ລິ້ງ ສຳຫລັບເຂົ້າຫາ

ປະທານາທິບໍດີ ມຽນມາ ຢ້ຽມຢາມໄທ

  • ດຣ. ສິມມາລາ

ປະທານາທິບໍດີມຽນມາ ທ່ານ ເທນ ເຊນ (ຊ້າຍ) ໄດ້ຮັບການຕ້ອນຮັບ ຈາກຮອງນາຍົກລັດຖະມົນຕີໄທ ທ່ານຍຸດທະສັກ ສະສິປຣະພາ (ກາງ) ຢູ່ສະໜາບິນ ໃນວັນອາທິດມື້ນີ້, ທີ 22 ກໍລະກົດ 2012.

ປະທານາທິບໍດີມຽນມາ ທ່ານ ເທນ ເຊນ (ຊ້າຍ) ໄດ້ຮັບການຕ້ອນຮັບ ຈາກຮອງນາຍົກລັດຖະມົນຕີໄທ ທ່ານຍຸດທະສັກ ສະສິປຣະພາ (ກາງ) ຢູ່ສະໜາບິນ ໃນວັນອາທິດມື້ນີ້, ທີ 22 ກໍລະກົດ 2012.

ປະທານາທິບໍດີມຽນມາ ທ່ານ ເທນ ເຊນ ໄດ້​ເດີນທາງໄປເຖິງປະເທດໄທ ໃນວັນອາທິດ
ມື້ນີ້ ເພື່ອທໍາການຢ້ຽມຢາມເປັນເວລາ 3 ວັນ ລຸນຫລັງທີ່ໄດ້ມີການເລື່ອນການເດີນທາງ
ເຖິງສອງຄັ້ງ.

ຜູ້ນໍາ​ຂອງ​ມຽນມາ ຈະພົບກັບນາຍົກລັດຖະມົນຕີໄທ ທ່ານນາງ ຍິ່ງລັກ ຊິນນະວັດ
ໃນວັນຈັນມື້ອື່ນ. ທ່ານຜູ້​ນໍາທັງສອງຄົງຈະສົນທະນາກັນ ກ່ຽວກັບການພັດທະນາ
ແລະການລົງທຶນຢູ່ໃນ​ມຽນມາ ແລະສະພາບການຂອງອົບພະຍົບຊົນເຜົ່າໂຣຮິງຢາ
ຫລາຍ​ແສນ​ຄົນ ທີ່ໄດ້ລົບໜີຈາກການກໍ່ຄວາມຮຸນແຮງ ຢູ່ໃນມຽນມາ.

ນອກນັ້ນ ຜູ້ນໍາທັງສອງຍັງຈະເປັນພະຍານໃນພິທີເຊັນບົດບັນທຶກຄວາມເຂົ້າໃຈກ່ຽວກັບ
ຫລາຍໆໂຄງການພັດທະນາໃນ​ມຽນມາ.

ໄທ, ພ້ອມດ້ວຍຈີນ ແລະປະເທດອື່ນໆຢູ່ໃນຂົງເຂດ ໄດ້ກາຍເປັນຄູ່ການຄ້າທີ່​ສໍາຄັນ
​ຂອງ​ມຽນມາ ໃນຊຸມປີ ທີ່ປະເທດດັ່ງກ່າວຖືກໂດດດ່ຽວ ພາຍໃຕ້ການປົກຄອງຂອງ
ທະຫານ.

XS
SM
MD
LG