ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຜູ້ຕ້ອງສົງໄສເປັນຫົວໜ້າ ໂຈມຕີກົງສູນ ສຫລ ທີ່ Benghazi ໃຫ້ການວ່າ ຕົນບໍ່ມີຄວາມຜິດ (ວີດີໂອ)


ພວກຕຳຫຼວດຍາມສານ ຢືນຍາມຢູ່ນອກສານລັດຖະບານກາງ ແຫ່ງນຶ່ງ ໃນນະຄອນຫຼວງວໍຊິງຕັນ, ວັນທີ 28 ມິຖຸນາ 2014, ກ່ອນນາຍ Ahmed Abu Khattalah ຜູ້ຕ້ອງຫາ ເດີນທາງໄປຮອດ.
ພວກຕຳຫຼວດຍາມສານ ຢືນຍາມຢູ່ນອກສານລັດຖະບານກາງ ແຫ່ງນຶ່ງ ໃນນະຄອນຫຼວງວໍຊິງຕັນ, ວັນທີ 28 ມິຖຸນາ 2014, ກ່ອນນາຍ Ahmed Abu Khattalah ຜູ້ຕ້ອງຫາ ເດີນທາງໄປຮອດ.

ຜູ້​ຕ້ອງ​ສົງ​ໄສ ທີ່​ຖືກ​ກ່າວ​ຫາ​ວ່າ​ເປັນ​ຫົວໜ້າ​ໃນ​ການ​ໂຈມ​ຕີ​ກົງ​ສຸລ
ສະຫະລັດ​ ທີ່​ເມືອງ Benghazi ລີ​ເບຍ​ ທີ່​ຍັງ​ຜົນ​ໃຫ້​ມີຜູ້ຄົນ​ເສຍ
​ຊີວິດ​ໃນ​ປີ 2012 ນັ້ນ ​ໄດ້​ໄປ​ປາກົດ​ໂຕ ຢູ່​ສານ​ລັດຖະບານ​ກາງ​
ແຫ່ງ​ນຶ່ງ ​ແລະໃຫ້ການ​ວ່າ ​ຕົນ​ບໍ່​ມີ​ຄວາມ​ຜິດ​ຕໍ່​ຂໍ້​ກ່າວ​ຫາ​ຖານທຳ​
ການ​ກໍ່​ການ​ຮ້າຍ​ນັ້ນ.

ນາຍ Ahmed Abu Khatallah ​ໄດ້​ຖືກ​ສົ່ງ​ໂ​ຕ​ໂດຍ​ທາງ​ເຮືອບິນ
​ເຮ​ລີ​ຄອບ​ເຕີ ມາ​ຍັງນະຄອນຫຼວງ​ວໍ​ຊິງ​ຕັນ ​ໃນ​ວັນ​ເສົາ​ວານ​ນີ້ ​
ຈາກກຳ​ປັ່ນກອງທັບ​ເຮືອ​ສະຫະລັດ​ລຳ​ນຶ່ງ. ​ໃນລະຫວ່າງ​ການ
ຮັບ​ຟັງ​ຄຳ​ໃຫ້ການຕໍ່​ສານ​ເປັນເວລາ 10 ນາທີນັ້ນ ນາຍ Khatallah ​ໄດ້​ຖືກ​ກ່າວ​ຫາ​ວ່າ ສົມ​ຮູ້ຮ່ວມ​ຄິດ​ແລະ​ວາງ​ແຜນໃຫ້ການ​ສະໜັບ​ສະໜຸນ​ທາງດ້ານ​ວັດຖຸ​ແກ່​ ພວກກໍ່​ການ​ຮ້າຍ
ທີ່​ຍັງ​ຜົນ​ໃຫ້​ມີ​ຜູ້​ຄົນ​ເສຍ​ຊີວິດນັ້ນ. ຂໍ້​ກ່າວ​ຫາ​ຕໍ່ນາຍ Khatallah ມີ​ໂທດຈຳ​ຄຸກຕະຫຼອດ
​ຊີວິດ​ໄດ້ ຖ້າ​ມີຄວາມ​ຜິດ​ແທ້.

​ຄາດ​ວ່າ ລັດຖະບານຈະ​ຕັ້ງ​ຂໍ້​ກ່າວ​ຫາ​ຕື່ມ​ອີກ ຊຶ່ງອາດສາມາດ​ນຳພາ​ໄປ​ສູ່​ໂທດ​ປະຫານ​
ຊີວິດ​ໄດ້.

ໜ່ວຍກຳລັງ​ພິ​ເສດ ​ແລະ​ອົງການສືບສວນ​ກາງ FBI ຂອງ​ສະຫະລັດ ​ໄດ້​ທຳ​ການ​ຈັບ​ກຸມ
​ນາຍ Khatallah ເມື່ອ​ຕົ້ນ​ເດືອນ​ນີ້ ​ໃກ້ໆ​ກັບ​ເມືອງ Benghazi. ບັນດາ​ເຈົ້າ​ໜ້າທີ່​ໄດ້
ສອບປາກຄຳ​ຜູ່​ກ່ຽວ​ຢູ່​ໃນ​ເຮືອລຳ​ນຶ່ງ ທີ່​ພາຜູ້ກ່ຽວ​ເຂົ້າ​ມາ​ຍັງ​ດິນ​ແດນຂອງ​ສະຫະລັດ.
ນາຍ Khatallah ມີ​ໝາຍກຳນົດ​ທີ່​ຈະ​ໄປ​ປາກົດ​ໂຕ​ຕໍ່​ສານ​ອີກ​ ໃນ​ວັນ​ພຸດ​ສັບປະດາ​ນີ້.

ສະຫະລັດ​ກ່າວ​ຫາ​ນາຍ Khatallah ວ່າ ​ເປັນ​ຫົວໜ້າ​ກຸ່ມ​ໃນ​ການ​ໂຈມ​ຕີ ​ເມື່ອ​ວັນ​ທີ 11
ກັນຍາ 2012 ທີ່​ໄດ້​ສັງຫານ​ເອກ​ອັກຄະ​ລັດຖະທູດ​ສະຫະລັດ Christopher Stevens ​
ແລະ​ເຈົ້າ​ໜ້າ​ທີ່​ອະ​ເມຣິກັນ​ອີກ 3 ຄົນ.

ພວກ​ສະມາຊິກ​ສະພາ​ສັງກັດ​ພັກ Republican ກ່າວ​ຫາ​ລັດຖະບາ​ໂອ​ບາ​ມາ ​ແລະ​ກະຊວງ
​ການ​ຕ່າງປະ​ເທດ ວ່າລະ​ເລີຍ​ຕໍ່ໜ້າ​ທີ່ ​ໂດ​ຍບໍ່ໄດ້ສະໜອງຄວາ​ມປອດໄພ​ໃຫ້​ຢ່າງ​ພຽງພໍໃນ​
ຂົງ​ເຂດ​ທີ່ມີ​ແນວ​ໂນ້ມທີ່​ມັກ​ຖືກພວກ​ກໍ່​ການ​ຮ້າຍ​ ໂຈມ​ຕີໄດ້​ງ່າຍໆ​ນັ້ນ.

US Benghazi29june14
please wait
Embed

No media source currently available

0:00 0:00:45 0:00

XS
SM
MD
LG