ລິ້ງ ສຳຫລັບເຂົ້າຫາ

ລະເບີດແຕກ ຢູ່ເທິງລົດບັສ ໃນປະເທດ ປາກິສຖານ ເຮັດໃຫ້ 15 ຄົນ ເສຍຊີວິດ


ເຈົ້າໜ້າທີ່ຮັກສາຄວາມປອດໄພ ປາກິສຖານ ກວດກາ ລົດບັສ ຫຼັງຈາກລະເບີດໄດ້ແຕກໃສ່ ໃນເມືອງ Peshawar, ປະເທດ ປາກິສຖານ. 16 ມີນາ, 2016.

ເຈົ້າໜ້າທີ່ຮັກສາຄວາມປອດໄພ ປາກິສຖານ ກວດກາ ລົດບັສ ຫຼັງຈາກລະເບີດໄດ້ແຕກໃສ່ ໃນເມືອງ Peshawar, ປະເທດ ປາກິສຖານ. 16 ມີນາ, 2016.

ລະເບີດໄດ້ແຕກໃສ່ລົດ​ເມຄັນໜຶ່ງ ທີ່ເຕັມໄປດ້ວຍຜູ້ໂດຍສານ ໃນ ພາກຕາເວັນຕົກສຽງເໜືອຂອງປະເທດ ປາກິສຖານ ໃນວັນພຸດມື້ນີ້ ເຮັດໃຫ້ມີຄົນເສຍຊີວິດຢ່າງໜ້ອຍ 15 ຄົນ ແລະ ຄົນອື່ນໆໄດ້ຮັບ ບາດເຈັບຢ່າງໜ້ອຍ 30 ຄົນ.

ຜູ້ເຄາະຮ້າຍສ່ວນໃຫຍ່ແມ່ນພະນັກງານລັດຖະບານ, ອີງຕາມເຈົ້າ ໜ້າທີ່ແຂວງໃນເມືອງ Peshawar, ເຊິ່ງເປັນສະຖານທີ່ຂອງ​ເຫດ ລະເບີດທີ່ຮຸນແຮງ.

ໃນການສືບສວນສອບສວນເບື້ອງຕົ້ນຂອງຕຳຫຼວດໄດ້ສະຫຼຸບວ່າ ວັດຖຸລະເບີດ ໄດ້ຖືກເຊື່ອງໄວ້ຢູ່ໃຕ້ບ່ອນນັ່ງໃນລົດເມ ແລະ ອຸປະ ກອນຕັ້ງເວລາແມ່ນໄດ້ຖືກໃຊ້ເພື່ອ​ກຳນົດ​ການ​ແຕກ​ຂອງລະເບີດ.

ລາຍ​ງານຂ່າວໂທລະພາບໄດ້ສະແດງໃຫ້ເຫັນວ່າ ລະເບີດທີ່ຮຸນ ແຮງນັ້ນ ໄດ້ທຳລາຍລົດເມໂດຍສິ້ນເຊີງ.

ການວາງລະເບີດຄັ້ງນີ້ ບໍ່ມີໃຜອອກມາອ້າງເອົາຄວາມຮັບຜິດຊອບ ແຕ່ວ່າບັນດາເຈົ້າໜ້າທີ່ສົງໄສວ່າ ພວກຕາລີບານແມ່ນຢູ່ເບື້ອງຫຼັງ ຂອງຄວາມຮຸນແຮງໃນຄັ້ງນີ້. ກຸ່ມຕໍ່ຕ້ານລັດຖະບານດັ່ງກ່າວ ໄດ້ອ້າງ ເອົາຄວາມຮັບຜິດຊອບ ​ໃນ​ການ​ໂຈມ​ຕີ​ດ້ວຍລະເບີດສະຫຼະຊີບ ໃນສັບປະດາທີ່ຜ່ານມາ ໃນບໍລິເວນທີ່ຕັ້ງຂອງສານໃນ ເມືອງ Shabqadar, ໃກ້ກັບເມືອງ Peshawar. ການໂຈມຕີດັ່ງກ່າວໄດ້ສັງຫານປະຊາຊົນ 17 ຄົນ ແລະ ຄົນອື່ນໆໄດ້ຮັບບາດເຈັບອີກ 36 ຄົນ.

ພວກ ຕາລີບານ ໃນປະເທດ ປາກິສຖານ ໄດ້ເຮັດສົງຄາມຕໍ່ຕ້ານ ລັດຖະບານດົນກວ່າໜຶ່ງທົດ ສະວັດແລ້ວ, ເຮັດໃຫ້ປະຊາຊົນ ປາກິສຖານ ເສຍຊີວິດຫຼາຍກວ່າສິບພັນຄົນ.

ການລະເບີດລົດ​ເມໄດ້ເກີດຂຶ້ນໜຶ່ງ​ມື້ຫຼັງຈາກຜູ້​ບັນຊາ​ການ​ທະຫານບົກ ປາກິສຖານ, ນາຍພົນ Raheel Sharif, ໄດ້ອະນຸມັດການປະຫານ ຊີວິດຜູ້ຊາຍ 13 ຄົນທີ່ພົວພັນກັບກຸ່ມຫົວຮຸນແຮງ ທີ່ໄດ້ຖືກຕັດສິນລົງ ໂທດໂດຍສານທະຫານ ກ່ຽວ​ກັບ ບົດບາດຂອງພວກເຂົາເຈົ້າໃນການປະ ຕິບັດການກໍ່ການຮ້າຍເມື່ອບໍ່ດົນມານີ້ໃນທົ່ວປະເທດ.

XS
SM
MD
LG