ລິ້ງ ສຳຫລັບເຂົ້າຫາ

25 ຄົນ ເສຍຊີວິດ ໃນເຫດລະເບີດ ຢູ່ປາກິສຖານ


ເກີດເຫດລະເບີດແຕກຂື້ນທີ່ໃນວັນເສົາມື້ນີ້ ໃກ້ກັບບ່ອນຖ້າລົດເມ ທີ່ແອອັດ້ວຍຜູ້ຄົນ
ໃນເຂດ Landi Kotal ຂອງເມືອງ Khyber ຕັ້ງຢູ່ໃນເຂດຊົນເຜົ່າຂອງປາກິສຖານ.

ເກີດເຫດລະເບີດແຕກຂື້ນທີ່ໃນວັນເສົາມື້ນີ້ ໃກ້ກັບບ່ອນຖ້າລົດເມ ທີ່ແອອັດ້ວຍຜູ້ຄົນ ໃນເຂດ Landi Kotal ຂອງເມືອງ Khyber ຕັ້ງຢູ່ໃນເຂດຊົນເຜົ່າຂອງປາກິສຖານ.

ເຈົ້າ​ໜ້າ​ທີ່​ໃນ​ພາກ​ຕາ​ເວັນ​ຕົກ​ສຽງ​ເໜື​ອຂອງປາ​ກິ​ສຖານ​ກ່າວ​ວ່າ ລະ​ເບີດທີ່ຫ້າງ
​ໄວ້ໃນ​ລົດ​ກະບະຄັນ​ນຶ່ງ ​ໄດ້​ແຕກ​ຂຶ້ນ ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 25 ຄົນ ​ແລະ​
ໄດ້​ຮັບ​ບາດເຈັບອີກຫລາຍ​ກວ່າ 50 ຄົນ ​ຢູ່ໃນ​ເຂດຊົນ​ເຜົ່າ ທີ່​ຕັ້ງຢູ່​ໃນ​ບໍລິ ​ເວນຊາຍ​
ແດນ​ຕິດ​ກັບອັ​ຟກາ​ນິສຖານ.

​ເຈົ້າ​ໜ້າ​ທີ່​ກ່າວ​ວ່າ​ ລະ​ເບີດ​ແຕກຂຶ້ນ​ໃນ​ວັນ​ເສົາມື້ນີ້ ໃກ້​ກັບ​ບ່ອນ​ຖ້າ​ລົດ​ເມ ​ທີ່​ແອອັດ​
ໄປ​ດ້ວຍ​ຜູ້​ຄົນ ​ໃນເຂດ Landi kotal ຂອງ​ເມືອງ Khyber ທີ່​ຕັ້ງຢູ​ໃນ​ເຂດ ຊົນ​ເຜົ່າ
​ຂອງ​ປາ​ກິ​ສຖານ. ອາຄານ​ຫລາຍ​ຫລັງ​ໄດ້​ຮັບ​ຄວາມ​ເສຍ​ຫາຍ​ຈາກ​ເຫດ ລະ​ເບີດ​
ໃນ​ຄັ້ງນີ້.

​ເຈົ້າ​ໜ້າ​ທີ່​ຮັກສາ​ຄວາມ​ປອດ​ໄພກ່າ​ວວ່າ ​ເຫດລະ​ເບີດດັ່ງກ່າວ​ ແມ່ນແນໃສ່​ບັນດາ
ສະມາຊິກ​ຂອງ​ຊົນເຜົ່າໆ​ນຶ່ງ ທີ່​ເປັນ​ພັນ​ທະ​ມິດ​ກັບ​ລັດຖະບານ ຕໍ່ຕ້ານ​ກັບ​ກຸ່ມ​ທາ​ລິ​
ບານ​ໃນ​ປາ​ກິ​ສຖານ.

ຍັງ​ບໍ່​ທັນ​ມີ​ກຸ່ມ​ໃດ​ອ້າງ​ເອົາ​ຄວາ​ມຮັບຜິດ​ຊອບກ່ຽວ​ກັບການ​ໂຈມ​ຕີ​ໃນ​ຄັ້ງນີ້ ​ແຕ່​ວ່າ
ກຸ່ມ​ທາ​ລິ​ບານ​ໃນປາ​ກິ​ສຖານ​ເຄີຍ​ທໍາ​ການ​ໂຈມ​ຕີ​ດ້ວຍລະ​ເບີດທີ່ຄ້າຍຄື​ກັນ​ນີ້ຫຼາຍ
ຮ້ອຍ​ຄັ້ງມາ​ແລ້ວ ຢູ່ໃນທົ່ວ​ປະ​ເທດ.

ກຸ່ມທາ​ລີ​ບານ​ໃນປາກິ​ສຖານ ກຸ່ມທາ​ລິ​ບານ​ໃນ​ອັຟກາ​ນິສຖານ ​ກຸ່ມ​ກໍ່ການ​ຮ້າຍ
ອາ​ລໄຄ​ດາ ​ແລະ​ກຸ່​ມຫົວ​ຮູ່ນ​ແຮງ​ອື່ນໆ​ທີ່​ເປັນ​ເຄື່ອຂ່າຍ ​ໄດ້​ພາກັນ​ຕັ້ງ ທີ່​ໝັ້ນຂອງ
​ຕົນຢູ່ໃນເຂດ​ຊົນ​ເຜົ່າຂອງ​ປາ​ກິ​ສຖານ ​ແລະ​ສວຍ​ໂອກາດ​ ໃຊ້ຊາຍ​ແດນ​ທີ່​ບໍ່​ມີ​ການ​
ຍາມຮັກສາ​ຄວາມ​ປອດ​ໄພ​ຢ່າງ​ເຄັ່ງ​ຄັດ​ເພື່ອ​ທໍາ​ການ​ໂຈມ​ຕີກຳ ລັງ NATO ​ແລະ​
ກໍາລັງທະຫານ​ອັ​ຟກາ​ນິສຖານ ທີ່ຢູ່​ໃນ​ອາ​ຟກາ​ນິສຖານນັ້ນ.

XS
SM
MD
LG