ລິ້ງ ສຳຫລັບເຂົ້າຫາ

ຫຼາຍສິບຄົນ ເສຍຊີວິດ ໃນເຫດລະເບີດ ທີ່ວັດໃຫຍ່ ເມືອງ Kano ປະເທດ ໄນຈີເຣຍ


ປະທານາທິບໍດີໄນຈີເຣຍ ທ່ານ Goodluck Jonathan ປະ
ກາດວ່າ ຈະດຳເນີນຄວາມພະຍາຍາມທຸກໆຢ່າງທີ່ເປັນໄປ
ໄດ້ເພື່ອຕາມລ່າຫາໂຕພວກກໍ່ການຮ້າຍ ທີ່ໂຈມຕີວັດສາສະ
ໜາອິສລາມແຫ່ງນຶ່ງ ຊຶ່ງໄດ້ສັງຫານພວກໄປສູດມົນພາວະ
ນາຫຼາຍກວ່າ 80 ຄົນ ແລະບາດເຈັບອີກຢ່າງໜ້ອຍ 100 ຄົນ.

ທ່ານ Jonathan ໄດ້ອອກຖະແຫລງການສະບັບນຶ່ງ ໃນວັນ
ເສົາມື້ນີ້ ຮຽກຮ້ອງ ໃຫ້ຊາວໄນຈີເຣຍ ບໍ່ໃຫ້ໝົດຫວັງເທື່ອໃນ
ເວລານີ້ ຕໍ່ການພະຍາຍາມອັນຍິ່ງໃຫຍ່ ໃນປະຫວັດສາດ
ຂອງປະເທດ ແລະສືບຕໍ່ມີຄວາມປຸ້ມລຸມສາມັກຄີ ເພື່ອປະ
ເຊີນ ໜ້າກັບສັດຕູຮ່ວມອັນດຽວກັນ.

ລະ​ເບີດຫລາຍໆລູກ​ໄດ້​ແຕກ​ຂື້ນ ຕິດຕາມມາດ້ວຍສຽງປືນ ຢູ່່​ຂ້າງນອກ​ວັດໃຫຍ່ ຂອງ
ອິສລາມ​ ທີ່ແໜ້ນໄປດ້ວຍຜູ້ຄົນ ໃນເມືອງ Kano ບໍ່ດົນຫລັງຈາກພິທີສູດ ມົນພາວະນາ
ເລີ້ມຂຶ້ນ.

ພວກທີ່ເຫັນເຫດການກ່າວວ່າ ເຂົາເຈົ້າໄດ້ເຫັນມີຫລາຍໆຄົນບາດເຈັບແລະຢ້ານ ວ່າເສຍ
ຊີວິດແລ້ວ ຫຼັງຈາກລະເບີດສອງລູກໄດ້ແຕກຂຶ້ນໃນບໍລິເວນເດີ່ນຂອງວັດ ໃຫຍ່ຂອງອິສ
ລາມ​ ໃນເມືອງ Kano ແລະລູກທີ 3 ໄດ້ແຕກຂຶ້ນໃນບໍລິເວນໃກ້ຄຽງ.

ຕຳຫລວດ​ໄດ້​ໄປ​ເຖິງ​ບ່ອນ​ເກີດ​ເຫດ ​ເພື່ອ​ປະ​ເຊີນ​ໜ້າ​ກັບພວກ​ຊາວໜຸ່ມທີ່​ໂກດ​ແຄ້ນ ທີ່ພາ
ກັນ​ຮ້ອງ​ໂຮ ​ພ້ອມທັງ​ແກ່ວງ​ໄມ້ ​ແລະ​ກ້ອນ​ຫີນເຂົ້າໃສ່. ອົງການ​ຂ່າວຣອຍ​ເຕີ ລາຍງານ​ວ່າ
ຕຳຫລວດ​ຈຳ​ເປັນ​ຕ້ອງ​ໄດ້​ຍິງ​ລະ​ເບີດ​ນໍ້າຕາ​ໃສ່​ພວກ​ກໍ່​ຄວາມ​ວຸ້ນວາຍ ​ເພື່ອ​ຫາ​ທາງ​ເຂົ້າ​ໄປ​
ໃນ​ວັດດັ່ງກ່າວ.

