ລິ້ງ ສຳຫລັບເຂົ້າຫາ

ຄະນະກຳມະການ ​ປະກາດ ການ​ເລືອກ​ປະທານາທິບໍດີ ຄົນໃໝ່ ຂອງ Burkina Faso


ເຈົ້າ​ໜ້າ​ທີ່ໃນ Burkina Faso ​ໄດ້​ແຕ່​ຕັ້ງ​ອະດີດ​ລັດຖະມົນຕີ​
ການ​ຕ່າງປະ​ເທດ ທ່ານ Micel Kafando ​ເປັນ​ປະທານາທິບໍດີ
​ໃນ​ໄລ​ຍະ​ຂ້າມ​ຜ່ານ ຊົ່ວຄາວ​ ຮັບ​ພາລະ​ໜ້າ​ທີ່​ ນຳພາ​ປະ​ເທດ
​ໄປ​ສູ່​ການ​ປົກຄອງ​ແບບ​ພົນລະເຮືອນ.

ຄະນະກຳມະການ​ທີ່​ປະກອບ​ດ້ວຍ​ຄະນະ​ການ​ເມືອງ ຕົວ​ແທນ
​ທາງ​ກອງທັບ ​ແລະ​ຜູ້ນຳ​ຂອງ​ສາສະໜາ ​ໄດ້​ປະກາດ​ການ​ຄັດ
​ເລືອກເອົາ​ທ່ານ Kafando ​ໃນ​ວັນ​ຈັນ​ມື້​ນີ້ ນຶ່ງມື້ ຫຼັງ​ຈາກ​ທີ່​ໄດ້​ເລີ້ມ
​ການ​ໂອ້​ລົມ​ກັນ​ເຖິງ​ການ​ບັນຈຸ​ຕຳ​ແໜ່​ງທີ່​ວ່າ​ນີ້.

ຕໍ່​ມາ ທ່ານ Kafando ຈະ​ຕ້ອງ​ເລືອກ​ເອົານາຍົກ​ລັດຖະມົນຕີ
ຊຶ່ງ​ຄາດ​ວ່າ​ຈະ​ມີ​ຂຶ້ນ​ໃນ​ທ້າຍ​ອາທິດນີ້.

ກອງ​ທະຫານ Burkina Faso ​ໄດ້​ເຂົ້າ​ຍຶດ​ຄອງ​ໃນ​ເດືອນ​ແລ້ວ​ນີ້ ຫຼັງ​ຈາກ​ທີ່​ໄດ້​ປົກຄອງ​ໂດຍ​ທ່ານ Blaise Compaore ມາ​ເປັນ​ເວລາ​ດົນ​ນານ ລົງ​ອອກ​ຈາກ​ຕຳ​ແໜ່​ງໃນທັນທີ ຫຼັງຈາກ
​ທີ່​ໄດ້​ປະ​ເຊີນ​ກັບ​ພວກ​ປະ​ທ້ວງ ຕໍ່ຕ້ານ​ຄວາມ​ພະຍາຍາມ​ຂອງ​ທ່ານ​ທີ່​ຈະ​ປ່ຽນແປງ​ລັດຖະທຳ​ມະນູນ ເພື່ອ​ອະນຸຍາດ​ໃຫ້​ທ່ານເອງ​ເລືອກ​ຕັ້ງ​ອີກ​ໃນ​ປີໜ້າ​ນັ້ນ.

ກອງທັບ​ໄດ້​ແຕ່ງ​ຕັ້ງພັນ​ໂທ ທ່າ​ນ Isaac Yacouba Zida ຜູ້ນຳຊົ່ວຄາວ. ແລະທ່ານກໍ“ ໄດ້
ໃຫ້ຄຳປະຕິຍານທີ່ຈະມອບອຳນາດໃຫ້ເຈົ້າໜ້າທີ່ຮັບປິດຊອບ ໄລຍະຂ້າມຜ່ານໄດຍໄວ.

ສະຫະພາບອາຟຣິກາໄດ້ເຕືອນໃຫ້ທະຫານ ສ້າງຕັ້ງລັດຖະບານໃນໄລຍະຂ້າມຜ່ານ ແລະ ເລືອກເອົາປະທານາທິບໍດີຊົ່ວຄາວໃຫ້ໄດ້ພາຍໃນວັນຈັນມື້ນີ້ ຫຼືບໍ່ ກໍຈະໄດ້ຮັບການລົງໂທດ.

XS
SM
MD
LG