ລິ້ງ ສຳຫລັບເຂົ້າຫາ

ທ່ານ Gates ກັບຄືນມາ ຄອງຕຳແໜ່ງ ເປັນຜູ້ຮັ່ງມີ ທີ່ສຸດ ໃນໂລກ


ທ່ານ Bill Gates (ຂວາ) ມະຫາເສດຖີພັນລ້ານຂອງໂລກ ແລະ ມະຫາເສດຖີ Warren Buffett (ຊ້າຍ).
ທ່ານ Bill Gates ຜູ້​ກໍ່​ຕັ້ງຮ່ວມບໍລິສັດ Microsoft ໄດ້​ຮັບ​
ຕໍາ ​ແໜ່​ງເປັນຜູ້​ທີ່​ຮັ່ງມີ​ທີ່​ສຸດ​ໃນ​ໂລກຄືນອີກ ໂດຍມີ​ຊັບສົມ
ບັດ​ທັງ​ໝົດ 76 ພັນ​ລ້ານ​ໂດ​ລາ.

ທ່ານ Gates ​ໄດ້​ກັບ​ຄືນ​ມາຢູ່​ໃນ​ຕຳແໜ່ງສູງສຸດຂອງບັນ
ຊີລາຍຊື່ມະຫາເສດຖີ ພັນລ້ານປະ​ຈໍາ ປີຂອງນິຕະຍະສານ
ຟອບສ໌ ​ຫລັງ​ຈາກໄດ້ຕົກອັນດັບມາເປັນ ເວລາ 4 ປີ. ທ່ານ​
ໄດ້ມີຊັບສົມບັດ​ ລື່ນມະຫາ​ເສດຖີ ດ້ານ​ສື່ສານຄົມມະນາ
ຄົມ ຂອງເມັກຊິໂກ ທ່ານ Carlos Slim Helu ທີ່ຕິດອັນ​
ດັບ​ສອງ ​ໃນ​ປັດ​ຈຸ​ບັນນີ້ ໂດຍຄາດ​ຄະ​ເນ​ວ່າ ມີຊັບ​ສົມບັດ​
ຢູ່ 72 ພັນ​ລ້ານ​ໂດ​ລາ.

ທ່ານ Gates ​ໄດ້​ຄອງຕຳແໜ່ງສູງສຸດ ຂອງບັນຊາດັ່ງກ່າວ 15 ​ເທື່ອ​ ໃນຮອບ 20 ປີ ​ທີ່
ຜ່ານ​ມາ.

ຈໍາ ນວນມະຫາ​ເສດຖີ ພັນລ້ານ ທີ່ໄດ້ເຂົ້າໄປຢູ່​ໃນ​ບັນຊີລາຍ​ຊື່​ຂອງນິຕະຍະ​ສານຟອບສ໌
​ໄດ້​ເພີ້​ມຂື້ນ​ຫລາຍ​ກວ່າ 200 ຄົນ​ໃນ​ປີ​ນີ້ ມາ​ເປັນ 1,645 ຄົນໂດຍທີ່ ​ຊັບ​ສົມບັດ​ເຂົາ​ເຈົ້າ
​ທັງໝົດ ຮວມກັນແລ້ວ ແມ່ນມີມູນຄ່າ​ຢູ່ 6 ພັນ​ 4 ຮ້ອຍຕື້ໂດ​ລາ. ການເພີ້ມຂຶ້ນ ດັ່ງກ່າວນີ້ ແມ່ນເປັນຍ້ອນຕະຫລາດ​ຮຸ້ນທີ່ຖີບໂຕສູງຂຶ້ນ.

ສະຫະລັດ ​ເປັນ​ປະ​ເທດທີ່​ມີ ມະຫາ​ເສດຖີ ພັນລ້ານ ຫລາຍ​ທີ່​ສຸດ ຄື 492 ຄົນ. ຕິດ​ຕາມ​
ມາ​ດ້ວຍ​ຈີນ 152 ຄົນ ​ແລະ ຣັດ​ເຊຍ 111 ຄົນ.

ມີ​ແຕ່ 10 ​ກວ່າເປີ​ເຊັນ ​ໃນ​ຈໍາ​ ນວນ​ບັນຊີລາຍ​ຊື່ທີ່​ເປັນ​ຜູ້ຍິງ ຊຶ່ງເປັນຈຳນວນສູງ ເປັນປະ
ຫວັດການ​. ​ທ່ານ​ນາງ Christy Walton ຊຶ່ງເປັນທາຍາດຂອງບໍລິສັດ Wal-Mart ເປັນ
​ຜູ້ຍິງ​ທີ່ຮັ່ງມີທີ່​ສຸດໃນໂລກ ຄືຕິດ​ອັນ​ດັບ​ທີ 9 ​ໂດຍມີຊັບສົມບັດ​ ປະມານ 36 ພັນ​ 7 ຮ້ອຍ
ລ້ານໂດ​ລາ.

ຫ້າອັນດັບສູງສຸດ​ ຫລັງ​ຈາກ ທ່ານ Gates ​ແລະ ທ່ານ Helu ແລ້ວ ​ແມ່ນຜູ້​ຜະລິດ​ເຄື່ອງ
ນຸ່ງຊາວສະ​ເປນທ່ານ Amancio Ortega ນັກ​ລົງທຶນສະຫະລັດ ທ່ານ Warren Buffett ​ແລະຫົວໜ້າ Oracle ທ່ານ Larry Ellison.

ມະຫາເສດຖີ ດ້ານອິນ​ເຕີແນັດ ກໍຕິດອັນດັບສູງໃນບັນຊີ​ລາຍ​ຊື່. 25 ຄົນທີ່ຕິດ ອັນດັບ
ສູງສຸດແມ່ນຮວມ​ທັງ ບັນດາ​ຜູ້​ກໍ່​ຕັ້ງບໍລິສັດ Google ທ່ານ Larry Page ​ແລະ ທ່ານ
Sergey Brin, ຫົວໜ້າບໍລິສັດ Amazon ທ່ານ Jeff Bezo ​ແລະ ຜູ້​ກໍ່​ຕັ້ງບໍລິສັດ
Facebook ທ່ານ Mark Zuckerberg.

ທ່ານ zuckerberg ​ເປັນ​ຜູ້​ມີລາຍ​ຮັບ​ຫລາຍ​ທີ່​ສຸດ​ ຢູ່​ໃນ​ບັນຊີລາຍ​ຊື່ ຄືຊັບສົມບັດຂອງ
ທ່ານໄດ້ເພີ້ມຂຶ້ນ ເປັນຫລາຍ​ກວ່າ​ສອງ​ເທົ່າ ຕົກເປັນເງິນ 28 ພັນ​ 5 ຮ້ອຍ ລ້ານ​ໂດ​ລາ. ​

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG