ລິ້ງ ສຳຫລັບເຂົ້າຫາ

ສະພາແຫ່ງຊາດມຽນມາ ຮັບຜ່ານກົດໝາຍ ລົງທຶນຈາກຕ່າງປະເທດ


ປ້າຍໂຄສະນາຂອງບໍລິສັດ Pepsi ທີ່ຕິດຕັ້ງຂຶ້ນ ຢູ່ຢູ່ນະຄອນຫລວງ Naypyitaw ໃນເດືອນສິງຫາ 2012 ທີ່ຜ່ານມານີ້
ສະພາແຫ່ງຊາດມຽນມາ ໄດ້ຮັບຜ່ານກົດໝາຍວ່າດ້ວຍການ
ລົງທຶນຂອງຕ່າງປະເທດທີ່ໄດ້ມີການລໍຖ້າມາເປັນເວລາດົນນານ
ແລ້ວນັ້ນ ທີ່ປະເທດດັ່ງກ່າວຫວັງວ່າ ຈະພາໃຫ້ມີການລັ່ງໄຫລ
ເຂົ້າໄປລົງທຶນຢູ່ໃນປະເທດ ທີ່ໄດ້ຖືກໂດດດ່ຽວມາເປັນເວລາ
ດົນນານແຫ່ງນັ້ນ ຢ່າງຖ້ວມລົ້ນ.

ກົດໝາຍໃໝ່ດັ່ງກ່າວນີ້ ແມ່ນອານຸຍາດໃຫ້ພວກນັກລົງທຶນຕ່າງ
ປະເທດ ມີສິດເປັນເຈົ້າຂອງກິດຈະການລົງທຶນຮ່ວມກັບນັກທຸ
ລະກິດມຽນມາໄດ້ເຖິງ 50%.

ພວກສະມາຊິກສະພາທັງຫລາຍ ໄດ້ຍົກເລີກແຜນການທີ່ວາງ
ໄວ້ໃນເມື່ອກ່ອນ ທີ່ຮຽກຮ້ອງໃຫ້ຕ່າງປະເທດ ມີເງິນລົງທຶນຢ່າງ
ໜ້ອຍ 5 ລ້ານໂດລາ.

ລຸນຫລັງທີ່ໄດ້ຖືກໂດດດ່ຽວມາເປັນເວລາຫລາຍທົດສະວັດ ການປ່ຽນຂອງມຽນມາຈາກ ການປົກຄອງຂອງທະຫານ ໄປສູ່ການປົກຄອງຂອງພົນລະເຮືອນ ໃນໄລຍະ 18 ເດືອນ ຜ່ານມາ ໄດ້ກະຕຸ້ນຄວາມສົນໃຈອັນແຮງກ້າໃຫ້ແກ່ພວກນັກລົງທຶນທີ່ຢາກເຂົ້າໄປລົງ ທຶນຢູ່ໃນມຽນມາ ຊຶ່ງເປັນປະເທດທີ່ອຸດົມສົມບູນໄປດ້ວຍຊັບພະຍາກອນທໍາມະຊາດ ນັ້ນ.
XS
SM
MD
LG