ລິ້ງ ສຳຫລັບເຂົ້າຫາ

ພວກປະທ້ວງ ມຽນມາ ບັງຄັບໃຫ້ ອົງການ NGO ຍ້າຍໜີ


ຜູ້ອົບພະຍົບຄົນນຶ່ງ ທີ່ຫລົບໜີຈາກເມືອງ Pauktaw ເມື່ອໄວໆມານີ້ ນັ່ງຢູ່ຂ້າງລູກຂອງລາວ ທີ່ກຳລັງນອນ ຢູ່ສູນອົບພະຍົບ ນອກເມືອງ Sittwe ໃນລັດ Rakhaine (1 ພະຈິກ 2012)

ພວກປະທ້ວງຢູ່ໃນພາກຕາເວັນຕົກຂອງມຽນມາ ບັງຄັບໃຫ້ 2 ອົງ
ການຈັດຕັ້ງບໍ່ຂຶ້ນກັບລັດຖະບານຫຼື NGO ຕ້ອງໄດ້ຍົກຍ້າຍອອກ
ຈາກເມືອງແຫ່ງນຶ່ງ ຫຼັງຈາກມີການກ່າວຫາວ່າ ອົງການໃຫ້ຄວາມ
ຊ່ອຍເຫລືອເຫຼົ່ານີ້ ເຂົ້າຂ້າງພວກມຸສລິມໂຣຮິງຢາ ໃນການປະທະ
ກັນເມື່ອໄວໆມານີ້ ກັບພວກຊາວພຸດ ໃນເຂດທ້ອງຖິ່ນ.

ການປະທ້ວງເລີ້ມຂຶ້ນໃນຕົ້ນອາທິດນີ້ ຫລັງຈາກໄດ້ເກີດການປະ
ທະກັນ ໃກ້ໆກັບເມືອງ Pauktaw.

ຊາວພຸດໃນເຂດທ້ອງຖິ່ນຈົ່ມວ່າ ກຸ່ມນາຍແພດບໍ່ມີພົມແດນ ທີ່ຮູ້
ກັນໃນຊື່ຫຍໍ້ເປັນພາສາຝຣັ່ງວ່າ MSF ນັ້ນມີແຕ່ໃຫ້ການປິ່ນປົວ
ພວກມຸສລິມທີ່ໄດ້ຮັບບາດເຈັບ 3 ຄົນ ແຕ່ບໍ່ໄດ້ປົວແມ່ຍິງຊາວ Rakhine ທີ່ນັບຖືສາສະໜາ
ພຸດ 2 ຄົນ ຊຶ່ງຜູ້ນຶ່ງໃນຈຳນວນນີ້ ໄດ້ເສຍຊີວິດໃນເວລາຕໍ່ມາ ຍ້ອນທົນຕໍ່ພິດບາດແຜບໍ່ໄດ້.

ແຕ່ທ່ານ Michele Trinite ເຈົ້າໜ້າທີ່ຂອງອົງການ MSF ທີ່ລັດ Rakhine ເວົ້າວ່າ ກຸ່ມຂອງ ທ່ານມີແຕ່ໃຫ້ຄຳແນະນຳທໍ່ນັ້ນວ່າ ພວກຜູ້ຊາຍຊາວມຸສລິມ ໄດ້ຮັບບາດເຈັບ.

ທ່ານເວົ້າວ່າ ພວກເຮົາບໍ່ໄດ້ຖືກແຈ້ງໃຫ້ຊາບວ່າ ມີພວກຄົນເຈັບເຫຼົ່ານີ້ຢູ່ໃນປະຊາຄົມທີ່ຕ້ອງ ການຄວາມຊ່ອຍເຫຼືອເພື່ອຮັບການປິ່ນປົວ. ບໍ່ດັ່ງນັ້ນແລ້ວ ແນ່ນອນພວກເຮົາຈະໃຫ້ການສະ ໜັບສະໜຸນພວກເຂົາເຈົ້າເພື່ອນຳສົ່ງໂຮງໝໍ ໃນຖານະທີ່ເປັນອົງການຈັດຕັ້ງດ້ານການແພດ
ພວກເຮົາບໍ່ຈຳແນກໂດຍອີງຕາມຊົນຊາດຊົນເຜົ່າຫລືສາສະໜາ. ພວກເຮົາມີແຕ່ໃຫ້ການສະ ໜັບສະໜຸນແກ່ບຸກຄົນໃດກໍຕາມ ທີ່ຕ້ອງການການປິ່ນປົວແບບສຸກເສີນ.
XS
SM
MD
LG