ລິ້ງ ສຳຫລັບເຂົ້າຫາ

ສະຫະລັດຮັບເອົາ ຄໍາເຊື້ອເຊີນ ຂອງມຽນມາ ໄປສັງເກດການ ເບິ່ງການເລືອກຕັ້ງ

  • ສິງ ບູຣົມມະວົງ

ທ່ານນາງ Victoria Nuland ໂຄສົກປະຈໍາກະຊວງການຕ່າງປະເທດ ສະຫະລັດ. ວັນທີ 22 ມີນາ 2012.

ທ່ານນາງ Victoria Nuland ໂຄສົກປະຈໍາກະຊວງການຕ່າງປະເທດ ສະຫະລັດ. ວັນທີ 22 ມີນາ 2012.



















ສະຫະລັດ​ກ່າວ​ວ່າ ຕົນ​ໄດ້​ຮັບ​ເອົາ​ຄໍາ​ເຊື້ອ​ເຊີນ​ຂອງ​ມຽມາ​ທີ່​ໃຫ້​ສົ່ງພວກ​ນັກ​ສັງ​ເກດ​ການ​ການ​ເລືອກ​ຕັ້ງ 2 ຄົນ​ ແລະ​ນັກ​ຂ່າວ​ອີກ 3 ຄົນໄປ​ສັງ​ເກດ​ການ​ແລະ​ລາຍ​ງານ​ກ່ຽວ​ກັບ​ການ​ເລືອກ​ຕັ້ງ​ພິ​ເສດ​ ທີ່​ຈະ​ມີຂຶ້ນ​ໃນ​ເດືອນໜ້ານີ້ ​ທີ່ປະ​ເທດ​ມຽນມາຊຶ່ງ​ຕັ້ງຢູ່ໃນພາກພື້ນເອ​ເຊຍ​ຕາ​ເວັນອອກສຽງ​ໃຕ້​ນັ້ນ.

ໃນ​ການ​ຖະ​ແຫຼງຂ່າວໃນ​ມື້ວັນ​ພຸດ​ວານ​ນີ້ທ່ານ​ນາງ Victoria Nuland ​ໂຄສົກ​ປະ​ຈໍາ​ກະຊວງ​ການ​ຕ່າງປະ​ເທດ​ສະຫະລັດ ​ໄດ້​ກ່າວຍ້ອງ​ຍໍການ​ເຊື້ອ​ເຊີນ​ດັ່ງກ່າວ ​ໂດຍ​ເອີ້ນ​ວ່າ ​ເປັນ​ບາດກ້າວ​ທີ່​ໜ້າ​ຍິນ​ດີ​ນໍາອັນ​ທຳ​ອິດ ​ຂອງ​ລັດຖະບານ​ໃໝ່​ມຽນມາຂະນະ​ທີ່​ປະ​ເທດ​ດັ່ງກ່າວກໍາລັງພະຍາຍາມ ​ຜູກ​ສາຍ​ພົວພັນ​ຄືນ​ໃໝ່​ກັບ​ພວກ​ປະ​ເທດ​ຝ່າຍ​ຕາ​ເວັນ​ຕົກ​ນັ້ນ.

ສາຍ​ພົວພັນ​ກັບ​ພວກ​ປະ​ເທດ​ເຫຼົ່າ​ນີ້ ​ໄດ້​ຕົກ​ຢູ່​ໃນ​ສະພາບ​ເຄັ່ງ​ຕຶງ​ ມາ​ເປັນ​ເວລາ​ຫລາຍ​ທົດ​ສະ​ວັດ​ຂອງ​ອໍານາດ​ປົກຄອງ​ທະຫານ​ມຽນມາ​. ທ່ານ​ນາງ ນູ​ແລນ ກ່າວ​ຕື່ມ​ວ່າ​ທາງ​ກຸງ​ວໍ​ຊິງ​ຕັນ​ຈະ​ປຶກສາ​ຫາລື​ກັບພວກ​ປະ​ເທດ​ອື່ນໆ​ທີ່​ຈະ​ສົ່ງ​ພວກ​ນັກ​ສັງ​ເກດ​ການ​ໄປ​ນັ້ນ ຮວມທັງ​ພວກປະ​ເທດ​ໃນ​ເຂດ​ເອ​ເຊຍ​ຕາ​ເວັນ​ອອກສຽງ​ໃຕ້​ກຸ່ມ​ນຶ່ງ ​ໄປ​ສັງ​ເກດ​ເບິ່ງການປ່ອນ​ບັດ​ເລືອກ​ຕັ້ງ​ພິ​ເສດໃນ​ວັນ​ທີ 1 ​ເມສາ​ຕໍ່ໜ້າ​ນີ້.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG