ລິ້ງ ສຳຫລັບເຂົ້າຫາ

ແບລຈ້ຽມ ຈັບຜູ້ຊາຍ 2 ຄົນ ຖານສົງໄສ ວາງແຜນໂຈມຕີ ກໍ່ການຮ້າຍ


ຕຳຫຼວດພວມລາດຕະເວນ ທີ່ຕຶກອາຄານກຳມາທິການຢູໂຣບ ໃນນະຄອນ Brussels ປະເທດແບລຈ້ຽມ. (22 ມີນາ 2016)​

ຕຳຫຼວດພວມລາດຕະເວນ ທີ່ຕຶກອາຄານກຳມາທິການຢູໂຣບ ໃນນະຄອນ Brussels ປະເທດແບລຈ້ຽມ. (22 ມີນາ 2016)​

ໄອ​ຍະ​ການ​ຂອງ​ລັດຖະບານ​ກາງ​ແບ​ລຈ້ຽມ ກ່າວ​ວ່າ ຕຳຫຼວດ​ໄດ້​ຈັບ​ຜູ້​ຊາຍ 2 ຄົນ​ທີ່​ສົງ​ໄສ​ວ່າ ວາງ​ແຜນ​ໂຈມ​ຕີ​ກໍ່​ການ​ຮ້າຍ.

​ເຈົ້າໜ້າ​ທີ່​ກ່າ​ວວ່າ ຜູ້​ຊາຍ​ທັງ​ສອງຄົນ ຄື​ທ້າວ Moureddine H. ​ແລະ ທ້າ​ວ Hamza H. ​ໄດ້​ຖືກ​ຈັບ​ໃນ​ຕອນ​ແລງ​ວັນ​ສຸກ​ວານ​ນີ້ ຫລັງ​ຈາກ​ໄດ້​ມີ​ການກວດຄົ້ນ​ເຮືອນ​ທີ່​ຄຸ້ມ Mons ​ແລະ​ຄຸ້ມ Liege.

ຫ້ອງການ​ໄອ​ຍະ​ການ​ກ່າວ​ວ່າ “ທັງ​ສອງ​ຄົນ​ແມ່ນ​ສົງ​ໄສ​ວ່າ ວາງ​ແຜນ​ໂຈ​ມຕີ​ກໍ່​ການ​ຮ້າຍ​ຢູ່​ບ່ອນ​ໃດ​ບ່ອນ​ນຶ່ງ​ໃນ​ແບ​ລຈ້ຽມ”. ບໍ່​ໄດ້​ມີ​ການ​ພົບ​ເຫັນອາວຸດ​ຫລື​ດິນລະ​ເບີດ​ແຕ່​ຢ່າງ​ໃດ.

ອ້າຍ​ນ້ອງ​ທັງສອງ​ຄົນ​ນີ້ ມີ​ກຳນົດ​ຈະ​ໄປ​ປາກົດ​ຕົວ​ຕໍ່ໜ້າ​ຜູ້​ພິພາກສາ ​ໃນ​ວັນເສົາ​ມື້ນີ້ ຜູ້​ຊຶ່ງ ຈະ​ຕັດສິນ​ວ່າ ຈະ​ໃຫ້​ຕຳຫຼວດຄວບ​ຄຸມ​ຕົວ​ພວກ​ກ່ຽວ​ໄວ້​ຕໍ່​ໄປ​ຫຼືບໍ່.

​ແບ​ລຈ້ຽມຍັງ​ຢູ່​ໃນ​ສະພາບ​ການ​ເຕືອນ​ໃຫ້​ລະມັດລະວັງ​ສຸດຂີດ ຫລັງ​ຈາກ​ໄດ້​ມີການວາງ​ລະ​ເບີດ ໃນເດືອນ​ມີນາ​ທີ່ຜ່ານ​ມາ ​ຢູ່​ນະຄອນ​ Brussels ​ທີ່​ອ້າງ​ເອົາ​ຄວາມຮັບຜິດຊອບ​ໂດຍ​ກຸ່ມ​ລັດ​ອິສລາມ ​ແລະ​ການ​ໂຈມ​ຕີ​ທີ່​ຮ້າຍ​ແຮງ​ຢູ່​ປະ​ເທດຝຣັ່ງ​ແລະ​ເຢຍຣະມັນທີ່​ມີ​ມາ​ເປັນ​ລຳດັບ​ນັ້ນ.

ນະຄອນ Brussels ​ເປັນ​ທີ່​ຕັ້ງຂອງ​ສຳນັກງານ​ໃຫຍ່​ສະຫະພາບ​ຢູ​ໂຣບ​ແລະ​ກອງ​ບັນຊາ ການ​ອົງການ​ເນ​ໂຕ້.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG