ລິ້ງ ສຳຫລັບເຂົ້າຫາ

ມຽນມາ ຕັດສິນໂທດ ນັກຂ່າວ ທີ່ເຮັດວຽກ ໃຫ້​​ BBC ພະ​ແນ​ກ ພາສາ​ມຽນມາ


ພວກນັກສຶກສາ ພາກັນຂັບລົດຈັກປະທ້ວງ ເພື່ອການປະຕິຮູບ ການສຶກສາໃໝ່ ຂອງມຽນມາ ໃນ Mandalay, ມຽນ, 27 ມີນາ, 2015.

ພວກນັກສຶກສາ ພາກັນຂັບລົດຈັກປະທ້ວງ ເພື່ອການປະຕິຮູບ ການສຶກສາໃໝ່ ຂອງມຽນມາ ໃນ Mandalay, ມຽນ, 27 ມີນາ, 2015.

ໃນ​ວັນ​ຈັນ​ວານ​ນີ້ ສານ​ແຫ່ງ​ນຶ່ງ​ໃນ​ມຽນມາ​ ໄດ້​ຕັດສິນ​ລົງ​ໂທດນັກ​ຂ່າວ BBC ​ໃຫ້​ເຮັດ​ວຽກ​ໜັກ​ເປັນ​ເວລາ 3 ​ເດືອນ ​ໃນ​ຖານ​ທີ່​ໄດ້​ທຳຮ້າຍ​ຕຳຫຼວດ​ໃນ​ຂະນະ​ທີ່​ລາຍ​ງານ​ການ​ປະ​ທ້ວງ ໃນ​ປີ​ກາຍ​ນີ້ ທີ່ Mandalay.

​ສານ​ປະຈຳເມືອງ Chanmyathazi ​ໃນ Mandalay ​ໄດ້​ພົບ​ເຫັນ​ວ່າ ທ່ານ Nay Myo Lin ​ໄວ 40 ປີ ສັນຊາດ​ມຽນມາ ທັງ​ຍັງ​ເປັນ​ນັກ​ຂ່າວ​ໃຫ້ອົງການຂ່າວ BBC ພະ​ແນ​ກ ພາສາ​ມຽນ ມາ ມີ​ຄວາມ​ຜິດ​ໃນ​ຖານ​ທຳຮ້າຍ​ຕຳຫຼວດ​ໃນ​ຂະນະ​ທີ່​ປະຕິບັດ​ໜ້າ​ທີ່ຢູ່​ນັ້ນ. ການ​ລົງ​ໂທດ​ດັ່ງກ່າວ​ນີ້​ແມ່ນ​ອິງ​ຕາມ​ວີ​ດີ​ໂອ ​ແລະຄຳ​ໃຫ້ການ​ຂອງ​ພວກເຫັນ​ເຫດການ ທີ່​ວ່າ ​ໄດ້​ມີ​ການຖົກ​ຖຽງ​ກັນ​ລະຫວ່າງ​ທ່ານ Lin ​ແລະ​ຕຳຫຼວດ ຊຶ່ງ​ໄດ້ປິດເສັ້ນທາງ​ໄປ​ຫາ​ບ່ອນ​ເດີນ​ ຂະ​ບວນ​ປະ​ທ້ວງ ​ເພື່ອ​ຮຽກຮ້ອງ​ໃຫ້​ມີ​ການ​ປະຕິ​ຮູ​ບດ້ານ​ການ​ສຶກສາ​ໃໝ່ ເມື່ອ​ເດືອນ​ມີນາ​ ປີ 2015 ນັ້ນ.

ພາບ​ວີ​ດີ​ໂອ ​ທີ່​ນຳ​ເຜີຍ​ແຜ່​ທາງ​ອິນ​ເຕີ​ເນັດ ໄດ້​ສະ​ແດງ​ໃຫ້​ເຫັນ ​ເຖິງ​ການ​ຕໍ່ສູ້​ກັນ​ເກີດ​ຂຶ້ນ ຫຼັງ​ຈາກ​ທີ່​ທ່ານ Lin ​ໄດ້​ເຫັນ​ເຈົ້າ​ໜ້າ​ທີ່ ຢືນ​ຢູ່​ກາງ​ຂະ​ບວນລົດ​ທີ່​ເຄື່ອນ​ຍ້າຍ ​ແລະຊົກ​ຊາຍ​ຜູ້​ນຶ່ງທີ່​ກຳລັງ​ຂີ່​ລົດຈັກ​ຜ່ານ​ມາ​ນັ້ນ.

