ລິ້ງ ສຳຫລັບເຂົ້າຫາ

ມຽນມາປະຕິເສດ ຄໍາຕ້ອງຕິວ່າ ຕົນໃຊ້ຄວາມຮຸນແຮງ ທີ່ລັດ Rakhine


ທ່ານ Tomás Ojea Quintana ຜູ້ຊ່ຽວຊານດ້ານສິດທິມະນຸດ ຂອງ
ອົງການສະຫະປະຊາຊາດ ມີແຜນເດີນທາງໄປຢ້ຽມຢາມລັດຣາຄີນ ໃນວັນອັງຄານມື້ນີ້, ທີ 31 ກໍລະກົດ 2012.

ທ່ານ Tomás Ojea Quintana ຜູ້ຊ່ຽວຊານດ້ານສິດທິມະນຸດ ຂອງ ອົງການສະຫະປະຊາຊາດ ມີແຜນເດີນທາງໄປຢ້ຽມຢາມລັດຣາຄີນ ໃນວັນອັງຄານມື້ນີ້, ທີ 31 ກໍລະກົດ 2012.

ເຈົ້າ​ໜ້າ​ທີ່​ມຽນມາ ​ໄດ້​ກ່າວ​ຕໍ່​ຜູ້​ຊ່ຽວຊານ​ສິດທິ​ມະນຸດຂອງ​ສະຫະ​ປະຊາ​ຊາດ ທີ່ກໍາລັງ​ຢ້ຽມ
ຢາມ​ມຽນມາວ່າ ກໍ​າລັງ​ຮັກສາ​ຄວາມ​ປອດ​ໄພ ​ໄດ້ໃຊ້​ຄວາມຍັບ​ຢັ້ງ​ຢ່າງສຸດ​ຂີດ​ແລ່​ວ ​ໃນ​ການ
​ຕອບໂຕ້​ຕໍ່​ການ​ກໍ່​ຄວາມ​ວຸ້ນວາຍລະຫວ່າງ​ຊາວ​ພຸດ ​ແລະ​ຊາວ​ມຸສລິ​ມ Rohinyas ທີ່​ພາກ​ຕາ
​ເວຫນ​ຕົກ​ຂອງ​ປະ​ເທດ ​ເດືອນ​ແລ້ວ​ນີ້.

ກະຊວງຕ່າງປະ​ເທດມຽນມາ​ໄດ້​ອອກຄໍາ​ຖະ​ແຫລ​ງ​ໃນວັນ​ຈັນວານ​ນີ້​ວ່າ ຕົນ “ປະຕິ​ເສ​ດຢ່າງ
​ແຂງ​ແຮງ” ​ຕໍ່​ການ​ກ່າວ​ຫາທີ່​ວ່າ ​ເຈົ້າ​ໜ້າ​ທີ່​ໄດ້​ທໍາ​ການທາ​ລຸນ ​ແລ​ະ​ໃຊ້ກໍາລັງເກີນ​ຂອບ​ເຂດ
​ເພື່ອ​ຢຸດ​ຢັ້ງ​ການ​ຂ້າ​ກັນ​ຕາຍ​ຫລາຍ​ກວ່າ 70 ຄົນ ທີ່​ລັດ Rakhine ນັ້ນ. ​ບັນດາເຈົ້າ​ໜ້າ​ທີ່​
ມຽນມາ​ ໄດ້​ໂອ້​ລົມ​ກ່ຽວ​ກັບ​ສະຖານະ​ການ​ໃນລັດ Rakhine ກັບ​ຜູ້​ຊ່ຽວຊານ​ອົງການ​ສະ
ຫະ​ປະຊາ​ຊາດ ທ່ານ Tomas Ojea Quintana ​ໃນ​ມື້ວັນ​ຈັນ.

ອາທິດ​ແລ້ວ​ນີ້ ຂ້າ​ຫລວງ​ໃຫຍ່​ຝ່າຍສິດທິ​ມະນຸດ​ອົງການ​ສະຫະ​ປະຊາ​ຊາດ ທ່ານ ນາງ Navi
Pillay ກ່າວ​ວ່າ ການ​ຮັບ​ມື​ຂອງລັດຖະບານ​ມຽນມາ ຕໍ່ຄວາມ​ຮຸນ​ແຮງ​ຂອງລະຫວ່າງ​ປະຊາ​
ຄົມ “ອາດໄດ້​ຫັນປ່ຽນ​ໄປ​ເປັນການປາບ​ປາມຊາວມຸສລິ​ມ ໂດ​ຍສະ​ເພາະ ບັນດາ​ສະມາ​ຊິກ
ຂອງປະຊາ​ຄົມ Rohingya ນັ້ນ.

​ໃນ​ຕົ້ນ​ເດືອນ​ນີ້ ອົງການ​ນິລະ​ໂທດ​ສາກົນ ທີ່​ກຸງ​ລອນ​ດອນ ກໍກ່າວ​ວ່າ ຕົນ​ມີ “ລາຍ​ງານ​ທີ່​
ເຊື່ອ​ຖື​ໄດ້” ກ່ຽວ​ກັບ​ຊາວ​ພຸດ​ໃນ​ລັດ Rakhine ​ແລະ​ກໍາລັງ​ຮັກສາ​ຄວາມ​ປອດ​ໄພ ​ໄດ້​ແນການ​
ໂຈມ​ຕີໃສ່ຊາວ Rohingyas ​ແລະ ຊາວມຸສລິມ ອື່ນໆ ໃນ​ລັດຣາຄີ​ນນັ້ນ ໂດຍ​ການ “ທາ​ລຸນ
ຮ່າງກາຍ ຂົ່ມຂືນຊໍາ​ເລົາ ທໍາລາຍ​ຊັບ​ສິນເຮືອນ​ຊານ ​ແລະເຂ່ນຂ້າຢ່າງ​ຜິດ​ກົດໝາຍ.

ກະ​ຊວງ​ການ​ຕ່າງປະ​ເທດ​ມຽນມາ ກ່າວ​ວ່າຕົນ “ປະຕິ​ເສດ​ໂດຍ​ທັງ​ໝົດ” ຕໍ່​ອັນທີ່​ຕົນ​ເອີ້ນ​ວ່າ
“ຄວາມພະຍາຍາ​ມ​ໂດຍ​ບາງ​ພວກ ​ເພື່ອ​ສວາຍ​ໃຊ້ການ​ເມືອງ ແລະການສາກົນ​ ​ເຮັດ​ໃຫ້​ສະຖາ
ນະການນີ້ ​ເປັນ​ບັນຫາລະຫວ່າງສາສະໜາ​.” ​ແລະ​ຍັງກ່າວ​ອີກ​ວ່າ ມຽນມາ ເປັນ​ປະ​ເທດ​ທີ່​ປະ
ກອບດ້ວຍ​ຫລາຍ​ສາສະໜາ ບ່ອນ​ທີ່​ປະຊາກອນທີ່​ນັບຖືສາສະໜາ​ທີ່ແຕກ​ຕ່າງ​ກັນ ​ໄດ້​ຢູ່​ຮ່ວມ
ກັນຢ່າງສັນຕິ​ ມາ​ເປັນ​ເວລາ​ຫລາຍ​ສັດຕະວັດ.

ທ່ານ Quintana ກ່າວ​ວ່າ ທ່ານ​ມີແຜນ​ຈະ​ຢ້ຽມຢາມລັດ Rakhine ​ໃນ​ວັນ​ອັງ​ຄານນີ້.

XS
SM
MD
LG