ລິ້ງ ສຳຫລັບເຂົ້າຫາ

ສະມາຊິກສະພາສູງ ບຣາຊິລ ລົງຄະແນນສຽງ ຟ້ອງປະທານາທິບໍດີ ທ່ານນາງ Rousseff


ປະທານສານສູງສຸດຂອງ ບຣາຊິລ ທ່ານ Ricardo Lewandowski (ນັ່ງຢູ່) ໂອ້ລົມກັບບັນດາສະມາຊິກສະພາສູງ ໃນລະຫວ່າງ ການປຶກສາຫາລື ກ່ອນການ ລົງຄະແນນສຽງວ່າ ປະທານາທາິບໍດີ ທີ່ຖືກສັ່ງພັກວຽກຊົ່ວຄາວ ທ່ານນາງ Dilma Rousseff ຄວນຖືກນຳຕົວຂຶ້ນສານ ສຳລັບການກ່າວໂທດ, ນະຄອນຫຼວງ Brasilia, ບຣາຊິລ, 9 ສິງຫາ, 2016.

ປະທານສານສູງສຸດຂອງ ບຣາຊິລ ທ່ານ Ricardo Lewandowski (ນັ່ງຢູ່) ໂອ້ລົມກັບບັນດາສະມາຊິກສະພາສູງ ໃນລະຫວ່າງ ການປຶກສາຫາລື ກ່ອນການ ລົງຄະແນນສຽງວ່າ ປະທານາທາິບໍດີ ທີ່ຖືກສັ່ງພັກວຽກຊົ່ວຄາວ ທ່ານນາງ Dilma Rousseff ຄວນຖືກນຳຕົວຂຶ້ນສານ ສຳລັບການກ່າວໂທດ, ນະຄອນຫຼວງ Brasilia, ບຣາຊິລ, 9 ສິງຫາ, 2016.

ສະພາ​ສູງ​ບຣາຊີ​ລ ​ໄດ້​ລົງ​ຄະ​ແນນ​ສຽງ​ເລີ້ມການ​ຟ້ອງ​ຮ້ອງ​ປະທານາທິບໍດີ Dil-ma Rousseff ​ອັນ​ເປັນ​ການ​ເຄື່ອນ​ໄຫວ​ທີ່​ອາດ​ພາ​ໃຫ້​ມີການ​ໂອນ​ອຳນາດ​ຢ່າງ ​ເປັນ​ທາງ​ການ​ໃຫ້​ແກ່​ອະດີດ​ຮອງ​ປະທານາທິບໍດີ​ຂອງ​ທ່ານ​ນາງ ທ່ານ Michel Temer ​ເຊິ່ງກຳ​ຕຳ​ແໜ່​ງປະທານາທິບໍດີ​ຊົ່ວຄາວ​ຂອງ​ປະ​ເທດ​ໃນ​ເວລາ​ນີ້.

ສະພາ​ສູງ​ໄດ້​ອະພິປາຍ​ກັນ​ມາ​ຈົນ​ຮອດ​ເຊົ້າມືດວັນ​ພຸດ​ມື້ນີ້ ​ແຕ່​ຜົນ​ການ​ລົງ​ຄະ​ແນນ​ສຽງ​ແມ່ນ​ຈະ​ແຈ້ງ ຄື 59​ ຕໍ່ 21 ​ເຫັນ​ພ້ອມ​ໃຫ້​ດຳ​ເນີນ​ການ​ຕໍ່​ໄປ​ໃນ​ການ ຟ້ອງຮ້ອງ​ທ່ານ​ນາງ. ສະພາ​ສູງ​ພຽງ​ແຕ່​ຕ້ອງການ​ຄະ​ແນນ​ສຽງ​ສ່ວນ​ຫຼາຍ​ແບບ ທຳ​ມະ​ດາ​ເທົ່າ​ນັ້ນ ທີ່​ຈະ​ຕັດສິນ​ໃຈ​ກ່ຽວ​ກັບ​ການ​ດຳ​ເນີນ​ຄະດີ​ຕໍ່​ທ່ານ​ນາງ ​ແຕ່​ຈຳ ​ເປັນ​ຕ້ອງ​ໄດ້​ຮັບ​ຄະ​ແນນສຽງ​ສອງ​ສ່ວນ​ສາມ ​ໃນ​ການ​ລົງ​ມະຕິ​ຂັ້ນສຸດ​ທ້າຍ ຊຶ່ງຈະ​ມີ​ຂຶ້ນຫຼັງຈາກ​ການ​ດຳ​ເນີນ​ຄະດີ​ແລ້ວ​ໃນ​ເດືອ​ນ ສິງຫາ.

