ລິ້ງ ສຳຫລັບເຂົ້າຫາ

ແບລຢ້ຽມ ລົງ​ໂທດ 4 ຄົນ ທີ່​ສົມຮູ້​ຮ່ວມ​ຄິດກໍ່ການຮ້າຍ


ພວກເຈົ້າໜ໊າທີ່ຕຳຫລວດຢືນຢູ່ໃກ້ກັບລົດຕູ້ ກວດລະເບີດ ທີ່ ພາກກາງຂອງເມືອງ Antwerp ປະເທດ Belgium.

ພວກເຈົ້າໜ໊າທີ່ຕຳຫລວດຢືນຢູ່ໃກ້ກັບລົດຕູ້ ກວດລະເບີດ ທີ່ ພາກກາງຂອງເມືອງ Antwerp ປະເທດ Belgium.

Belgium ​ໄດ້​ລົງ​ໂທ 4 ຄົນ ທີ່​ສົມຮູ້​ຮ່ວມ​ຄິດ​ ​ແລະໃຫ້ການ​ຊ່ອຍ​ເຫຼືອກຸ່​ມກໍ່​ການ​ຮ້າຍ ​ໂດຍ​ການ​ໃຫ້​ເງິນ​ທຶນ​ແລະ​ການ​ເກນ​ຜູ້​ຄົນ​ເຂົ້າ​ຮ່ວມ​ຕໍ່ສູ້​ກັບ​ກຸ່ມ​ລັດ​ອິສລາມ​ໃນ​ຊີ​ເຣຍ.

ຫ້ອງການ​ໄອ​ຍະ​ການ​ຂອງລັດຖະບານ​ກາງ​ສະຫະລັດ ​ໄດ້​ກ່າວ​ໃນ​ວັນ​ອັງຄານວານ​ນີ້​ວ່າ ການ​ກ່າວ​ໂທ​ດດັ່ງກ່າວ​ນີ້ ​ແມ່ນ​ມີ​ຂຶ້ນ​ລຸນຫຼັງທີ່​ຕຳຫຼວດ​ໄດ້​ເຂົ້າ​ຊອກ​ຄົ້ນ​ໃນ​ບ້ານ​ຈຳນວນ 15 ຫຼັງ ​ຂອງ​ເມືອງ Antwerp, Ghent ​ແລະ ​ເມືອງ Deinze ​ໃນ​ຂະນະ​ທີ່ ມີການ​ນຳເອົາ ໂຕ​ 15 ຄົນ​ໄປສອບ​ປາກຄຳ.

ລາຍ​ງານ​ນີ້ໄດ້​ຖະ​ແຫຼ​ງວ່າ ບໍ່​ໄດ້​ມີ​ອາວຸດ ​ແລະ​ລະ​ເບີດ​ໃດໆ ​ຖືກ​ພົບ​ເຫັນ ແລະ​ການ​ຄົ້ນ​ຫາ​ທີ່​ວ່າ​ນີ້ ​ແມ່ນ​ບໍ່​ໄດ້​ມີ​ການ​ພົວພັນ​ກັບ​ການ​ໂຈມ​ຕີ​ທີ່​ທາງກຸ່ມ​ລັດ​ອິສລາມໄດ້​ອ້າງ​ໄປ​ນັ້ນໃນ​
ສະໜາມ​ບິ​ນນາໆ​ຊາດ​ທີ່ນະຄອນ Brussel ​ແລະ​ສະຖານີ​ລົດ​ໄຟໃຕ້ດິນ ທີ່​ຍັງ​ຜົນ​ໃຫ້​ມີ 32 ຄົນ​ເສຍ​ຊີວິດ ​ໃນ​ເດືອນ​ມີນາ​ຜ່ານ​ມາ​.

Belgium ​ແມ່ນ​ໄດ້​ມີ​ຄວາມ​ລະມັດລະ​ວັງ​ເລື້ອງ​ກຸ່ມ​ກໍ່​ການ​ຮ້າຍ ທີ່​ເກີດ​ຂຶ້ນ​ພາຍ​ໃນ​ປະ​ເທດ ນັບ​ຕັ້ງ​ແຕ່​ເຫດການ​ໂຈມ​ຕີ​ເມື່ອຄັ້ງເດືອນ​ມີນາ​ຜ່ານ​ມາ​ນີ້.

ບາງ​ຄົນ ​ທີ່​ເຕີບ​ໂຕ​ໃນ​ພາກ​ກາງຂອງ Belgium ​ແລະ​ເປັນ​ທີ່​ຮູ້​ກັນ​ໃນ​ໝູ່ພວກ​ເຈົ້າ​ໜ້າ​ທີ່ Belgium ວ່າ​ ມີ​ສ່ວນ​ຮ່ວມ​ໃນການ​ໂຈມ​ຕີ​ທີ່​ນະຄອນຫຼວງ​ປາຣີ ​ເດືອນ​ພະຈິກ​ປີ​ກາຍ​ນີ້ ເຮັດ​ໃຫ້​ມີ ​ຜູ້ເສຍ​ຊີວິດ 130 ຄົນ.​

ອ່ານ​ຂ່າວ​ນີ້​ເພີ້ມຕື່ມ​ເປັນ​ພາສາ​ອັງກິດ

XS
SM
MD
LG