ລິ້ງ ສຳຫລັບເຂົ້າຫາ

ມຽນມາ ປ່ອຍນັກໂທດ ການເມືອງ ຢ່າງໜ້ອຍ 21 ຄົນ (ວີດີໂອ)


ພວກນັກໂທດການເມືອງຊາວມຽນມາ ທີ່ຖືກປ່ອຍ ພວມຍ່າງອອກມາ ຈາກຄຸກ Insein ໃນນະຄອນຢ່າງກຸ້ງ (17 ພຶດສະພາ 2013)

ມຽນມາໄດ້ປ່ອຍພວກນັກໂທດການເມືອງ ຢ່າງໜ້ອຍ 21 ຄົນ ບໍ່
ເທົ່າໃດມື້ ກ່ອນທີ່ປະທານາທິບໍດີ Thien Sein ເດີນທາງມາຢ້ຽມ ຢາມສະຫະລັດ ຄັ້ງປະຫວັດສາດ.

ສະມາຄົມໃຫ້ຄວາມຊ່ອຍເຫລືອ ນັກໂທດການເມືອງໃນມຽນມາ
ກ່າວຕໍ່ວີໂອເອ ກ່ຽວກັບການເຄື່ອນໄຫວດັ່ງກ່າວ ໃນວັນສຸກມື້ນີ້.
ທ່ານ Aung Myo Thein ຫົວໜ້າສະມາຄົມໃຫ້ຄວາມຊ່ອຍເຫຼືອ ນັກໂທດການເມືອງໃນມຽນມາ ຢູ່ທີ່ຫ້ອງການ ໃນບາງກອກກ່າວ
ວ່າລາຍລະອຽດກຳລັງທະຍອຍເຂົ້າມາກ່ຽວກັບວ່າມີຜູ້ໃດແດ່ຖືກ
ປ່ອຍ.

ທ່ານເວົ້າວ່າ ພວກເຮົາຂໍໃຫ້ການຢືນຢັນວ່າ ມີນັກໂທດ 23 ຄົນຖືກປ່ອຍແຕ່ພວກເຮົາຍັງບໍ່ ທັນໄດ້ຮັບຂໍ້ມູນຢ່າງລະອຽດເທື່ອຊຶ່ງໃນນັ້ນປະມານ 21 ຄົນແມ່ນເປັນນັກໂທດການເມືອງ.

ນັກຂ່າວວີໂອເອ ພະແນກພາສາມຽນມາຄົນນຶ່ງ ໄດ້ເຫັນກັບຕາ ການປ່ອຍພວກນັກໂທດ ການເມືອງ 10 ຄົນ ຈາກຄຸກໃຫຍ່ Insein ທີ່ມີຊື່ສຽງບໍ່ດີ ໃນນະຄອນຢ່າງກຸ້ງ. ໂຕເລກທີ່ ແນ່ນອນກ່ຽວກັບພວກນັກໂທດທີ່ຖືກປ່ອຍຍັງບໍ່ທັນເປັນທີ່ຈະແຈ້ງເທື່ອ.

ໃນມື້ວັນຈັນຈະມານີ້ ປະທານາທິບໍດີ Thien Sein ຈະເປັນປະມຸກຂອງມຽນມາຄົນທຳອິດ ທີ່ເດີນທາງມາຢ້ຽມຢາມສະຫະລັດໃນຮອບ 47 ປີ. ການຢ້ຽມຢາມທີ່ວ່ານີ້ ມີຂຶ້ນຫຼັງຈາກປະ ທານາທິບໍດີບາຣັກ ໂອບາມາ ໄດ້ກາຍເປັນປະທານາທິບໍດີ ທີ່ຍັງດຳລົງຕຳແໜ່ງຄົນທຳອິດ ອງສະຫະລັດ ເດີນທາງໄປຢ້ຽມຢາມມຽນ ມາໃນເດືອນພະຈິກປີກາຍ.

ວໍຊິງຕັນ ໄດ້ທຳການພົວພັນຄືນໃໝ່ກັບລັດຖະບານມຽນມາ ຊຶ່ງໄດ້ໂຜ່ໂຕມາຈາກການປົກ ຄອງຢ່າງໂຫດຮ້າຍຂອງລັດຖະບານເປັນເວລາເກືອບ 5 ທົດສະວັດ. ນະໂຍບາຍດັ່ງກ່າວ ໄດ້ສ້າງຄວາມບໍ່ພໍໃຈໃຫ້ແກ່ບັນດາກຸ່ມປົກປ້ອງສິດທິມະນຸດຈຳນວນນຶ່ງທີ່ເວົ້າວ່າເຖິງແມ່ນ ໄດ້ມີການປ່ຽນແປງກໍຈິງແຕ່ມຽນມາຍັງສືບຕໍ່ມີຂໍ້ຂາດຕົກບົກຜ່ອງກ່ຽວກັບການເຄົາລົບນັບ ຖືສິດທິມະນຸດຢ່າງຈະແຈ້ງ.

XS
SM
MD
LG