ທ່ານ Lin ​ໄດ້ກ່າວ​ໂຕ້​ຕອບ​ຕໍ່​ການ​ລົງ​ໂທດດັ່ງກ່າວ​ນີ້​ ຊຶ່ງໄດ້​ມີ​ຂຶ້ນດົນ​ກວ່າ​ນຶ່ງ​ປີ​ຫລັງ​ຈາກ ລາວ​ໄດ້​ຖືກ​ພວກ​ຕຳຫຼວດຕຳຫຼວດຄຸມ​ຂັງ​ ​ໂດຍ​ກ່າວ​ວ່າ “ມັນ​ບໍ່​ມີ​ຄວາມ​ຍຸຕິ​ທຳ​ເລີຍ ທີ່​ໃສ່ ໂທດ​ຂ້າພະ​ເຈົ້າ ພາຍ​ໃຕ້​ກົດມາດຕາ 332 ຫຼັງ​ຈາກ​ທີ່​ເມີນ​ເສີຍຕໍ່​ຄວາມ​ຈິງ​ທີ່​ວ່າ ​ຕຳ ຫຼວດ ​ຜູ້​ນັ້ນ ​ໄດ້​ດຶງ​ພວກ​ປະ​ທ້ວງ​ທີ່​ຂີ່​ລົດຈັກ ​ແລະ​ທຸກ​ຄົນ ກໍ​ຮູ້​ເຫັນ​ກັນ. ຂ້າພະ​ເຈົ້າ​ບໍ່​ໄດ້​ມີ​ເຈດ​ຕະນາ​ທີ່​ຈະ​ທຳຮ້າຍ​ຕຳຫຼວດ​ຄົນ​ນັ້ນ. ຂ້າພະ​ເຈົ້າ​ມີ​ແຕ່​ພະຍາຍາມ​ປົກ​ປ້ອງ​ປະຊາຊົນ ​ຊຶ່ງ​ບໍ່​ໄດ້​ຮັບ​ຄວາມ​ຍຸຕິ​ທຳ ຕໍ່​ໜ້າຕໍ່​ຕາ​ຂ້າພະ​ເຈົ້າ.”

ທ່ານ Lin ກ່າວ​ວ່າ ຕຳຫຼວດໄດ້​ປາບ​ປາມ​ທັບ​ມ້າງ​ພວກ​ປະ​ທ້ວງ​ແບບ​ບໍ່​ເອົາ​ຫົວຊາ ຊຶ່ງ​ໄດ້​ນຳ​ໄປ​ສູ່ການ​ຈັບ​ກຸມ​ຫຼາຍໆກໍລະນີ. ບັນດາ​ນັກ​ສຶກສາ​ທີ່​ທຳ​ການ​ເຄື່ອນ​ໄຫວ​ຫລາຍໆ​ຄົນ ກ່າວ​ວ່າ ພວກ​ຕຳຫຼວດທີ່​ມີໄມ້​ຄ້ອນ​ເປັນ​ອາວຸດ ​ໄດ້​ບຸກ​ໂຈມ​ຕີພວ​ກປະ​ທ້ວງ​ແບບ​ສັນຕິ ຍັງ​ຢູ່​ໃນ​ການ ດຳ​ເນີນ​ຄະດີ. ອິງ​ຕາມ​ລາຍ​ງານ​ວາລະສານ​ The Irrawaddy Online ​ແລ້ວ ຕຳຫຼວດ​ກ່າວ​ວ່າ ພວກ​ເຂົາ​ເຈົ້າ​ໄດ້​ພະຍາຍາມ​ທີ່​ຈະ​ຍຸຕິ​ພວກ​ປະ​ທ້ວງ​ທີ່​ຂັບ​ລົດຈັກ “ທີ່ເຮັດໃຫ້​ມີ​ຫຼາຍ​ຄົນ ​ໄດ້​ລົ້ມ​ລົງ​ຈາກ​ລົດຈັກ” ຊຶ່ງທ່ານ Lin ທີ່ຢູ່​ທ່າມກາງ​ເຫດການ​ຊຸນ​ລະ​ວຸນ​ນີ້ ຖືກ​ກ່າວ​ຫາ​ວ່າໄດ້​ຕີ​ຕຳຫຼວດ​ຄົນ​ນຶ່ງ.

ກະລຸນາ​ອ່ານ​ຂ່າວ​ນີ້​ເພີ້​ມຕື່ມ​ເປັນ​ພາສາ​ອັງກິດ

XS
SM
MD
LG