ລິ້ງ ສຳຫລັບເຂົ້າຫາ

ພັກຝ່າຍຄ້ານຢາກໃຫ້ ລົງໂທດມຽນມາ ຕໍ່ໄປ

  • ສິງ ບູຣົມມະວົງ

ພັກຝ່າຍຄ້ານຢາກໃຫ້ ລົງໂທດມຽນມາ ຕໍ່ໄປ

ຄະນະ​ນໍາພາ​ທີ່​ຜູ້​ຄົນຮູ້​ຈັກ​ກັນ​ດີ​ ຂອງ​ພັກ​ຝ່າຍ​ຄ້ານ​ໃນ​ມຽນ
ມາ ກ່າວ​ວ່າ ເຂົາ​ເຈົ້າ​ຢາກ​ໃຫ້​ປະຊາ​ຄົມນາໆ​ຊາດ​ ສືບ​ຕໍ່​ທໍາ​
ກາ​ນລົງ​ໂທດ​ດ້ານ​ເສດຖະກິດ​ຕໍ່​ມຽນມາ​ຕໍ່​ໄປ ເຖິງ​ແມ່ນ​ໄດ້​ມີ​
ການເລືອກ​ຕັ້ງ​ແລະ​ການ​ປະກອບ​ລັດຖະບານ​ຊຸດ​ໃໝ່​ຫວ່າງ ໄວໆ​ມາ​ນີ້​ກໍ​ຕາມ.

ບັນດາ​ເຈົ້າ​ໜ້າ​ທີ່​ອາວຸ​ໂສ​ຂອງ​ພັກ​ສັນນິບາດ​ແຫ່ງ​ຊາດ​ເພື່ອ
ປະຊາທິປະ​ໄຕໃນ​ມຽມາ ພາຍ​ໃຕ້​ການ​ນໍາພາ​ຂອງ​ທ່ານ​ນາງ
ອອງຊານ​ຊູ​ຈີ ທີ່ໄດ້​ຮັບ​ລາງວັນ​ໂນ​ແບລຂະ​ແໜງ​ສັນຕິພາບ
ກ່າວ​ຕໍ່​ບັນດາ​ນັກ​ຂ່າວ​ກ່ຽວ​ກັບ ການລົງ​ຄວາມ​ເຫັນດັ່ງກ່າວ
ຂອງພວກ​ເຂົາ​ເຈົ້າ​ໃນ​ວັນ​ຈັນ​ມື້​ນີ້. ຄາດ​ວ່າ ທາງ​ພັກຈະ​ປະ
ກາດ​ໃຫ້ຮູ້​ໃນ​ວັນ​ອັງຄານ​ມື້​ອື່ນ​ນີ້​ກໍ​ເປັນ​ໄດ້​ ກ່ຽວ​ກັບ​ຜົນ​
ຂອງ​ການສຶກສາຢ່າງ​ລະອຽດ​ກ່ຽວກັບ​ວ່າ ພວກ​ປະຊາຊົນ​
ມຽນມາ​ໄດ້​ຮັບ​ຜົນ​ກະທົບ​ແນວ​ໃດ​ ຈາກມາດ​ຕະການ​ລົງ​ ໂທດເຫລົ່ານັ້ນ.

ທ່ານ ຕິນ ອູ ຮອງ​ປະທານ​ພັກ​ສັນນິ ບາດ​ແຫ່ງ​ຊາດ ​ເພື່ອ​ປະຊາທິປະ​ໄຕ ​ໃນ​ມຽນມາ.
ທ່ານ ຕິນ ອູ ຮອງ​ປະທານ​ພັກ​ສັນນິ ບາດ​ແຫ່ງ​ຊາດ ​ເພື່ອ​ປະຊາທິປະ​ໄຕ ​ໃນ​ມຽນມາ.

ອົງການ​ຂ່າວ Reuters ອ້າງ​ຄໍາ​ເວົ້າ​ຂອງ​
ທ່ານ Tin OO ຮອງປະທານພັກ​ສັນນິບາດ
ແຫ່ງ​ຊາດ​ເພື່ອ​ປະຊາທິປະ​ໄຕ ວ່າການ​ສຶກສາ​
ຄົ້ນຄວ້າ​ສະ​ແດງ​ໃຫ້​ເຫັນ​ວ່າ ການ​ລົງ​ໂທດ​ດັ່ງ
ກ່າວ​ສົ່ງ​ຜົນ​ກະທົບຕໍ່ ສະເພາະແຕ່​ພວກ​ຜູ້​ນໍາ
ລັດຖະບານ​ແລະ​ພວກ​ເພື່ອນ​ຮ່ວມ​ງານ​ທາງ
ທຸລະ​ກິດຂອງ​ເຂົາ​ເຈົ້າ​ເທົ່າ​ນັ້ນໂດຍບໍ່​ມີ​ຜົນ​ກະ ທົບ​ຕໍ່​ປະຊາຊນທົ່ວ​ໄປ​ແຕ່​ຢ່າງ​ໃດ.

ພວກ​ປະ​ເທດ​ເພື່ອນ​ບ້ານ​ຂອງ​ມຽນມາ​ຫລາຍ
ປະ​ເທດ​ ​ໄດ້ກ່າວ​ທີ່​ກອງ​ປະຊຸມຂອງ​ກຸ່ມ​ອາ​
ຊ່ຽນ​ໃນເມື່ອ​ບໍ່​ດົນ​ມາ​ນີ້ ວ່າມັນ​ເຖິງ​ເວລາສໍາ
ລັບ​ການ​ຍົກເລີກ​ການ​ລົງ​ໂທດ​ນັ້ນ​ແລ້ວ ​ແຕ່
ສະຫະລັດ​ອະ​ເມຣິກາ​ ແລະ​ບັນດາເຈົ້າ​ໜ້າ​ທີ່​
ຈາກບາງ​ປະ​ເທດ​ໃນ​ຢູ​ໂຣບ​ ​ກ່າວ​ວ່າມັນ​ເປັນ
ການ​ໄວເກີນ​ໄປ ​ທີ່​ຈະຍົກ​ເລີກມາດ​ຕະການ​ດັ່ງກ່າວ.

XS
SM
MD
LG