ລິ້ງ ສຳຫລັບເຂົ້າຫາ

ທ່ານ Joe Biden ຢ້ຽມຢາມ Cyprus ເພື່ອໂດດດ່ຽວ ຣັດເຊຍ


ຮອງ​ປະທານາທິບໍ​ດີສະຫະລັດ ທ່ານ Joe Biden
ຮອງ​ປະທານາທິບໍ​ດີສະຫະລັດ ທ່ານ Joe Biden ກຳລັງທຳ
ການຢ້ຽມຢາມ Cyprus ເພື່ອສະແດງການສະໜັບສະໜຸນ ຕໍ່ຂັ້ນຕອນການສ້າງສັນຕິພາບ ແລະຄວາມປອງດອງ ຊາດ ທີ່ມີມາເປັນເວລາຍືດເຍື້ອຍາວນານ ແຕ່ບໍ່ປະສົບຜົນສຳເລັດ
ຂອງປະເທດເກາະດອນແຫ່ງນີ້.

ທ່ານ Bidenໄດ້ຮັບປະທານອາຫານຄ່ຳຮ່ວມກັບປະທານາ
ທິບໍດີໄຊປຣັສເຊື້ອສາຍກຣີສ ທ່ານ Nicos Anastasiades
ໃນວັນພຸດວານນີ້.

ຮອງ​ປະທານາທິບໍ​ດີ Bidenຍັງວາງແຜນທີ່ຈະພົບກັບຜູ້ນຳ
ຂອງໄຊປຣັສເຊື້ອສາຍເທີກີທ່ານ Dervis Ergolu. ທ່ານ Biden ກ່າວວ່າ ການພົບ
ປະກັບທ່ານ Ergolu ​ບໍ່ໄດ້ໝາຍຄວາມວ່າ ສະຫະລັດຮັບຮູ້ການຕັ້ງລັດໄຊປຣັສ ຂອງພວກ ເຊື້ອສາຍເທີກີ.

ທ່ານ Biden ກ່າວວ່າ “ມີພຽງແຕ່ລັດຖະບານດຽວເທົ່ານັ້ນ ທີ່ຖືກຕ້ອງຊອບທຳ”
ໃນ Cyprus ໃນເຂດ Cyprus ໃຕ້ຂອງພວກເຊື້ອສາຍກຣີສ ແລະການໄປຢ້ຽມຢາມ
ຂອງທ່ານນັ້ນຈະບໍ່ປ່ຽນແປງຫຍັງເລີຍ.

Cyprus ໄດ້ຖືກແບ່ງແຍກອອກເປັນສອງເຂດ ຄືເຂດ Cypruໃຕ້ຂອງພວກເຊື້ອສາຍ
Greek ແລະເຂດ Cyprus ເໜືອ ຂອງພວກເຊື້ອສາຍເທີກີ ນັບຕັ້ງແຕ່ 1974 ຕອນທີ່ ກອງກຳລັງເທີກີ ໄດ້ບຸກເຂົ້າໄປໃນປະເທດເກາະດັ່ງກ່າວ ຫຼັງຈາກມີການກໍ່ລັດຖະປະຫານ ທີ່ຕັ້ງໃຈ ຢາກຈະທ້ອນໂຮມເກາະດອນນີ້ ເຂົ້າເປັນສ່ວນນຶ່ງຂອງກຣີສ.

ການເຈລະຈາສັນຕິພາບທີ່ດຳເນີນມາເປັນຫຼາຍໆປີພາຍໃຕ້ຄວາມອຸບປະຖຳຂອງອົງການ
ສະຫະປະຊາຊາດນັ້ນ ບໍ່ໄດ້ມີຄວາມກ້າວໜ້າຫຍັງຫລາຍ.

ພວກນັກວິເຄາະ ກ່າວວ່າ ການໂຮມຕົວເຂົ້າກັນຂອງ Cyprus ນັ້ນ ຈະເຮັດໃຫ້ເປັນການ
ງ່າຍຂຶ້ນສຳລັບການສົ່ງອອກແກັສທຳມະຊາດ ໄປ​ສູ່ຢູໂຮບຜ່ານທາງທໍ່ລຳລຽງຂອງເທີກີ ຊຶ່ງນັ້ນແມ່ນທາງເລືອກອີກອັນນຶ່ງ ສຳລັບແກັສຂອງຣັດເຊຍ.

ທ່ານ Biden ແມ່ນເຈົ້າໜ້າທີ່ຂັ້ນສູງຂອງສະຫະລັດ ທີ່ໄດ້ໄປຢ້ຽມຢາມ Cyprus ນັບຕັ້ງ ແຕ່ຮອງ​ປະທານາທິບໍ​ດີສະຫະລັດ ທ່ານ Lyndon Johnson ໄດ້ໄປຢ້ຽມໃນປີ 1962.
XS
SM
MD
LG