ບັນດາໄອຍະການ Belgium ກ່າວວ່າ ພວກເຂົາໄດ້ຈັບກຸມ 13
ຄົນ ໃນການປະຕິບັດການ ບຸກຈູ່ໂຈມແບບບໍ່ຮູ້ໂຕ ຫຼາຍໆບັ້ນ
ຢູ່ທົ່ວປະເທດ ແລະກ່າວອີກວ່າ ບັນດາຜູ້ຕ້ອງສົງໄສ ແມ່ນເຊື່ອ
ກັນວ່າ ເປັນສະມາຊິກ ຂອງລັດກຸ່ມອິສລາມ ທີ່ວາງແຜນການ
ໂຈມຕີຕໍ່ເຈົ້າໜ້າທີ່ຕຳຫລວດ.
ບັນດາເຈົ້າໜ້າທີ່ ບອກກັບ ຜູ້ສື່ຂ່າວຕ່າງໆ ໃນວັນສຸກມື້ນີ້ວ່າ ບໍ່
ປາກົດວ່າ ມີການພົວພັນໃດໆເລີຍ ກັບເຫດການໂຈມຕີກໍ່ການ
ຮ້າຍໃນ ປາຣີເມືອອາທິດແລ້ວນີ້. ແຕ່ແນວໃດກໍຕາມ ມີຜູ້ຕ້ອງ
ສົງໄສອີກ 2 ຄົນ ຖືກຈັບກຸມ ຢູ່ໃນປະເທດຝຣັ່ງ ນອກເໜືອໄປ
ຈາກ 13 ຄົນ ທີ່ຖືກຈັບຢູ່ໃນ Belgium ແລ້ວນັ້ນ.
ບັນດາໄອຍະການ ກ່າວວ່າ ພວກເຂົ້າເຈົ້າ ໄດ້ກວດພົບເຫັນ ອາວຸດອັດຕະໂນມັດ ຫຼາຍໆ
ຊະນິດ ແລະ ປືນສັ້ນຫຼາຍກະບອກ ພ້ອມກັນກັບ ດິນລະເບີດ ແລະ ເຄື່ອງແບບ ຂອງ
ຕຳຫລວດຫຼາຍຊຸດ ຢູ່ໃນບ້ານພັກ ຢູ່ທີ່ເມືອງ Verviers ໃກ້ໆກັບເຂດຊາຍແດນຕິດກັບ
ເຢຍຣະມັນ.
ພວກເຈົ້າໜ້າທີ່ ກ່າວອີກວ່າ ມືປືນສອງຄົນ ຖືກຂ້າຕາຍໃນລະຫວ່າງ ບຸກຈູ່ໂຈມແບບບໍ່ຮູ້ໂຕ ໃນວັນພະຫັດວານນີ້ ແຕ່ຍັງບໍ່ທັນໄດ້ລະບຸໂຕພວກກ່ຽວເທື່ອ.
ພວກຜູ້ຕ້ອງສົງໄສໄດ້ເປີດສາກຍິງໃສ່ ໃນຂະນະທີ່ເຈົ້າໜ້າທີ່ຕຳຫລວດ ບຸກເຂົ້າໃກ້ໆ.
ການຍິງຕອບໂຕ້ກັນ ໃຊ້ເວລາຫລາຍໆນາທີ ທີ່ເຮັດໃຫ້ບໍລິເວນປົກຄຸມດ້ວຍຄວັນ ສຽງປືນ ແລະສຽງຫວໍ. ບໍ່ມີເຈົ້າໜ້າທີ່ຕຳຫລວດຜູ້ໃດ ໄດ້ຮັບບາດເຈັບເລີຍ.
ເຈົ້າໜ້າທີ່ຕຳຫລວດ ໄດ້ທຳການກວດຄົ້ນ ສະຖານທີ່ແຫ່ງອື່ນໆອີກ ໃນທົ່ວ Belgium
ລວມທັງ ນະຄອນຫລວງ Brussels ອີກດ້ວຍ.
ບັນດາເຈົ້າໜ້າທີ່ ເຊື່ອວ່າ ບາງສ່ວນຂອງພວກຫົວຮຸນແຮງຈັດນັ້ນ ແມ່ນໄດ້ກັບຄືນມາ
Belgium ຈາກ Syria.
ໃນຂະນະດຽວກັນ ການຈັບກຸມຫຼ້າສຸດນີ້ ບໍ່ປາກົດວ່າ ມີສ່ວນກ່ຽວພັນກັບການໂຈມຕີ ຢູ່
ໃນນະຄອນຫລວງປາຣີ ເຈົ້າໜ້າທີ່ຕຳຫລວດ Belgium ກ່າວວ່າ ຜູ້ຊາຍຄົນໜຶ່ງ ທີ່ພວກ
ເຂົາເຈົ້າໄດ້ຈັບກຸມໄວ້ ເມື່ອຕອນເຊົ້າວັນພະຫັດວານນີ້ ແມ່ນສົງໄສວ່າ ສະໜອງອາວຸດ
ໃຫ້ແກ່ ທ້າວ Amedy Coulibaly ຜູ້ທີ່ສັງຫານ 4 ຄົນ ໃນນະຄອນຫລວງປາຣີ ຢູ່ທີ່ຕະຫຼາດ ຂາຍອາຫານການກິນຂອງຊາວຢິວ ທີ່ເອີ້ນວ່າ Kosher ນັ້ນ.
ບັນດາເຈົ້າໜ້າທີ່ ໄດ້ຍົກລະດັບການຂົ່ມຂູ່ຂອງພວກກໍ່ການຮ້າຍ ໃນ Belgium ຂຶ້ນເປັນ
ລະດັບທີ 3 ຂອງຈຳນວນ ທີ່ມີທັງໝົດ 4 ລະດັບ.