ລິ້ງ ສຳຫລັບເຂົ້າຫາ

38 ຄົນ ເສຍຊີວິດ ໃນເຫດລະເບີດ ທີ່ອີຣັກ (ເບິ່ງວີດີໂອກັບສະໄລດ໌)


ນຶ່ງໃນຈໍານວນຮູບພາບການວາງລະເບີດ ທີແຕກຕິດຕໍ່ກັນໃນກູງ Bagdad Kirkuk ແລະ ເມືອງ Karbala ວັນອັງຄານ ທີ່ 20 ມິນາ 2012.

ນຶ່ງໃນຈໍານວນຮູບພາບການວາງລະເບີດ ທີແຕກຕິດຕໍ່ກັນໃນກູງ Bagdad Kirkuk ແລະ ເມືອງ Karbala ວັນອັງຄານ ທີ່ 20 ມິນາ 2012.

ເກີດ​ເຫດລ​ະ​ເບີດ​ແຕກ​ຕິດ​ຕໍ່​ກັນ ຢູ່ໃນ​ສິບ​ກວ່າເມືອງ​ຂອງອີຣັກ ເຮັດ​ໃຫ້​ມີ​ຜູ້​ເສຍ​ຊີວິດ​
ຢ່າງ​ນ້ອຍ 38 ຄົນ ​ແລ​ະ​ໄດ້​ຮັບບາດ​ເຈັ​ບອີກ 160 ຄົນ.

ຕໍາຫລວດ​ອີຣັກກ່າວ​ວ່າ ລະ​ເບີດ​ລົດແລະ​ລະ​ເບີດແຄມ​ທາງໄດ້​ແຕກ​ຂຶ້ນ​ຢູ່​ໃນ​ຫຼາຍໆ​ບ່ອນ​
ໃນຕອນ​ເຊົ້າຂອງ​ວັນ​ອັງ​ຄານ​ມື້​ນີ້ ຮວມທັງກຸ​ງ ​Bagdad ​ເມືອງ ​Kirkuk ​ແລະ​ເມືອງ​
Karbala ຊຶ່ງ​ເປັນ​ຫົວ​ເມືງ​ສັກສິດ ຂອງສາສະໜາ​ອິສລາມນິກາຍຊິ​ໄອທ໌.

ຍັງ​ບໍ່​ທັນ​ເປັນ​ທີ່​ຈະ​ແຈ້ງ​ເທື່ອ​ວ່າ ​ການວາງ​ລະ​ເບີດເຫຼົ່ານີ້​ແມ່ນ​ແນ່​ໃສ່ໃຜ ​ແລະ​ກໍຍັງ​ບໍ່​ທັນ
ມີ​ກຸ່ມ​ໃດ​ອ້​າງເອົາຄວາມ​ຮັບຜິດຊອບ​ດັ່ງກ່າວ.

ການ​ໂຈມຕີທີ່​ວ່າ​ນີ້​ເກີດ​ຂຶ້ນລຸນ​ຫຼັງ​ວັນຄົບຮອບ​ເກົ້າ​ປີ​ ຂອງ​ການບຸກ​ໂຈມ ຕີ​ພາຍ​ໃຕ້​ການ
ນໍາພາ​ຂອງ​ສະຫະລັດ​ເຂົ້າ​ໄປ​ໃນ​ອີຣັກຄື​ວັນ​ທີ 19 ມີນາ ​ເພື່ອ​ໂຄ່ນ​ລົ້ມມື້ລາງ​ຈອມຜະ​ເດັດ​
ການ Saddam Hussein ​ແລະບໍ່​ດົນ​ກ່ອນ​ໜ້າການ​ປະ​ຊຸມສຸດ​ຍອດຂອງສັນ​ນີບາດອາຣັບ ​
ໃນອາທິດ​ໜ້າ​ທີ່​ນະຄອນຫຼວງ Bagdad.

XS
SM
MD
LG