ລິ້ງ ສຳຫລັບເຂົ້າຫາ

90 ປະເທດ ປະກາດ ການອະນຸລັກ ທາງທະເລ ມູນຄ່າ 5.3 ຕື້ໂດລາ


ຄົນຫາປາຜູ້ນຶ່ງ ກຳລັງກະກຽມແຫຂອງລາວ ຢູ່ທະເລອາຣັບ ທີ່ເຕັມໄປດ້ວຍຂີ້ເຫຍື້ອຖົງ plastic ທີ່ນະຄອນ Mumbai ປະເທດ India.

ຄົນຫາປາຜູ້ນຶ່ງ ກຳລັງກະກຽມແຫຂອງລາວ ຢູ່ທະເລອາຣັບ ທີ່ເຕັມໄປດ້ວຍຂີ້ເຫຍື້ອຖົງ plastic ທີ່ນະຄອນ Mumbai ປະເທດ India.

ກອງ​ປະຊຸມຂອງ 90 ປະ​ເທດ ​ທີ່​ໄດ້ອຸທິດ​ຕົນ ​ໃຫ້​ແກ່ບັນດາ​ມະຫາ​ສະມຸດ​ໂລກ ​ໄດ້​ສິ້ນ​ສຸດ​ລົງ​ໃນ​ວັນ​ສຸກ​ວານ​ນີ້ ດ້ວຍ​ການ​ໃຫ້​ຄຳ​ໝັ້ນ​ສັນຍາ​ໃນ​ມູນ​ຄ່າ 5 ພັນ 3 ຮ້ອຍລ້ານ​ໂດ​ລາ ເພື່ອ​ອະນຸລັກ ຫຼື​ປົກ​ປັກຮັກສາ​ທາງ​ທະ​ເລ ທີ່ລັດຖະມົນຕີ​ຕ່າງ​ປະ​ເທດ​ສະຫະລັດ ທ່ານ John Kerry ກ່າວວ່າ ​ໄດ້​ພິສູດໃຫ້ເຫັນ​ວ່າ “ພວກ​ເຮົາ​ໄດ້​ສ້າງ​ຄວາມ​ຄືບ​ໜ້າ.”

ການສ້າງຕັ້ງຫຼື​ຂະຫຍາຍ​ເຂດປົກ​ປ້ອງ​ໃໝ່ ສີ່​ສິບ​ແຫ່ງທີ່​ສຳຄັນທາງ​ທະ​ເລ ​ໄດ້​ມີ ​ຂຶ້ນ​ຢູ່​ທີ່ກອງ​ປະ​ຊຸມ​ສຸດ​ຍອດ​ມະຫາ​ສະມຸດ ​ຂອງ​ພວກ​ເຮົາ ຮວ​ມທັງການ​ປະກາດ​ຂອງປະທານາທິບໍດີ Barrack Obama ກ່ຽວ​ກັບ​ເຂດ​ອະນຸລັກ​ທາງ​ທະ​ເລ​ແຫ່ງ ​ທຳ​ອິດ​ຂອງສະຫະລັດ ໃນ​ມະຫາ​ສະມຸດ Atlantic ຊຶ່ງ​ມີ​ພື້ນທີ່​ຮວມ​ທັງ​ໝົດ 13,000 ຕາຕະລາງ​ກິ​ໂລ​ແມັດ ​ແລະ​ເປັນ​ທີ່​ຮູ້ກັນ​ດີກ່ຽວ​ກັບບັນດາພູຜາຢູ່​ພື້ນ​ທະ ​ເລ ​ ​ຢູ່​ນອກ​ຝັ່ງທະ​ເລ​ຂອງເຂດ New England.

ຊາວປະມົງ ກຳລັງດຶງມອງຂຶ້ນມາ ທີ່ເຕັມໄປດ້ວຍປານ້ອຍ ຈາກມະຫາສະມຸດປາຊິຟິກ.

ຊາວປະມົງ ກຳລັງດຶງມອງຂຶ້ນມາ ທີ່ເຕັມໄປດ້ວຍປານ້ອຍ ຈາກມະຫາສະມຸດປາຊິຟິກ.

ການຫາ​ປາ​ເພື່ອ​ເປັນຄ້າ ການ​ຄົ້ນ​ຫາ​ນໍ້າມັນ ​ແລະ​ກິດຈະການອື່ນ ​ເປັນ​ທີ່​ຈຳກັດ ຢູ່​ໃນ​ດັ່ງກ່າວ ​ເພື່ອ​ປ້ອງ​ກັນ​ລະບົບ​ນິ​ເວດ.

ທ່ານ Kerry ກ່າວ​ປີດ​ທ້າຍໃນຖະ​ແຫລ​ງການ​ວ່າ ທ່ານ​ໄດ້​ສົນທະນາ​ກັບ​ບັນດາ​ເຈົ້າ​ໜ້າ​ທີ່ຣັດ​ເຊຍ ​ໃນ​ວັນ​ສຸກ​ວານ​ນີ້ ກ່ຽວ​ກັບ​ຄວາມ​ເຫັນຂອງ​ມົສກູ​ໃນ​ການ​ຫ້າມ​ບໍ່​ໃຫ້​ມີການ​ຫາ​ປາ​ຢູ່​ໃນພື້ນທີ່ 960,000 ຕາຕະລາງ​ກິ​ໂລ​ແມັດຂອງ​ທະ​ເລ Ross ຊຶ່ງເປັນ​ລະບົບ​ນິ​ເວດ​ທີ່​ບໍ່​ໄດ້​ຖືກ​ລົບ​ກວນ​ເທື່ອ​ໃນ​ມະຫາ​ສະ​ສຸດ Atlantic.

ພາບບັນທຶກເຮືອຫາປາຂອງຊາວຕ່າງປະເທດ ທີ່ກອງທັບເຮືອອິນໂດເນເຊຍລະເບີດຖີ້ມ.

ພາບບັນທຶກເຮືອຫາປາຂອງຊາວຕ່າງປະເທດ ທີ່ກອງທັບເຮືອອິນໂດເນເຊຍລະເບີດຖີ້ມ.

ທ່ານ Kerry ກ່າວ​ວ່າ “ພວກ​ເຮົາ​ຍັງມີ​ຄວາມ​ຫວັງວ່າ ຣັດ​ເຊຍ​ຈະ​ກ້າວ​ເຂົ້າ​ມາ ​ແລະ​ຮ່ວມ​ກັບ​ພວກ​ເຮົາ ​ໃນ​ຄວາມພ​ະຍາ​ຍາມດັ່ງກ່າວນີ້.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG