ລິ້ງ ສຳຫລັບເຂົ້າຫາ

Belgium ປ່ອຍໂຕຜູ້ຖືກກັກຂັງສາມຄົນ ໃນການສືບສວນກໍ່ການຮ້າຍ


ຕຳຫລວດພິເສດ Belgium ຄົນນຶ່ງ ຢືນຍາມຢູ່ນອກສານ ໃນ ຂະນະທີ່ຜູ້ຕ້ອງສົງໄສໂຈມຕີນະຄອນ Paris ທ້າວ Salah Abdelslam ຍັງຖືກກັກຂັງຢູ່ ນະຄອນ Belgium.

ຕຳຫລວດພິເສດ Belgium ຄົນນຶ່ງ ຢືນຍາມຢູ່ນອກສານ ໃນ ຂະນະທີ່ຜູ້ຕ້ອງສົງໄສໂຈມຕີນະຄອນ Paris ທ້າວ Salah Abdelslam ຍັງຖືກກັກຂັງຢູ່ ນະຄອນ Belgium.

ບັນດາ​ໄອ​ຍະ​ການ Belgium ກ່າວ​ວ່າ ​ເຂົາ​ເຈົ້າ​ໄດ້​ປ່ອຍ​ໂຕ​ສາມຄົນ ທີ່​ຖືກ​ກັກ​ຂັງ​ໃນ​ວັນ​ ອັງຄານວານ​ນີ້ ​ໃນ​ການ​ສືບສວນ​ກ່ຽວກັບ​ວັນ​ທີ 13 ​ເດືອນ​ພະຈິກໃນ​ການ​ໂຈມ​ຕີ​ນະຄອນ ຫລວງ​ປາຣີ ທີ່​ເຮັດໃຫ້ 130 ຄົນ​ເສຍ​ຊີວິດນັ້ນ.

ຫ້ອງການ​ໄອ​ຍະ​ການ​ລັດຖະບານ​ກາງ Belgium ກ່າວ​ໃນ​ວັນ​ພຸດ​ມື້​ນີ້​ວ່າ ບໍ່​ມີ​ຄົນ​ໃດ​ຖືກ ​ກ່າວ​ຟ້ອງ. ​ພວກເຂົາໄດ້​ຖືກ​ນຳໂຕເຂົ້າ​ມາ​ໃນ​ວັນ​ອັງຄານວານນີ້ ລະຫວ່າງ​ການ​ຄົ້ນ​ຫາ​ ຂອງ​ຕຳຫລວດ​ ຢູ່​ໃນ​ເຂດ​ນ​ະຄອນ Brussels ໃນຄຸ້ມ Uccle ​ໃນ​ຂະນະ​ທີ່​ພວກ​ເຈົ້າ​ໜ້າ ​ທີ່ Belgium ກຳລັງ​ຕາມ​ຫາ​ຮ່ອງ​ຮອຍ​ຂອງ​ຜູ້​ກໍ່ກວນ​ຢູ່ ນະຄອນຫລວງ​ປາຣີີ ​ແລະ​ການ​ ໂຈມ​ຕີ​ທີ່ເດີ່ນ​ບິນ Brussels ​ແລະ​ລົດ​ໄຟ​ໃຕ້​ດິນ ​ໃນ​ວັນ​ທີ 22 ມີນາ ທີ່​ເຮັດໃຫ້ 32 ຄົນ ເສຍ​ຊີວິດນັ້ນ.

​ໃນ​ວັນ​ອັງຄານ​ວານ​ນີ້ ຜູ້​ຊາຍ​ອີກ​ສອງ​ຄົນທີ່ລະບຸວ່າແ​ມ່ນທ້າວ Small F ​ແລະ ທ້າວ Ibrahim F ​ໄດ້​ຖືກ​ກ່າວ​ຫາ​ວ່າເຄື່ອນ​ໄຫວ​ກໍ່​ການ​ຮ້າຍ ​ແລະ​ການ​ສັງຫານທີ່​ພົວພັນ​ກັບ ​ການວາງ​ລະ​ເບີດ​ທີ່ Brussels ​ໃນເດືອນແລ້ວ​ນີ້ ດັ່ງທີ່ບັນດາ​ໄອ​ຍະ​ການລັດຖະບານ ​ກາງ Belgium ໄດ້​ປະກາດໄປ. ​ສື່​ມວນ​ຊົນ​ທ້ອງ​ຖິ່ນເວົ້າ​ວ່າ ທັງ​ສອງ​ຄົນ​ເປັນ​ອ້າຍ​ນ້ອງ​ ກັນ.

ບັນດາ​ເຈົ້າ​ໜ້າ​ທີ່ Belgium ​ໄດ້​ປະ​ເຊີນ​ໜ້າ​ກັບ​ການ​ຕິຕຽນ​ຢ່າງ​ແຮງ​ກ່ຽວ​ກັບ ການ​ສືບ ​ ລັບ ​ແລະ​ການ​ຮັກສາ​ຄວາມ​ປອດ​ໄພ​ບໍ່​ດີ ທີ່​ພົວພັນ​ກັບ​ການ​ໂຈມຕີ​ສອງ​ຄັ້ງ​ທີ່​ນະຄອນ Brussels ​ແລະ Paris ຮວມທັງ​ອີກ​ສີ່​ເດືອນ​ທີ່​ໄດ້​ໃຊ້​ເວລາ​ຈັບ​ກຸມ​ຜູ້​ຕ້ອງ​ສົງ​ໄສກໍ່​ການ ​ທີ່ຮ້າຍກາດ​ສຸດ​ຄື​ ທ້າວ Salah Abdeslam ນັ້ນ.

ຕຳຫລວດ Belgium ​ໄດ້ຈັບ​ກຸມ​ຢ່າງ​ຕໍ່​ເນຶ່ອງກ່ອນແລ້ວ​ ​ແລະ​ຫລັງ​ຈາກ​ການ​ໂຈມຕີ Brussels ບາງ​ຄັ້ງກໍ​ໄດ້​ປະຕິບັດ​ງານ​ຄຽງບ່າ​ຄຽງ​ໄຫລ່​ກັບ​ບັນດາຄູ່​ຕຳ​ແໜ່​ງຝຣັ່ງ. ທ້າວ Abdeslam ​ໄດ້​ຖືກ​ຈັບໃກ້​ກັບ​ບ້ານ​ບ່ອນ​ລາວ​ເຕີບ​ໃຫຍ່​ຢູ່ໃນ​ເມືອງ Molenbeek ຫລາຍ ​ມື້ກ່ອນ​ການວາງ​ລະ​ເບີດ​ຢູ່​ເດີ່ນ​ບິນ Brussels ​ແລະ​ສະຖານີ​ລົດ​ໄຟ. ປັດຈຸບັນ​ນີ້ ລາວ​ຖືກ​ກັກ​ຂັງ​ຢູ່​ບ່ອນ​ຮັກສາ​ຄວາມ​ປອດ​ໄພ​ທີ່ເຄັ່ງຄັດສຸດ​ທີ່​ເມືອງ Bruges.

ນອກນີ້ ຕຳຫລວດ​ຍັງ​ໄດ້​ຈັບ​ທ້າວ Mohammed Abrini ຜູ້​ທີ່​ຖືກ​ກ່າວ​ຫາ​ວ່າ “​ເປັນ​ຜູ້​ ຊາຍ​ໃສ່​ໝວກ” ທີ່​ໄດ້​ຖືກ​ຈັບ​ໂດຍ​ກ້ອງ​ວົງ​ຈອນ​ປິດ ຍ່າງ​ຢູ່​ຄຽງຂ້າງ​ກັບ​ຜຸ້ວາງ​ລະ​ເບີດ ​ ໃນ​ເວລາບໍ່ດົນ ກ່ອນ​ການ​ໂຈມ​ຕີ​ສະລະ​ຊີບດັ່ງກ່າວ.

XS
SM
MD
LG