ລິ້ງ ສຳຫລັບເຂົ້າຫາ

ກຸ່ມສິດທິຮຽກຮ້ອງໜັກຂຶ້ນ ຕໍ່ບັງກລາແດສ ໃຫ້ຮັບເອົາ ຊາວອົບພະຍົບໂຣຮີງຢາ

  • ທອງປານ ເທບວົງສາ

ຊາວອົບພະຍົບຊົນເຜົ່າໂຣຮິງຢາ

ຊາວອົບພະຍົບຊົນເຜົ່າໂຣຮິງຢາ

ບັນດາ​ນັກ​ເຄຶ່ອນ​ໄຫວ​ດ້ານ​ສິດທິ​ມະນຸດ ກໍາລັງ​​ຮຽກຮ້ອງໜັກ​ຂຶ້ນ ​ໃຫ້​ບັງ​ກລາ​ເເດ​ສຢຸດ​ສົ່ງອົບ ​ພະຍົບຊາວ​ໂຣຮິງ​ຢາທີ່​ຫຼົບໜີ​ຈາກ​ຄວາມ​ຮຸນ​ແຮງ​ໃນ​ມຽນມານັ້ນ ກັບ​ຄືນ​​ໄປມຽນມາອີກ. ຜູ້​ສື່​ຂ່າວ​ວີ​ໂອ​ເອ Danielle Bernstein ມີລາຍ​ງານ​ກ່ຽວ​ກັບວ່າ ດ້ວຍເຫດໃດການ​ຂັດແຍ້ງກັນ ເລື່ອງ​ສະຖານະ​ພາບ​​ໄຮ້​ປະ​ເທດ​ຂອງ​ຊາວ​ໂຣຮິງ​ຢາ ຈຶ່ງຍັງ​ເປັນ​ບັນຫາ​ທີ່​ແກ້​ໄຂ ກັນ​ບໍ່​ໄດ້​ ໃນ​ການ​ປະຕິ​ຮູບທງ​ການ​ເມືອງ​ຂອງ​ມຽນມານັ້ນ​ ຊຶ່ງ​ທອງ​ປານມີ​ລາຍລະອຽດ ມາສະ​ເໜີທ່ານ​.

ໃນ​ຖະ​ແຫຼງການ​ສະບັບ​ນຶ່ງ ທີ່ນໍາອອກເຜີຍແຜ່ເພື່ອເປັນຂີດ​ໝາຍ​ວັນ​ອົບ​ພະຍົບ​ໂລກ​ ວັນທີ
20 ມິຖຸນາ ອາທິດແລ້ວນີ້ ກຸ່ມ​ສິ້ງ​ຊອມ​ສິດທິ​ມະນຸດ Human Rights Watch ທີ່​ມີ​ສໍານັກ
ງານ​ຢູ່​ນະຄອນ​ນີວຢ໊ອກ ໄດ້ຮຽກຮ້ອງ​ໃຫ້ບັງ​ກລາ​ເເດ​ສ ຈົ່ງ​ເປີດ​ຊາຍ​ແດນ​ຂອງ​ຕົນ​ ຮັບເອົາ
​ພວກ​ອົບ​ພະ​ຍົບໂຣຮິງ​ຢາ. ກຸ່ມດັ່ງກ່າວ​ເວົ້າວ່າ ​ເຈົ້າໜ້າ​ທີ່​ບັງ​ກລາ​ເເດ​ສ​ໄດ້ທໍາ​ການ​ຜັກດັນ​ ​
ຊາວ​ອົບພະຍົບເຫລົ່ານັ້ນກັບຄືນໄປມຽນມາ ຫຼາຍ​ກວ່າ 140 ຄັ້ງ ກໍຄື​ ​ຫ້າມ​ຊາວ​ໂຣຮິງ​ຢາ​ທີ່
​ເດີນທາງມາໂດຍ​ທາງ​ເຮືອ ເຂົ້າ​ໄປ​ຈອດ​ຢູ່​ໃນ​ບັງ​ກລາເ​ເດ​ສ​. ທ່ານ Phil Robertson ຮອງ​ຜູ້​
ອໍານວຍ​ການສໍາລັບ​ເຂດ​ເອ​ເຊຍ ຂອງກຸ່ມ Human Rights Watch ຫລື HRW ກ່າວ​ວ່າ ກຸ່ມ​
ຂອງ​ທ່ານ​ມີ​ຜູ້​ຕາງໜ້າ ​ຕິດຕາມສັງ​ເກດ​ເບິ່ງ​ພຶດຕິການດັ່ງກ່າວນັ້ນ. ທ່ານ ​ໂຣ​ເບິດ​ຊັນ ກ່າວ​ວ່າ:

