ປະທານາທິບໍດີມຽນມາ ທ່ານ Thein Sein ໄດ້ໃຫ້ຄໍາໝັ້ນສັນຍາ ຕໍ່ອັນທີ່ທ່ານຮ້ອງ
ວ່າ “ຄື້ນຟອງການປະຕິຮູບຄັ້ງທີ່ສອງ” ໂດຍແນໃສ່ການພັດທະນາສະພາບເສດຖະກິດ
ທີ່ທຸກຍາກ ມາເປັນເວລາດົນນານຂອງປະເທດໃຫ້ດີຂຶ້ນ.
ນັບຕັ້ງແຕ່ໄດ້ເຂົ້າກໍາໜ້າທີ່ມາແຕ່ປີກາຍ ອະດີດນາຍພົນທະຫານທ່ານນີ້ໄດ້ເປັນປະ
ທານ ກ່ຽວກັບການປະຕິຮູບທາງດ້ານການເມືອງຫລາຍຢ່າງ ຮວມທັງການປ່ອຍນັກ
ໂທດການເມືອງຫລາຍຮ້ອຍຄົນ ແລະອະນຸຍາດໃຫ້ກຸ່ມຝ່າຍຄ້ານກັບຄືນມາຫຼິ້ນການ
ເມືອງໄດ້.
ທ່ານໄດ້ກ່າວໃນຄຳປາໄສທາງໂທລະພາບໃນວັນອັງຄານມື້ນີ້ວ່າ ການປະຕິຮູບ ຂັ້ນທີ່
ສອງ ອາດຈະຮວມທັງກົດໝາຍການລົງທືນໂດຍຕົງຂອງຕ່າງປະເທດຊຶ່ງທ່ານກ່າວວ່າ
ອາດຈະຜ່ານສະພາໃນກອງປະຊຸມເທື່ອໜ້າ.
ທ່ານ Thein Sein ກ່າວວ່າ: “ໃນການເຂົ້າກຳອຳນາດປີທໍາອິດ ລັດຖະບານແຫ່ງຊາດ
ໄດ້ເຮັດວຽກຢ່າງຮີບດ່ວນໃນການປະຕິຮູບການເມືອງແລະການສ້າງຄວາມປອງດອງຊາດ.
ນັບແຕ່ປີນີ້ໄປໜ້າ ພວກເຮົາຈະພາກັນເຮັດວຽກ ກ່ຽວກັບການປະຕິຮູບຊຸດທີສອງ ທີ່ຈະ
ແນເປັນພິເສດ ໃສ່ການພັດທະນາປະເທດ ແລະສາທາລະນະຊົນ.”