ລິ້ງ ສຳຫລັບເຂົ້າຫາ

ລະເບີດ ສັງຫານ ຕຳຫຼວດ ຍາມພວກພະນັກງານ ສັກຢາປ້ອງກັນ ພະຍາດເປ້ຍລ່ອຍ ທີ່ປາກິສຖານ (ວີດີໂອ)


ຕຳຫຼວດ​ໃນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ປາ​ກິ​ສຖານ ກ່າວ​
ວ່າ ລະ​ເບີດ​ທີ່​ແຕກ​ຂຶ້ນ​ລູກ​ນຶ່ງ ​ໄດ້​ສັງຫານ​ຕຳຫຼວດ​ຄົນ​ນຶ່ງ ​
ແລະເຮັດ​ໃຫ້​ບາດ​ເຈັບອີກ​ນຶ່ງ​ຄົນ ທີ່​ກຳລັງ​ຍາມ​ຮັກສາ​ພວກ
​ພະນັກງານ​ສັກ​ຢາ​ປ້ອງ​ກັນ​ພະຍາດ​ເປ້ຍ​ລ່ອຍ ​ຈຳນວນ​ນຶ່ງ​ຢູ່.

​ເຫດລະ​ເບີດ​ໄດ້ເກີດ​ຂຶ້ນ​ໃນ​ວັນ​ອາທິດ​ມື້​ນີ້ ​ໃນ​ເຂດ Budhni
​ຊານ​ເມືອງ Peshawar ຊຶ່ງ​ເປັນ​ທາງເຂົ້າ​ສູ່​ເຂດ​ຂອງ​ຊົນ​ເຜົ່າ
​ທີ່ປະສົບ​ກັບ​ຄວາມ​ວຸ້ນວາຍ​ຂອງ​ປະ​ເທດ ບ່ອນ​ທີ່​ທະຫານ​ໄດ້​
ທຳ​ການ​ຕໍ່ສູ້ມາ​ເປັນ​ເວລາ​ນານ​ ​ກັບ​ກຸ່ມ​ຕາ​ລີ​ບັນ ​ແລະ​ພວກນັກ
​ຕໍ່ສູ້​ຫົວ​ຮຸນ​ແຮງ​ທີ່​ມີ​ສ່ວນ​ພົວພັນ​ ກັບເຄືອ​ຂ່າຍ al-Qaida ນັ້ນ.

ພວກ​ນັກ​ຕໍ່ສູ້​ຫົວ​ຮຸນ​ແຮງ​ດັ່ງກ່າວ​ມັກ​ທຳ​ການ​ໂຈມ​ຕີ ​ພວກ​ພະນັກງານ​ສັກສາ​ປ້ອງ​ກັນ​ພະຍາດ​ເປ້ຍ​ລ່ອຍ ​ຫຼື polio ​ໃນ​ເຂດPeshawar ​ແລະບັນດາ​ເຂດ​ຊົນ​ເຜົ່າທີ່ຢູ່​ຕິດ​ກັນ ​
ໂດຍ​ກ່າວ​ຫາ​ພວກ​ພະນັກງານ​ເຫຼົ່າ​ນີ້​ວ່າ ​ເປັນ​ນັກ​ສືບ​ຂອງ​ຝ່າຍ​ປະ​ເທດຕາ​ເວັນ​ຕົກ ຫຼື
​ເປັນ​ພາກສ່ວນນຶ່ງ​ຂອງແຜນ​ການ​ເຮັດ​ໃຫ້​ພວກມຸສລິ​ມ​ເປັນ​ໝັນ​.

ອົງການ​ອະນາ​ໄມ​ໂລກ ​ໄດ້​ປະກາດ​ໃຫ້​ເຂດ Peshawar ​ເປັນ “ອ່າງ​ຂອງ​ພະຍາດ​ເປ້ຍລ່ອຍ ແຫ່ງ​ໃຫຍ່​ທີ່​ສຸດ” ຂອງ​ໂລກ.



XS
SM
MD
LG