“ພວກ​ທະຫານຍາມ​ຝັ່ງ​ຂອງ​ບັງ​ກລາ​ເດ​ສແມ່ນ​ ໄດ້ກີດ​ກັນ​ພວກນັກ​ຂ່າວ​ແລະ​ຄົນ​ອື່ນໆ​
ບໍ່​ໃຫ້​ເຂົ້າ
ໄປໃກ້​ຊາວ​ໂຣຮິງ​ຢາ​ ແລະ​ກໍຂັບ​ໄລ່​ໄສ​ສົ່ງ​ພວກ​ເຂົາ​ເຈົ້າ ໃຫ້ກັບຄືນອອກໄປທະເລ
ແລະ​ໂຮມ​ຢູ່​ໃນ​ກຸ່ມ​ຖືກໄສ​ສົ່ງ​ນັ້ນ​
ກໍ​ມີ​ພວກ​ແມ່ຍິງ ​ແລະ​ເດັກນ້ອຍໆນໍາ. ຍັງ​ບໍ່​ເປັນ​ທີ່​ແຈ້ງ​
ຂາວ​ວ່າ​
ຊະ​ຕາ​ກໍາ​ຂອງ​ພວກ​ເຂົາ​ເຈົ້າເປັນ​ຢ່າງ​ໃດ​ຫຼັງ​ຈາກ​ພວກ​ເຂົາ​ເຈົ້າຖືກ​ຂັບ​ໄລ່​ໄສ​ສົ່ງ
ກັບ​ຄືນ
ໄປແລ້ວ ຊຶ່ງ​ນັ້ນ​ເປັນ​ຄໍາ​ຖາມທີ່​ດີ​ທີ່​ສຸດ ​ແລະ​ເປັນ​ເລຶ່ອງນຶ່ງ​ທີ່​ລັດຖະບານ​ບັງ​ກລາ
ເດ​ສ ຄວນຈະ​ຮັບຜິດຊອບ.”

ຕໍາຫລວດແລະທະຫານມຽນມາ ຍາມຮັກສາຄວາມ ສະຫງົບ ໃຫ້ພວກອົບພະຍົບມຸສລິມ ໃກ້ໆຄ້າຍອົບ ພະຍົບ ໃນ Sittwe ເມືອງຫລວງຂອງລັດ Rakhine ໃນພາກຕາເວັນຕົກຂອງມຽນມາ, ວັນທີ 14 ມິຖຸນາ 2012. (AP Photo/Khin Maung Win)

ຕໍາຫລວດແລະທະຫານມຽນມາ ຍາມຮັກສາຄວາມ ສະຫງົບ ໃຫ້ພວກອົບພະຍົບມຸສລິມ ໃກ້ໆຄ້າຍອົບ ພະຍົບ ໃນ Sittwe ເມືອງຫລວງຂອງລັດ Rakhine ໃນພາກຕາເວັນຕົກຂອງມຽນມາ, ວັນທີ 14 ມິຖຸນາ 2012. (AP Photo/Khin Maung Win)

ນອກ​ນີ້​ແລ້ວ ທ່ານ Robertson ຍັງ​ໄດ້​
ຮຽກຮ້ອງ​ໃຫ້​ລັດຖະບານ​ມຽນມາ ​ໃຫ້
​ການປົກປ້ອງຄຸ້ມຄອງແກ່ຊາວ​ໂຣຮິງ​ຢາ​
ທີ່​ກັບ​ຄືນ​ໄປ​ມຽນມານັ້ນ ​ແລະປ່ອຍ​ໃຫ້
​ກຸ່ມຂອງທ່ານ ໄດ້​ເຂົ້າໄປຍັງ​ຂົງ​ເຂດ​ທີ່​ມີ
ການ​ຕໍ່ສູ້ກັນ​. ໂຄງການ ອາຫານ​ໂລກ
WFP ຂອງສະຫະປະຊາຊາດປະ​ເມີນ​ວ່າ
ປະຊາຊົນປະມານ 90,000 ຄົນ ຖືກ​ພັດ
​ພາກຈາກ​ຖິ່ນ​ຢູ່​ອາ​ໄສ​ ຍ້ອນ​ການ​ສູ້​ລົບ​ກັນ ​
ແລະ​ເຈົ້າໜ້າ​ທີ່​ໄດ້ໃຫ້ການ​ຊ່ວຍເຫຼືອ ​ແກ່​
ຫຼາຍ​ກວ່າ 66,000 ຄົນ​ໃນ​ອາທິດ​ຜ່ານ​ມາ​ນີ້.

ເຫດການ​ຮຸນ​ແຮງ​ແມ່ນ​ເລີ່​ມຕົ້ນ​ຂຶ້ນ​ໃນ​ຕົ້ນ
​ເດືອນ​ນີ້ ​ເວລາ​ຊາຍຊາວ​ມຸສລິ​ມເຜົ່າ​ໂຣຮິງ
​ຢາສາມ​ຄົນ​ ຂົ່ມຂືນ​ແລະ​ສັງຫານ​ແມ່ຍິງ
​ຊາວ​ພຸ​ດ​ເຜົ່າຣາຄີ​ນຄົນ​ນຶ່ງ. ຊາຍສອງ​ຄົນ
​ໃນ​ຈໍານວນ​ສາມ​ຄົນນັ້ນ ຖືກ​ດໍາ​ເນີນ​ຄະດີ​ແລະຖືກ​ຕັດສິນ​ໂທດປະຫານຊີວິດ. ສ່ວນ​ຊາຍ​
ຜູ້​ທີ່​ສາມ​ໄດ້ຂ້າໂຕຕາຍຢູ່​ໃນ​ຄຸກ ໂດຍການ ເອົາຜ້າສະ​ໂລ່ງ​ແຂວນ​ຄໍ.

ກຸ່ມ​ສິ້ງ​ຊອມ​ສິດທິ​ມະນຸດ HRW ​ກ່າວ​ອີກ​ວ່າ ຕົນ​ຍັງ​ບໍ່​ສາມາດ​ກວດ​ສອບ​ລາຍ​ລະອຽດ​ໃດໆ​ຂອງຄະດີດັ່ງກ່າວ ​ແລະການ​ສອບ​ສວນ​ສອບ​ສວນ​ເພີ່ມ​ຕື່ມ​ ກ່ຽວກັບ​ຝ່າຍໃດ​ແທ້ເປັນຜູ້​ຮັບ
ຜິດຊອບ​ໃນການກໍ່ຄວາມ​ຮຸນ​ແຮງນັ້ນ ກໍ​ບໍ​ໄດ້​ດໍາ​ເນີນໄປໃນ​ລັກສະນະທີ່​ເປີດ​ເຜີຍ​ແລະ​ໂປ່​ງ​ໃສ.

