ລິ້ງ ສຳຫລັບເຂົ້າຫາ

ການ​ດໍາ​ເນີນ​ຄະດີ ທ່ານ Bo Xilai ​​ເສັດ​ສິ້ນ​ລົງ​ແລ້ວ (ວີດິໂອ)


ການ​ດໍາ​ເນີນ​ຄະດີ​ສໍ້​ລາດ​ບັງຫຼວງຂອງ​ອະດີດສະມາຊິກ
ກົມ​ການ​ເມືອງ​ສູນ​ກາງ​ພັກຄອມມິວນິສຈີນ ທ່ານ Bo Xilai
ໄດ້ເສັດ​ສິ້ນ​ລົງ​ແລ້ວ ຫລັງຈາກທີ່ໄດ້ຮັບຟັງຄໍາໃຫ້ການ
ເປັນ​ເວລາ 5 ມື້.

ສານ​ປະຊາຊົນຊັ້ນກາງ ​ໃນ​ເມືອງ Jinan ທາງ​ພາກ​
ຕາ​ເວັນ​ອອກສຽງ​ເໜືອ ​ໄດ້​ປະກາດ​ໃນເວລາຫລັງທ່ຽງ
​ວັນເລັກນ້ອຍໃນວັນຈັນ​ມື້ນີ້ ວ່າການຕັດສິນຄະດີ ​ຈະມີ
ການປະກາດໃຫ້ຊາບ ​ໃນ​ວັນ​ເວລາ​ທີ່​ຈະ​ມີການກໍານົດ
​ນໍາພາຍ​ຫຼັງ.

ທ່ານ Bo ຖືກ​ກ່າວ​ຫາ​ວ່າ ຮັບ​ສິນ​ບົນ​ຈາກນັກທຸລະກິດ​ຊາວອັງກິດທີ່ລໍ້າ​ລວຍຄົນ​ນຶ່ງ
ພ້ອມກັບຍັກຍອກເງິນຂອງຫລວງ ​ແລະ​ໃຊ້​ອໍານາດ​ໃນ​ທາງ​ທີ່​ຜິດ.

​ໃນຄໍາ​ການຕໍ່ສານ​ນັ້ນ ທ່ານ Bo ​ໄດ້​ເອີ້ນ​ອະດີດ​ຜູ້​ຊ່ອຍ​ສູງ​ສຸດຂອງທ່ານ ຄືອະດີດຫົວໜ້າ​
ຕໍາຫຼວດ​ຂອງ​ແຂວງ Chongqing ທ່ານ Wang Lijun ວ່າ​ເປັນ​ຄົນ​ຂີ້ຕ໊ວະ. ທ່ານ Wang
​ໄດ້​ກ່າວ​ຕໍ່​ສານ​ວ່າ ທ່ານ Bo ​ໄດ້​ພະຍາຍາມ​ປິດ​ບັງການພົວພັນ​ຂອງ​ພັນ​ລະ​ຍາ​ທ່ານ​ໃນ​ການ​ພົວພັນກັບ​ການ​ຄາດ​ຕະກໍານັກທຸລະກິດ​ອັງກິດ ໃນ​ປີ 2011 ນັ້ນ.

ທ່ານ Bo ກ່າວ​ວ່າ ພັນ​ລະ​ຍາ​ຂອງທ່ານເປັນບ້າ ແລະຄໍາ​ໃຫ້ການ​ຕໍ່ສານຂອງນາງນັ້ນ​ເປັນ​ເລື່ອງທີ່ໜ້າ​ຫົວ.

ທ່ານ Bo ​ໄດ້​ຍອມຮັບ​ວ່າ ທ່ານ​ໄດ້​ກະທໍາ​ຄວາມ​ຜິດ​ພາດ ​ແຕ່ບໍ່​ໄດ້ພົວພັນກໍາກິດຈະກໍາ ທາງອາຍາໃດໆ.


ບັນດາຜູ້​ນໍາ​ພັກ​ຄອມ​ມິວນີສ ​ໄດ້​ປົດ​ທ່ານ Bo ອອກ​ຈາກ​ການ​ເປັນ​ເລຂາ​ທິການ​ພັກເມືອງ
Chongqing ​ໃນ​ປີ​ກາຍນີ້ ​ແລະ​ປົດ​ທ່ານ​ອອກ​ຈາກກົມ​ການ​ເມືອງສູນກາງພັກ ຕອນ​ທີ່​ທ່ານ Wang ກ່າວ​ຫາ​ທ່ານ Bo ວ່າ ມີສ່ວນພົວພັນກັບຄະດິສັງຫານນັກທຸລະກິດ. ທ່ານ Bo ຍັງຖືກຟ້ອງຮ້ອງອີກວ່າ ໄດ້ລັກຂະໂມຍເງິນຂອງລັດຖະບານໄປ ຈໍານວນ 800 ພັນ
ໂດລ່າ ທີ່ອະນຸມັດໃຫ້ໂຄງການກໍ່ສ້າງ ໂຄງການນຶ່ງນັ້ນນໍາ.
XS
SM
MD
LG