ລິ້ງ ສຳຫລັບເຂົ້າຫາ

ທ່ານ Biden ປະກາດເຖິງ ການບໍ່ລົງແຂງຂັນ ເພື່ອເປັນ​ ຕົວແທນ ຂອງພັກ


ຮອງ​ປະທານາທິບໍດີ ທ່ານ Joe Biden ​ໄດ້​ຕັດສິນ​ໃຈ​ທີ່​ຈະ
​ບໍ່​ລົງ​ແຂ່ງຂັນເປັນ​ຕົວ​ແທນ​ຂອງ​ພັກ Democrat ​ເພື່ອ​ການ
ເຂົ້າ​ຊີງ​ເອົາ​ຕຳ​ແໜ່​ງປະທານາທິບໍດີ ປີ 2016 ຊຶ່ງ​ເປັນ​ການ​
ສິ້ນ​ສຸດ​ລົງ​ຂອງ​ຂ່າວ​ທີ່​ນອງ​ນັນ ກ່ຽວ​ກັບ​ວ່າ ​ທ່ານ​ຈະ​ລົງ​ແຂ່ງ
ຂັນ​ນັ້ນ.

ການ​ກ່າວ​ຄຳ​ປາ​ໄສ​ຂອງ​ທ່ານ Biden ຢູ່​ໃນ​ສວນ Rose
Garden
ທີ່​ທຳນຽບຂາວ ທ່ານ Biden ​ໄດ້​ກ່າວ​ວ່າ ຄວາມ
​ເສົ້າ​ສະ​ລົດ​ໃຈ​ຂອງ ​ທ່ານ​ຕໍ່​ການ​ສູນ​ເສຍ​ລູກ​ຊາຍ​ ອັນ​ເປັນ​ທີ່​
ຮັກ​ຍ້ອນ​ໂຣກມະ​ເຮ​ງ​ໃນ​ສະໝອງ ​ເດືອນພຶດສະພາ ຜ່ານ​ມາ
ນີ້ແມ່ນ​ວ່າ “​ເຮັດ​ໃຫ້​ທ່ານ ບໍ່​ໃຫ້​ການນັບຖື ຫຼື​ແມ່ນ​ແຕ່​ສົນ​ໃຈ​
ໃຍ​ດີ​ກັບການ​ທີ່​ຈະ​ລົງທະບຽນ​ ໃຫ້​ທັນ​ເສັ້ນ​ຕາຍ​ໝາຍ​ກຳນົດຫຼື​ແມ່ນ​ແຕ່​ການ​ໂຕ້​ວາທີ​ພາຍ
ໃນພັກ ແລະການລົງແຂງຂັນຂັ້ນທຳອິດ ແລະການຊຸມນຸມພາຍໃນກຸ່ມ.”

ທ່ານ Biden ​ຢືນ​ຄຽງ​ຂ້າງກັບ​ພັນ​ລະ​ຍາ ທ່ານ​ນາງ Jill Biden ​ແລະ​ປະທານາທິບໍດີ
Barrack Obama ໄດ້ກ່າວວ່າ: “ຂ້າພະ ​ເຈົ້າ​ເຊື່ອ​ວ່າ ພວກ​ເຮົາ​ບໍ່​ມີ​ເວລາ​ແລ້ວ ​ເວລາ​
ທີ່ຈະ​ກຳກັບ​ແລະ​ດຳ​ເນີນ​ການ​ໃນ​ການ​ແຂງ​ຂັນ​ເພື່ອ​ໃຫ້​ໄດ້​ຮັບ​ ໄຊຊະນະຂອງ​ການ​ເປັນ​
ຜູ້ຖືກເລືອກໃຫ້ເປັນຕົວແທນ.”

ທ່ານ Biden ​ໄວ 72 ປີ ​ໄດ້​ກ່າວ​ວ່າ ທ່ານ​ຈະບໍ່​ລົງ​ເປັນ​ຜູ້​ສະມັກ ທ່ານ ​ຈະ​ປ່າວ​ປະກາດ
ຢ່າງຊັດເຊນ ແລະແຮງກ້າ”
ກ່ຽວກັບ​ວ່າ “ພວກ​ເຮົາ​ຈຳ​ເປັນ​ທີ່ຈະເດີນ​ກ້າວ​ໄປ​ໃນ​ທິດທາງ
ໃດ ໃນຖານະທີ່ເປັນປະເທດດຽວກັນ.”

ທ່ານ​ຍັງໄດ້​ກ່າວ​ສັນລະ​ເສີນ​ທ່ານ ​ໂອ​ບາ​ມາ ອີກ​ວ່າ “ທ່າ​ນໄດ້​ນຳພາ​ປະ​ເທດ​ຊາດ ຈາກ​
ວິ​ກິດ​ການ​ສູ່​ການ​ຟື້ນ​ຄືນ.”
ທ່ານ​ຍັງ​ໄດ້​ກ່າວ​ເພີ້​ມຕື່ມ​ວ່າ: ພັກ​ນີ້ ປະ​ເທດ​ຊາດ​ຂອງ​ພວກ
ເຮົາຈະ ເຮັດຜິດຢ່າງມະຫັນ ຖ້າຫາກວ່າ ພວກເຮົາພາກັນຍ່າງໜີ ຫຼືພະຍາ
ຍາມ​ທີ່​ຈະ
ຕ້າວປີ້ນຄຸນງາມຄວາມດີຂອງປະທານາທິບໍດີ ໂອບາມາ ທີ່
ໄດ້​ສ້າງ​ໄວ້​ນັ້ນ.”

ທ່ານ Biden ຜູ້​ຊຶ່ງ​ໄດ້​ຮັບ​ໃຊ້​ປະ​ເທດ​ຊາດ ​ເປັນ​ສະມາຊິກ​ສະພາ​ສູງ ຕົວ​ແທນ​ຂອງ​ລັດ Delaware ມາ ​ນານ​ກວ່າ 3 ທົດ​ສະວັດ ​ແລະເຄີຍໄດ້ໂຄສະນາ​ຫາ​ສຽງ​ ​ເພື່ອ​ເປັນ​ຕົວ​ແທນ​ຂອງ​ພັກ ​ເພື່ອໃຫ້​ໄດ້ເປັນ​ຜູ້ຕາງໜ້າ​ຂອງ​ພັກ​ໃນ​ການ​ເຂ​ງຂັນເປັນ​ປະທນາທິບໍດີ 2 ຄັ້ງ ​ແຕ່​ບໍ່​ປະສົບ​ຜົນສຳ​ເລັດ ຄັ້ງ​ຫຼ້າ​ສຸດ​ນີ້​ແມ່ນ ປີ 2008.

XS
SM
MD
LG