ສະພາໄດ້​ປົດ​ທ່ານ​ນາງ Rousseff ​ໃນ​ເດືອນ​ພຶດສະພາ​ຜ່ານ​ມາ ຫລັງ​ຈາກ​ມີ​ການກ່າວ​ຫາ​ວ່າ ທ່ານ​ນາງ​ໄດ້​ນຳ​ເອົ​າ​ເງິນ​ທີ່​ຜິດ​ກົດໝາຍ​ຈຳນວນ​ນຶ່ງ​ມາສະ​ໜັບ ສະ​ໜຸນ​ຕໍ່​ງົບປະມານ​ຂອງ​ຊາດ ​ເພື່ອ​ໃຫ້​ເບິ່ງ​ຄ້າຍ​ກັບ​ວ່າ ການ​ຫລຸດ​ຖອຍ​ຂອງ ​ເສດຖະກິດ​ແມ່ນ​ບໍ່​ຮ້າຍ​ແຮງດັ່ງ​ກັບ​ທີ່​ເກີດ​ຂຶ້ນ​ໂຕ​ຈິງ ​ໃນ​ລະຫວ່າງ​ການ​ໂຄສະ ນາ​ຫາ​ສຽງ​ເລືອກ​ຕັ້ງ​ເຂົ້າຮັບ​ຕຳ​ແໜ່​ງຕື່ມ​ອີກ​ຂອງ​ທ່ານ​ນາງ​ເມື່ອ​ປີ 2014. ​ໃນ ຕະຫລອດ​ຂັ້ນຕອນ​ການ​ຟ້ອງ​ຮ້ອງ​ດຳ​ເນີນ​ຄະດີ​ນັ້ນ ທ່ານ​ນາງ Rousseff ຍັງ ຢືນ​ຢັດ​ວ່າ ທ່ານ​ນາງ​ບໍ່​ໄດ້​ເຮັດ​ຫຍັງ​ຜິດ ​ແລະ​ເອີ້ນການ​ເຄື່ອນ​ໄຫວ​ນີ້ວ່າ ​ເປັນ ການ​ເຮັດ​ລັດຖະປະຫານ.

ທ່ານ​ນາງ Rousseff ​ໄດ້​ປະຕິ​ເສດ​ວ່າ ທ່ານ​ນາງ​ບໍ່​ໄດ້​ລະ​ເມີດ​ກົດໝາຍ​ງົບ ປະມານ​ແລະ​ຢືນຢັນ​ວ່າ ທ່ານ​ນາງ​ແມ່ນ​ຜູ້​ເຄາະ​ຮ້າຍ​ຈາກ​ການ​ສົມຮູ້​ຮ່ວມຄິດ ຂອງ​ພວກ​ຝ່າຍ​ຂວາ ​ເພື່ອໂຄ່ນ​ລົ້ມ​ລັດຖະບານ​ຂອງ​ທ່ານ​ນາງ​ທີ່​ໄດ້​ສ້າງ​ຄວາມ ກ້າວໜ້າ​ໃຫ້​ແກ່​ຜົນ​ປະ​ໂຫຍ​ດຂອງ​ພວກ​ຄົນ​ທຸກຊາວບຣາຊີ​ລ.

​ໃນ​ບົດ​ຂຽນ​ຕໍ່ສູ້​ຄະດີ​ເມື່ອ​ເດືອນ​ແລ້ວນີ້ ທ່ານ​ນາງ Rousseff ກ່າວ​ວ່າ ຊາວ ບຣາຊີ​ລຮູ້​ດີ​ວ່າ ​ແມ່ຍິງ​ທີ່​ສັດ​ຊື່ຄົນ​ນຶ່ງ​ກຳລັງ​ຖືກ​ດຳເນີນ​ຄະດີ​ແລະ​ທ່ານ​ນາງ​ເອີ້ນການ​ຟ້ອງ​ຮ້ອງ​ດຳ​ເນີນ​ຄະດີ​ນີ້ວ່າ ​ເປັນ​ເລື້ອງຕະຫລົກ ​ແລະ ​ການ​ກ່າວ​ຫາ​ ກ່ຽ​ວກັບ ​ຄວາມ​ຜິດ​ເຫລົ່ານີ້ວ່າ ບໍ່​ມີ​ຫຍັງ​ນອກ​ເໜືອ​ໄປ​ຈາກ​ການ​ເຄື່ອນ​ໄຫວ​ໃນ​ການ ຄຸ້ມ​ຄອງ​ງົບປະມານ​ຕາມ​ທຳ​ມະ​ດາ​ເທົ່າ​ນັ້ນ.

ການ​ຕັດສິນ​ລົງ​ໂທດ​ຈະ​ເຮັດ​ໃຫ້ການ​ປົກຄອງ​ເປັນ​ເວລາ 13 ປີ​ຂອງ​ທ່ານ​ນາງສິ້ນສຸດ​ລົງ ​ແລະ​ປະປ່ອຍ​ໃຫ້​ເສດຖະກິດ​ທີ່​ໃຫຍ່​ສຸດ​ໃນ​ອາ​ເມຣິກາ​ລາ​ຕິນຕົກ​ໄປ ຢູ່​ໃນ​ກຳມື​ຂອງ​ອະ ດີດ​ຮອງ​ປະທານາທິບໍດີ​ຂອງ​ທ່ານ​ນາງ ທີ່​ນິຍົມ​ແນວທາງ​ເດີມນັ້ນ.


ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG