ລິ້ງ ສຳຫລັບເຂົ້າຫາ

ເດັກນ້ອຍ 13 ຄົນ ເສຍຊີວິດ ຍ້ອນໄຟໄໝ້ ວັດອິສລາມ ໃນກຸງຢ້າງກຸ້ງ (ວີດິໂອ 2 ເລື້ອງ)


ຜູ້ຄົນພາກັນໄປຫາມໂຮງສົບຂອງຜູ້ໄດ້ຮັບເຄາະຮ້າຍຈາກເຫດໄຟໄໝ້ ໃນພິທີສົ່ງສະການຢຸ່ທີ່ປ່າຊ່າ Yaeway ໃນນະຄອນຢ້າງກຸ້ງຂອງມຽນມາ ໃນວັນທີ 2 ເມສາ 2013.

ຕໍາຫລວດມຽນມາເວົ້າວ່າ ເດັກນ້ອຍ 13 ຄົນເສຍຊີວິດຍ້ອນໄຟ
ໄໝ້ທີ່ວັດອິສ ລາມແຫ່ງນຶ່ງໃນນະຄອນຢ້າງກຸ້ງ.

ພວກເຄາະຮ້າຍເຫຼົ່ານີ້ແມ່ນລວມຢູ່ໃນຈໍານວນ 70 ກວ່າຄົນ ທີ່
ນອນຢູ່ໃນໂຮງ ຮຽນ ໃນວັດອິສລາມດັ່ງກ່າວ. ພວກຊາວບ້ານ
ທີ່ຢູ່ໃກ້ວັດແຫ່ງນັ້ນ ເວົ້າວ່າ ພວກເດັກນ້ອຍທັງໝົດນີ້ແມ່ນເດັກ
ກໍ່າພ້າ.

ເບິ່ງວີດິໂອກ່ຽວຂ້ອງກັບເລື້ອງນີ້:


ພວກທີ່ເຫັນເຫດການຈໍານວນນຶ່ງ ລວມທັງທ້າວ Ye Naung
Thein ທີ່ຢືນເບິ່ງຢູ່ທີ່ນັ້ນເວົ້າວ່າ ເດັກນ້ອຍທີ່ເສຍຊີວິດຍ້ອນ
ໄຟໄໝ້ໃນວັນອັງ ຄານມື້ນີ້ ບໍ່ສາມາດທີ່ຈະຫລົບໜີອອກໄປໄດ້
ກໍຍ້ອນວ່າ ຕຶກທີ່ມີຄົນຢູ່ຢ່າງອັ່ງອໍນັ້ນ ຖືກໃສ່ກະແຈອັດໄວ້ດ້ວຍຄວາມເປັນຫ່ວງເລື້ອງ ຄວາມປອດໄພ.

ທ້າວ Ye Naung Thein ເວົ້າວ່າ: “ເດັກນ້ອຍພວກນີ້ມີອາຍຸລະຫວ່າງ 13 ຫາ 14 ປີ. ພວກ
ເຂົາຕາຍຍ້ອນບໍ່ສາມາດໂດດອອກຈາກ ປ່ອງຢ້ຽມທີ່ຕັນ ດ້ວຍດີ້ວເຫລັກນັ້ນໄດ້. ພວກເຈົ້າ
ໜ້າທີ່ ສະເໜີແນະໃຫ້ຮູ້ວ່າ ໄຟໄດ້ເລີ້ມ ໄໝ້ຂຶ້ນຢູ່ໃກ້ໆຂັ້ນໃດ ບ່ອນທີ່ໝໍ້ຄວບຄຸມໄຟຕິດ
ຕັ້ງຢູ່ນັ້ນ.”

ເບິ່ງວີດິໂອກ່ຽວກັບຂ່າວນີ້:



ຕໍາຫລວດເວົ້າວ່າໄຟໄໝ້ເກີດມາຈາກໄຟຟ້າລັດວົງຈອນ. ການຕໍ່ໄຟທີ່ບໍ່ຖືກ ຕ້ອງແລະ
ການໃຊ້ໄຟຫຼາຍໂພດຊຶ່ງພາໃຫ້ສາຍໄຟຮ້ອນຜິດປົກກະຕິແມ່ນສາເຫດຕົ້ນຕໍພາໃຫ້ເກີດ
ໄຟໄໝ້ຢູ່ໃນມຽນມາ ຊຶ່ງເປັນບ່ອນທີ່ມາດຕະຖານດ້ານຄວາມປອດໄພຕາມປົກກະຕິແມ່ນ
ຕໍ່າຢູ່ແລ້ວ.

ປະມວນພາບໄຟໄໝ້ໂຮງຮຽນສາສະໜາອິສລາມ:
XS
SM
MD
LG