອງ​ທີ່​ອັບອາຍ​ຂາຍໜ້າ​ຂອງ
​ຈີນ ຜູ້​ທີ່​ກໍາລັງ​ຖືກ​ສືບສວນກ່ຽວ​ກັບ​ການສໍ້​ລາດບັງ​ຫຼວງແລະ​ພັນ​ລະ​ຍາຂອງ​ທ່ານ​ຄືທ່ານ
ນາງ Gu Kailai ກໍ​ໄດ້​ຖືກ​ຈັບ​ໃນຂໍ້​ຫາຄາດ​ຕະກໍາ​ນັກທຸລະກິດ​ອັງກິດ.

ການ​ພົວພັນ​ຂອງ Devillers ກັບ​ຄວາມ​ຜິດເຫຼົ່ານີ້ ຍັງ​ບໍ່​ໄດ້ມີ​ການ​ອະທິບາຍ​ໃຫ ຊາບ​
ເທື່ອ.

ລັດຖະມົນຕີ​ກະ​ຊວງ​ພາຍ​ໃນ​ຂອງ​ກໍາປູ​ເຈຍທ່ານ Sar Keng ​ໄດ້ກ່າວ​ຕໍ່​ວີ​ໂອ​ເອພະ​ແນກ
ພາສາຂະ​ແມວ່າ ກໍາປູ​ເຈຍມີ​ຂໍ້​ຕົກລົງສົ່ງຜູ້​ຮ້າຍ​ຂ້າມ​ແດນກັບຈີນ ​ແຕ່​ການ​ຕັດສິນ​ໃຈໃດໆ
ກ່ຽວ​ກັບ​ວ່າ ຈະ​ສົ່ງທ່ານ Devillers ​ໄປ​ໃຫ້ຈີນ​ນັ້ນຈະ​ເປັນ​ການ​ຕັດສິນ​ໃຈ​ຂອງ​ກໍາປູ​ເຈຍ.

ສະຖານທູດ​ຝັ່ຣງກ່າວ​ວ່ວາ ​ໄດ້​ຕິດ​ຕາມເບິ່ງ​ສະຖານະ​ການ​ນີ້ຢ່າງໃກ້​ຊິດ ແລະ​ຮຽກຮ້ອງ​
ໃຫ້​ເຈົ້າ​ໜ້າ​ທີ່ກໍາປູ​ເຈຍ ​ໃຫ້​ຄວາມ​ກະຈ່າງ​ແຈ້ງ​ກ່ຽວ​ກັບ​ການ​ຈັບ​ທ່ານ Devillers.

ມີ​ລາຍ​ງານ​ວ່າ ທ່ານ Devillers ​ຊຶ່ງ​ເປັນ​ສະຖາປະນິກເປັນ​ຜູ້​ຊ່ອຍ​ສ້າງ​ນະຄອນ Dalian ​
ໃນ​ພາກ​ຕາ​ເວັນ​ອອກ​ສຽງ​ເໜືອຂອງ​ຈີນ​ໃນ​ຂະນະ​ທີ່ທ່ານ Bo ​ໄດ້​ເປັນ​ເຈົ້າ​ຄອງ​ນະຄອນ
​ທີ່​ນັ້ນ. ມີລາຍ​ງານ​ວ່າ ທ່ານ​ໄດ້​ຕັ້ງ​ບໍລິສັດຮຸ້ນ​ສ່ວນ ກັບ​ພັນ​ລະ​ຍາ​ຂອງທ່ານ Bo ຄື​ທ່ານ
ນາງ Gu Kalai ທີ່​ປະ​ເທດ​ອັງກິດ ​ແລະທ່ານ​ໄດ້​ຢູ່ໃນປະ​ເທດ​ກໍາປູ​ເຈຍ​ມາ​ເປັນ​ເວລາກວ່າ
5 ປີ​ແລ້ວ​.

XS
SM
MD
LG