ນັກ​ຂ່່າວວີ​ໂອ​ເອ ຄົນ​ນຶ່ງ​ລາຍງານວ່າ ບັນຍາກ​າດ​ໄດ້​ບັນເທົາລົງ​ຫລັງ​ຈາກ​ນັ້ນ ​ໃນ​ຂະນະ​ທີ່​
ບັນດາ​ເຈົ້າ​ໜ້າ​ທີ່​ການ​ແພດໃຫ້ການຮັກສາປິ່ນປົວ​ແກ່​ຄົນ​ເຈັບ.

ກະຊວງ​ຕ່າງປະ​ເທດສະຫະລັດ ຮ້ອງ​ການ​ໂຈມ​ຕີ​ນີ້​ວ່າ “ໜ້າ​ຢ້ານ​ກົວ” ​ແລະ​ໄດ້ ປະນາມ​
ຢ່າງ​ແຮງ. ກະຊວງຕ່າງປະເທດ​ກ່າວ​ວ່າ ສະຫະລັດຢືນ​ຢູ່​ກັບປະຊາຊົນ ​ໄນ​ຈີ​ເຣຍ ​ໃນ​ການ
ຕໍ່ສູ້ກັບພວກຫົວຮຸນ​ແຮງ​ຈັດ ​ແລະ​ການ​ຂົ່ມຂູ່​ຂອງ​ການ​ກໍ່​ການ​ຮ້າຍ ​ແລະ​ໃຫ້ການຢືນຢັນ
ຕໍ່ຄວາ​ມໝາຍ​ໝັ້ນໃນການ​ປະຕິບັດ​ງານຮ່ວມ​ກັບຊາວ​ໄນ​ຈີ​ເຣຍ​ເພື່ອ​ຕໍ່​ສູ້ກັບ​ການກໍ່ຄວາມ
​ໂຫດຮ້າຍ​ເຫລົ່າ​ນີ້.

ໂຄສົກຂອງເລຂາທິການໃຫຍ່ສະຫະປະຊາຊາດ ທ່ານ Ban Ki-moon ກ່າວ ວ່າຫົວໜ້າ
ອົງການສະຫະປະຊາຊາດຮຽກຮ້ອງໃຫ້ເຈົ້າໜ້າທີ່ດຳເນີນການຢ່າງວ່ອງໄວເພື່ອນຳເອົາໂຕ
ພວກກໍ່ການມາລົງໂທດ.

ວັດ​ອິສລາມ​ດັ່ງກ່າວ ແມ່ນພົວພັນ​ກັບບັນດາ​ເຈົ້າ​ໜ້າ​ທີ່​ອິສລາມທີ່ມີອິດທິພົນສູງ ສຸດຂອງ​
ປະ​ເທດ ນັ້ນກໍຄືພະ​ອາຈານຫຼື Emir ​ແຫ່ງ​ເມືອງ Kano ຜູ້​ທີ່​ໄດ້​ຮ້ອງ​ຂໍ​ຫວ່າງ​ມໍ່ໆມາ​ນີ້​ໃຫ້
ຊາວໄນຈີເຣຍ ພາກັນ​ຈັບອາ​ວຸດ​ລຸກຕໍ່​ຕ້ານ ກຸ່ມ​ຫົວຮຸນ​ແຮງ Boko Haram. ເວລານີ້
ພະອາຈານອົງນີ້ ແມ່ນພວມຢ້ຽມຢາມຕ່າງປະເທດ.

ຍັງ​ບໍ່​ມີ​ກຸ່ມໃດ​ອ້າງ​ເອົາ​ຄວາ​ມຮັບ​ຜິດຊອບຈາກ​ການວາງ​ລ​ະ​ເບີດ ​ຢູ່ໃນຫົວ​ເມືອງ​ໃຫຍ່​ສຸດ
ອັນດັບ​ສອງຂອງໄນຈີເຣຍດັ່ງກ່າວນີ້ເມື່ອ​ ​ແຕ່​ກໍມີການ​ສົງ​ໄສວ່າ ເປັນ ນ້ຳມືຂອງ​ກຸ່ມ Boko
Haram ທີ່​ໄດ້ທຳການ​ໂຈມ​ຕີຄ້າຍ​ຄືກັນນີ້ມາແລ້ວຫຼາຍໆ ເທື່ອ.

XS
SM
MD
LG