ສື່ຂອງ​ລັດ​ມຽນມາ ລາຍ​ງາ​ນວ່າ​ ການ​ໂຈມ​ຕີເພື່ອ​ແກ້​ແຄ້ນ​ຈາກເຫດການ​ທີ່​ເກີດ​ຂຶ້ນນັ້ນ ຍັງ
​ຜົນ​ໃຫ້​ມີ​ຜູຸ້​ເສຍ​ຊີວິດຫລາຍກ່ວາ 50 ຄົນ ​ແລະບາດ​ເຈັບ​ອີກ​ຫຼາຍ​ສິບຄົນ.

ທ່ານ​ນາງ​ອອງຊານ ຊູ​ຈີ ຜູ້​ນໍາ​ປະຊາທິປະ​ໄຕ​ມຽນມາ ​ແລະ​ສະມາຊິກ​ສະພາ ​ໄດ້​ຖະ​ແຫຼ​ງ
ກ່ຽວກັບ​ການຂັດ​ແຍ້​ງກັນນີ້ ​ໃນ​ອາທິດ​ຜ່ານມາ ​ໃນ​ລະຫວ່າງການ​ຢ້ຽມຢາມ​ຢູ​ໂຣບ. ທ່ານ
​ນາງ​ໄດ້​ເນັ້ນ​ຍໍ້າເຖິງຄວາມ​ສໍາຄັນ ຂອງ​ການ​ພິສູດແລະຕົກລົງກັນໃຫ້ແຈ້ງຂາວ ບັນຫາ​ສັນ
ຊາດ​ຂອງ​ພວກຊົນ​ເຜົ່ານ້ອຍ ຊາວ​ໂຣຮິງ​ຢາ ປະມານ 800,000 ຄົນທີ່​ໄຮ້​ປະ​ເທດນັ້ນ.
ທ່ານ​ນາງ ຊູ​ຈີ ກ່າວ​ວ່າ:

“ບັງ​ກລາ​ເດ​ສກໍ​ວ່າ​ບໍ່​ແມ່ນ​ຄົນ​ຂອງ​ຕົນ ມຽນມາ​ກໍວ່າ​ບໍ່ແມ່ນ​ຄົນ​ຂອງ​ຕົນ ​ແລະ​ພວກ
ຄົນ​ທີ່​ຕົກ​ລະ​ກໍາ​ລໍາບາກ​ເຫຼົ່າ​ນີ້ຖືກສັບ​ປ່ຽນ​ໄປ​ຂ້າງ​ນັ້ນ​ຂ້າງ​ນີ້​ຢູ່ພໍ​ປານ​ນັ້ນ. ພວກ​ເຮົາ
ຕ້ອງມີ​ຕົວ​ບົດ​ກົດໝາຍ ພວກ​ເຮົາ​ຕ້ອງ​ຮູ້​ວ່າ​ກົດໝາຍນັ້ນເວົ້າແນວໃດ ແລະ​ພວກ​ເຮົາ
​ຕ້ອງ​
ເຮັດໃຫ້​ເປັນ​ທີ່​ແນ່​ໃຈ​ວ່າ​ ມັນ​ຖືກ​ນໍາ​ໃຊ້​ປະຕິບັດຢ່າງ​ຖືກຕ້ອງ​ເໝາະ​ສົມ.”

ຊົນ​ເຜົ່າ​ໂຣຮິງ​ຢາ​ໃນມຽນມາຖືກ​ປະ​ຕິ​ເສດ​ສັນຊາດ ພາຍ​ໃຕ້​ກົດໝາຍສັນຊາດ ສະບັບປີ
1982 ຂອງ​ມຽນມາ. ມີຊົນ​ເຜົ່າ​ທີ່​ຖືກ​ຮັບ​ຮູ້​ຢ່າງ​ເປັນ​ທາງການ ​ຢູ່ 135 ​ເຜົ່າ​ ​ໃນ​ມຽນມາ
ຊຶ່ງໃນນັ້ນ ​ບໍ່​ໄດ້​ຮວມເອົາຊົນ​ເຜົ່າ​ໂຣຮິງ​ຢາ ​ຫຼື​ເຜົ່າ Gurkhas ​ເຂົ້ານໍາ.

