ລິ້ງ ສຳຫລັບເຂົ້າຫາ

ອາລກາຍດາ ເຜີຍແຜ່ເທບ bin Laden

  • ໄພສານ ວໍຣະຈັກ

ຮູບນາຍ Osama bin Laden ຫົວໜ້າກຸ່ມກໍ່ການຮ້າຍອາລກາຍດາ ຈາກວີດີໂອຂອງອົງການ SITE ໃນລະຫວ່າງ ການຫຼິ້ນເທບສຽງຂອງນາຍ bin Laden ທີ່ພວກກໍ່ການຮ້າຍ ໄດ້ນຳອອກເຜີຍແຜ່ (18 ພຶດສະພາ 2001)

ກຸ່ມກໍ່ການຮ້າຍອາລກາຍດາໄດ້ນຳເອົາສຽງຂອງນາຍ Osa-
ma bin Laden ທີ່ອັດໄວ້ບໍ່ເທົ່າໃດມື້ກ່ອນຜູ້ກ່ຽວຕາຍນັ້ນ
ອອກມາເຜີຍແຜ່.

ອົງການ SITE ຊຶ່ງເປັນອົງການບໍລິການໃນດ້ານຕິດຕາມ
ຟັງທີ່ມີສຳນັກງານຢູ່ສະຫະລັດ ກ່າວໃນມື້ວັນພຸດວານນີ້ວ່າ
ໃນເທັບດັ່ງກ່າວນັ້ນ ນາຍ bin Laden ໄດ້ກ່າວຊົມເຊີຍ
ການປະຕິວັດ ທີ່ພວມແຜ່ລາມ ໄປທົ່ວພາກຕາເວັນອອກ
ກາງແລະອາຟຣິກາເໜືອ ແລະເວົ້າວ່າ ລາວເອງຄິດວ່າກະ
ແສ​ລົມແຫ່ງການປ່ຽນແປງ ຈະແຜ່ລາມໄປທົ່ວໂລກມຸສລິມ
ທັງມວນ.

ໃນບັນທຶກ​ສຽງທີ່ຍາວ 12 ນາທີນັ້ນ ນາຍ bin Laden ໄດ້ສະແດງຄວາມຊື່ນຊົມຕໍ່ການ ໄດ້ຮັບໄຊຊະນະໃນການລຸກຮືຂຶ້ນທີ່ປະເທດອີຈິບແລະຕູນີເຊຍ ແລະ​ໄດ້​ເວົ້າ​ເຖິງການປະຕິ
ວັດ​ເຫລົ່ານັ້ນແລະສະເໜີ​ເປັນ​ຜູ້​ຊີ້ນໍາແລະໃຫ້ຄຳແນະນຳ ນໍາດ້ວຍ.

ນອກນັ້ນ ນາຍ bin Laden ຍັງໄດ້ກ່າວຫາ ພວກຜູ້ປົກຄອງຢູ່ໃນຂົງເຂດວ່າ ສ້າງພາບ
ພົດໃຫ້ພວກເຂົາເຈົ້າກາຍເປັນທີ່ເຄົາລົບບູຊາຂອງປະຊາຊົນ ແລະໃຊ້ສື່ມວນຊົນ ໃນການ
ສືບຕໍ່ກຳອຳນາດ.

ກຳລັງພິເສດຂອງສະຫະລັດໄດ້ສັງຫານນາຍ bin Laden ໃນວັນທີ 2 ເດືອນນີ້ໃນການ
ບຸກໂຈມຕີບ້ານພັກຂອງຜູ້ກ່ຽວ ທີ່ເມືອງ Abbottabad ຫົວເມືອງຄ້າຍທະຫານໃນພາກ
ເໜືອປາກິສຖານ.

XS
SM
MD
LG