ລິ້ງ ສຳຫລັບເຂົ້າຫາ

ອັງກິດ ເປີດສະຖານທູດ ຄືນໃໝ່ໃນ ອີຣ່ານ


ພະນັກງານສະຖານທູດ ຟັງລັດຖະມົນຕີການຕ່າງປະເທດ ອັງກິດ ທ່ານ Philip Hammond ໃນລະຫວ່າງການໃຫ້ຄຳປາໄສເປີດຄືນ ສະຖານທູດອັງກິດ ໃນນະຄອນຫຼວງ ເທເຮຣ່ານ, ອີຣ່ານ, 23 ສິງຫາ, 2015.

ພະນັກງານສະຖານທູດ ຟັງລັດຖະມົນຕີການຕ່າງປະເທດ ອັງກິດ ທ່ານ Philip Hammond ໃນລະຫວ່າງການໃຫ້ຄຳປາໄສເປີດຄືນ ສະຖານທູດອັງກິດ ໃນນະຄອນຫຼວງ ເທເຮຣ່ານ, ອີຣ່ານ, 23 ສິງຫາ, 2015.

ອັງ​ກິດ ​ໄດ້​ເປີ​ດຄືນ ​ສະຖານທູດ​ຂອງ​ຕົນ​ໃນ​ເມືອງ​ຫຼວງ​ຂອງ
ອີ​ຣ່ານ​ ​ໃນ​ວັນ​ອາທິດ​ມື້​ນີ, ​ພາຍ​ຫຼັງເວລາ​ເກື​ອບ 4 ປີ​ທີ່​ໄດ້​ຖືກ​ປິ​ດລົງ​ເຊິ່ງຕາມ​ມາ​ຈາກ​ການໂຈມ​ຕີ​ຂອງ​ພວກ​ປະ​ທ້ວງ​ທີ່​ໄດ້​ບຸກ​ເຂົ້າ​ໄປ​ໃນ​ຕຶກ​ສະຖານທູດດັ່ງ​ກ່າວ.

ລັດຖະ​ມົນຕີ​ການ​ຕ່າງ​ປະ​ເທດ ອັງກິດ ທ່ານ Philip Hammond ໄດ້​ເດີ​ນທາງ​ໄປ​ນະຄອນຫຼວງ ​ເທ​ເຮຣ່ານ ​ເພື່ອ​ເຂົ້າ​ຮ່ວມ​ພິທີ ​ເຊິ່ງ​ເປັນ​ບ່ອນ​ທີ່​ທ່ານ​ໄດ້​ປະກາດ​ການ​ເປີດ​ສະຖານທູດຂຶ້ນ.

ທ່ານ​ໄດ້​ເອີ້ນ​ການ​ຢ້ຽມ​ຢາມໃນ​ວັນ​ອາທິດ​ມື້​ນີ້​ວ່າ​ເປັນ “​ເວລາ​ແຫ່ງ​ປະຫວັດສາດ” ​ໃນ​ສາຍ​ພົວພັນ​ລະຫວ່າງ​ທັງ​ສອງ​ປະ​ເທດ, ແລະ ກ່າວ​ເຖິງຄວາມ​ສຳຄັນ​ວ່າ​ມັນເປັນ​ການ​ຢ້ຽມຢາມຄັ້ງ​ທຳ​ອິດ​ ໂດຍ​ບາງ​ຄົນ​ທີ່​ມີ​ຕຳ​ແໜ່​ງ​ສູງ​ລະ​ດັບທ່ານຕັ້ງ​ແຕ່​ປີ 2003 ​ເປັນຕົ້ນ​ມາ.

ກ່ອນ​ໜ້າ​ຂອງ​ພິທີ​ດັ່ງກ່າວ, ກະຊວງ​ການ​ຕ່າງປະ​ເທດ​ຂອງ ອັງ​ກິດ ​ໄດ້​ກ່າວ​ວ່າ ສະຖານທູດ​ຂອງ ອີ​ຣ່ານ ທີ່​ນະຄອນຫຼວງ ລອນ​ດອນ ກໍ​ຈະ​ໄດ້ໄຂຂຶ້ນ​ໃນ​ເວລາ​ດຽວ​ກັນ​ນີ້ເຊັ່ນ​ກັນ, ​ໃນ​ເບື້ອງ​ຕົ້ນ​ທີ່​ລະດັບ​ອຸປະ​ທູດ, ດ້ວຍ​ການ​ແນ​ໃສ່ການ​ຕັ້ງ​ບັນດາ​ເອກ​ອັກຄະ​ລັດຖະທູດ ຢູ່​ທັງ​ສອງແຫ່ງ​ໃນເດືອນ​ທີ່​ໃກ້​ຈະ​ມາ​ເຖິງ​ນີ້.

XS
SM
MD
LG