ການສໍາຫລວດສໍາມະໂນຄົວ ​ປີ 1983 ນັ້ນ ​ໄດ້​ນັບ​ເອົາ​ຊົນ​ເຜົ່າ​ໂຣຮິງ​ຢາ​ວ່າ​ເປັນ​ຄົນຕ່າງ
ປະ​ເທດ ​ແລະທ່ານ Myint Kyaing ລັດຖະມົນ​ກະຊວງ​ປະຊາກອນ​ແລະ​ການວາງ​ແຜນ
ທີ່​ຮັບຜິດຊອບການສໍາ​ຫຼວດສໍາມະໂນຄົວ ຄັ້ງຕໍ່ໄປ ໃນປີໜ້າ 2013 ນັ້ນ ກ່າວ​ວ່າ ຍັງ​ບໍ່​ມີ
ແຜນການ​ຈະ​ປ່ຽນ​ແປງ ສະຖານະ​ພາບ​ຂອງ​ຊາວ​ໂຣຮິງ​ຢາ​ ພາຍໃນເວລານັ້ນເທື່ອ​. ທ່ານ
ກຽງ ກ່າວວ່າ:

“ພວກ​ເຮົາ​ຈະ​ນັບ​ເອົາ​ທຸກໆ​ຄົນ​ທີ່​ອາ​ສ​ຢູ່​ໃນ​ປະ​ເທດ​ນີ້ ບໍ່​ວ່າ​ພວກ​ເຂົາ​ເຈົ້າຈະເປັນ
​ສັນຊາດ​ຂອງ​ພວກ​ເຮົາ​
ຫຼື​ຊາວ​ຕ່າງປະ​ເທດ​ກໍ​ຕາມ. ບາງທີ​ ພວກ​ເຂົາ​ເຈົ້າອາດ​ຈະບໍ່
ຖືກຈັດ​ວ່າ​ເປັນ​ຊາວ​ໂຣຮິງ​ຢາ ບາງ ທີ​ພວກເຮົາ​ອາດ​ຈະ​ຈັດ​ໃຫ້​ພວກ​ເຂົາ​ເຈົ້າ​ເປັນຊາວ​
ຕ່າງປະ​ເທດ ຫຼື​ຢ່າງ​ໃດ​ຢ່າງ​ນຶ່ງ​
ຄື​ກັນ​ກັບ​ຊົນ​ເຜົ່າອື່ນໆ ທໍານອງ​ນັ້ນ​.”

ຊາວອົບພະຍົບ Rohingya ໃນປະເທດໄທ ທໍາການປະທ້ວງ ຮຽກຮ້ອງໃຫ້ຍຸດຕິຄວາມ
ຮຸນແຮງ ລະຫວ່າງຊາວມຸສລິມ ກັບຊາວພຸດໃນລັດຣາຄິນນັ້ນ, ວັນທີ 14 ມິຖຸນາ 2012.

(EPA/NARONG SANGNAK)

ບັນດານັກວິເຄາະຂ່າວກ່າວວ່າ ການແກ້ໄຂບັນຫາຜິດຖຽງກັນເລື່ອງຊົນເຜົ່າ ເຊ່ນບັນຫາຊາວ
ໂຣຮິງຢານີ້ ແມ່ນ ເປັນການທົດສອບທີ່ສໍາຄັນອັນ ນຶ່ງ ສໍາລັບລັດຖະບານມຽນມາ.

