ສະມາຊິກສະພາສູງສະຫະລັດທີ່ມີອິດທິພົນສູງທ່ານນຶ່ງກ່າວວ່າ ທ່ານຈະຮຽກຮ້ອງຕໍ່ບັນ
ດາເຈົ້າໜ້າທີ່ອາເມຣິກັນ ຊອກຫາວິທີທາງເພື່ອໃຫ້ລາງວັນ ແກ່ປະເທດມຽນມາສໍາລັບ
ການເອົາບາດກ້າວຫຼາຍຢ່າງເມື່ອໝໍ່ໆມານີ້ໄປສູ່ການເປັນປະຊາທິປະໄຕຫລາຍຂຶ້ນ.
ທ່ານ ເຈມສ໌ ເວັບ ສະມາຊິກສະພາສູງສະຫະລັດ ໄດ້ສະແດງຄວາມຄິດເຫັນເຊັ່ນນີ້ຢູ່ທີ່ນະ
ຄອນຢ່າງກຸ້ງເມື່ອວັນພຸດມື້ນີ້ ມື້ດຽວກັນກັບທີ່ທ່ານນາງອອງຊານ ຊູຈີ ຜູ້ນໍາພັກຝ່າຍ
ຄ້ານຂອງມຽນມາ ໄດ້ພົບປະກັບປະທານາທິ ບໍດີ ທຽນ ເຊນ ເປັນເທື່ອທໍາອິດ ນັບຕັ້ງ
ແຕ່ການເລືອກຕັ້ງຄັ້ງປະວັດສາດ ໃຫ້ທ່ານນາງເຂົ້າໄປນັ່ງຢູ່ໃນສະພາແຫ່ງຊາດ ເມື່ອອາ
ທິດຜ່ານມາ.
ໃນປີ 2009 ທ່ານເວັບ ໄດ້ເປັນເຈົ້າໜ້າທີ່ອາວຸໂສສຸດຂອງສະຫະລັດ ທີ່ ໄດ້ໄປຢ້ຽມຢາມ
ມຽນມາ ໃນໄລຍະສິບກວ່າປີ. ທ່ານເວບກ່າວເມື່ອວັນພຸດ ມື້ນີ້ວ່າ ມັນເຖິງເວລາແລ້ວທີ່ສະ
ຫະລັດຈະຕ້ອງໄດ້ດຳເນີນກການເພີ່ມຕື່ມ ເພື່ອໃຫ້ລາງວັນແກ່ມຽນມາຕໍ່ການປະຕິຮູບ
ຕ່າງໆຂອງປະເທດ ເມື່ອບໍ່ດົນ ຜ່ານມານີ້.
ທ່ານເວັບກ່າວວ່າ “ເວລາຂ້າພະເຈົ້າກັບຄືນໄປວໍຊິງຕັນ ເພື່ອທໍາການປຶກສາຫາລື ກັບສະ
ມາຊິກສະພາຄອງແກຣັສຄົນອື່ນໆ ກັບບັນດາຜູ້ນໍາຂອງລັດ ຖະບານຂອງພວກເຮົາ ເພື່ອ
ວ່າພວກເຮົາຈະສາມາດຊອກຫາຊ່ອງທາງ ທີ່ຖືກຕ້ອງເໝາະສົມ ສຶກສາເບິ່ງການປ່ຽນແປງ
ຕ່າງໆຢູ່ໃນນະໂຍບາຍທີ່ຈະ ໃຫ້ລາງວັນກ່ຽວກັບການດຳເນີນການໃນທາງບວກນີ້ ທີ່ລັດ
ຖະບານຊຸດປັດ ຈຸບັນຂອງມຽນມາໄດ້ນໍາປະຕິບັດ ແລະເພື່ອສືບຕໍ່ສ້າງສິນຍ້ອມໃຈສໍາລັບ
ການປ່ຽນແປງໃນອະນາຄົດນັ້ນນໍາ.”
ສະຫະລັດແມ່ນໄດ້ຜ່ອນຜັນການລົງໂທດບາງຢ່າງຕໍ່ມຽນມາແລ້ວ ນັບຕັ້ງ ແຕ່ການເລືອກ
ຕັ້ງຄັ້ງພິເສດເມື່ອວັນທີ່ 1 ເມສາ ທີ່ຍັງຜົນໃຫ້ພັກສັນນິບາດ ແຫ່ງຊາດເພື່ອປະຊາທິປະໄຕ
ຂອງທ່ານນາງອອງຊານ ຊູຈີ ຊະນະ 43 ບ່ອນນັ່ງ ໃນຈໍານວນບ່ອນນັ່ງທັງໝົດ 45 ບ່ອນ
ໃນການເລືອກຕັ້ງຄັ້ງພິເສດທົ່ວປະເທດນັ້ນ. ທ່ານນາງອອງຊານ ຊູຈີ ແລະບັນດາພັນທະ
ມິດຂອງທ່ານນາງ ຈະເຂົ້າຮັບໜ້າທີ່ຢ່າງເປັນທາງການໃນວັນທີ່ 23 ເດືອນນີ້ ຊຶ່ງຈະກາຍ
ເປັນກຸ່ມຝ່າຍຄ້ານທີ່ໃຫຍ່ທີ່ສຸດໃນສະພາແຫ່ງຊາດຊຶ່ງຄອບງຳ ໂດຍບັນດາພັກການເມືອງ
ທີ່ໜຸນຫລັງໂດຍພວກທະຫານນັ້ນ.