ທ່ານ Benjamin Zawacki ນັກ​ຄົ້ນຄວ້າປະ​ຈໍາ​ອົງການ​ນີລະ​ໂທດກໍາ​ສາກົນ ທີ່​ມຽນມາ ກ່າວ​ວ່າ
ອົງການ​ຂອງ​ທ່ານ​ສະໜັບສະໜຸນ​ການ​ແກ້​ໄຂ​ບັນຫາທາງ​ການ​ເມືອງ ທີ່ອໍານວຍໃຫ້ຊົນ​ເຜົ່າ​ໂຣຮິງ​
ຢາ​ໄດ້​ເປັນ​ສັນຊາດ​ມຽນມາ​ນັ້ນ. ທ່ານ ຊາ​ແວກ​ກີ ກ່າວ​ວ່າ:

“ພວກ​ເຂົາ​ເຈົ້າບໍ່ໄດ້ຮັບ​ການ​ປັບປຸງ​ທີ່​ໜ້າ​ດີໃຈ ໃດໆເລີຍ ໃນ​ດ້ານ​ສິດທິ​ມະນຸດຂອງ​ພວກ
​ເຂົາ​ເຈົ້າ ນັບ​ຕັ້ງ​ແຕ່​ການ​ປະຕິ​ຮູ​ບ​ໄດ້​ເລີ່​ມດໍາ​ເນີນ​ມາ​ໄດ້​
ປະມານນຶ່ງ​ປີຜ່ານມາແລ້ວນັ້ນ.
ດັ່ງ​ທີ່​ບຸກຄົນ​ຜູ້​ນຶ່ງ​ບອກ​ພວກ​ເຮົາ​ວ່າ ​ມັນເປັນ​ແບບ​ວ່າ ການ​ປ່ຽນ​ແປງ​ນີ້​ແມ່ນ​ເພື່ອ
ຄົນ
ພວກ​ອື່ນ​ເທົ່າ​ນັ້ນ ບໍ່​ແມ່ນ​ເພື່ອ​ພວກ​ເຮົາ. ​ແລະ​ອີກນັ້ນ​ແຫຼະ ສິ່ງ​ທໍາ​ອິດ​ທີ່​ພວກ​
ເຈົ້າໜ້າ
ທີ່ສາມາດເຮັດໄດ້ ແລະກໍ
ໜ້າ​ຈະ​ເຮັດ​ນັ້ນ ກໍ​ຄື​ແກ້​ໄຂ​ກົດໝາຍວ່າ​ດ້ວຍ​ສັນຊາດ​ປີ 1982
​ເສຍ​ກ່ອນ ເພື່ອ​ເຮັດ​ໃຫ້​ຊົນ​ເຜົ່​າໂຣຮິງ​ຢາ​
ໄດ້ມີສັນຊາດ ເປັນຊາວມຽນມາ​.”

​ແຕ່ບັນດານັກວິ​ເຄາະ​ກ່າວ​ວ່າ ເນື່ອງຈາກ​ວ່າ​ຊາວ​ພຸດ ​ຊຶ່ງ​ເປັນ​ຊົນກຸ່ມ​ໃຫຍ່​ຂອງ​ມຽນມານັ້ນ
ສ່ວນ​ຫຼາຍ​ແລ້ວ ແມ່ນຄັດຄ້ານ​ຕໍ່​ການ​ໃຫ້​ສັນຊາດ​ແກ່ເຜົ່າ​ໂຣຮິງ​ຢາ​ ທີ່​ເປັນ​ຊາວ​ມູສລິ​ມນັ້ນ
ບັນຫາ​ດັ່ງກ່າວ​ນີ້ກໍຈະ​ຍັງ​ຄົງ​ເປັນ​ບັນຫາ​ແບ່ງ​ແຍກ​ກັນ​ທາງການ​ເມືອງ​ຢູ່​ຕໍ່​ມາ​ ສໍາລັບ​ທ່ານ​
ນາງ​ອອງຊານ ຊູ​ຈີ ​ແລະ​ສະມາຊິກ​ສະພາພັກ​ຝ່າຍ​ຄ້ານ​ອື່ນໆ ຜູ້​ທີ່​ອາດຈະເປັນຄວາມ​ຫວັງ
​ທີ່ດີທີ່​ສຸດ ສໍາລັບ​ກຸ່ມ​ຊົນ​ເຜົ່າ​ໂຣຮິງຢານັ້ນ.

XS
SM
MD
LG