ລິ້ງ ສຳຫລັບເຂົ້າຫາ

ປ. ໂອບາມາ ຢ້ຽມຢາມເມືອງ Flint ເພື່ອທົບທວນ ວິກິດການ ​ນ້ຳ​​ເປັນ​ພິດ​​


ນໍ້າດື່ມຫລາຍຮ້ອຍແກັດ ທີ່ເກັບສະສົມໄວ້ຢູ່ໃນໂບດເມືອງ Flint ລັດ Michigan.

ນໍ້າດື່ມຫລາຍຮ້ອຍແກັດ ທີ່ເກັບສະສົມໄວ້ຢູ່ໃນໂບດເມືອງ Flint ລັດ Michigan.

ປະທານາທິບໍດີ​ສະຫະລັດ ທ່ານ Barack Obama ​ໄປຢ້ຽມຢາມ​ເມືອງ Flint ​ໃນລັດ Michigan ​ໃນ​ວັນ​ພຸດ​ມື້​ນີ້​ ເພື່ອ​ທົບ​ທວນເບິ່ງຄວາມ​ຄືບ​ໜ້າຂອງລັດຖະ ບານ​ກາງ​ ແລະ ຂອງ​ລັດ ເພື່ອ​ເຮັດ​ໃຫ້​ວິ​ກິດ​ການ​ນ້ຳເປັນ​ພິດໃນ​ເມືອງດັ່ງກ່າວ​ ທີ່​ມີມາ​ເປັນ​ເວລາ​ຫລາຍ​ ເດືອນ​ແລ້​ວນັ້ນສິ້ນສຸດ​ລົງ.

​ເປັນ​ທີ່​ຄາດ​ກັນ​ວ່າ ປະທານາທິບໍດີ Obama ​ຈະ​ຖືກ​ຮັບ​ຕ້ອນ​ຈາກ​ຜູ້​ປົກຄອງ​ລັດ Michigan ທ່ານ Rick Snyder ຜູ້​ທີ່ໄດ້​ຮັບ​ການຕິຕຽນ​ຈາກ​ປະຊາຊົນໃນ​ເຂດ​ທ້ອງຖິ່ນ ພ້ອມ​ດ້ວຍ​ບັນດາເຈົ້າ​ໜ້າ​ທີ່​ລັດຖະບານ​ກາງ ບັນດາ​ສະມາຊິກ​ສະພາ ​ແລະ​ບັນ​ດາ​ນັກ ​ເຄື່ອນ​ໄຫວ​ເພື່ອສິດທິ​ພົນລະ​ເມື​ອງ​ໃນ​ອັນ​ທີ່​ເຫັນກັນ​ຢ່າງ​ແຜ່​ກວ້າງວ່າ​ ​ໄດ້​ຖືກປະປ່ອຍ ໃນ​ການແກ້​ໄຂ​ວິ​ກິດ​ການທີ່​ມີ​ມາເປັນ​ປີ.

ທຳນຽບຂາ​ວກ່າວ​ວ່າ ການ​ຢ້ຽມຢາມ​ມີ​ຂຶ້ນຍ້ອນ ​ໄດ້​ຮັບໜັງສື​ຂອງເດັກ​ຍິງ​ອາຍຸ​ແປດ​ປີ ຈາກທ້ອງ​ຖິ່ນຫວ່າງມໍ່ໆມາ​ນີ້ ​ທີ່​ໄດ້ຂໍ​ພົບ​ກັບ​ ປະທານາທິບໍດີ​ດ້ວຍ​ຕົວ​ເອງ ​ເພື່ອໂອ້​ລົມ
​ກ່ຽວ​ກັບ​ວິ​ກິດ​ການ. ນາງ Amariyanna “Mari” Copeny ​ແມ່ນ​ນຶ່ງ​ໃນ​ຈຳ​ນວນປະຊາ ຊົນ​ຂອງ​ເມືອງ Flint ທີ່​ມີ​ຢູ່ 100,000 ຄົນທີ່ປາດ​ສະ​ຈາກ​ການມີ​ນໍ້າ​ດື່ມ ​ແລະ​ນໍ້າ​ອາບທີ່ ​ປອດ​ໄພ ນັບ​ແຕ່​ວິ​ກິດ​ການ​ໄດ້​ເລີ້​ມຂຶ້ນ.

ນາງ Mari Copeny ອາຍຸ 8 ປີ ຂອງເມືອງ Flint ລັດ Michigan ຂຽນໜັງສືຫາ ປະທານາທິບໍດີສະຫະລັດ ທ່ານ Barack Obama ຂໍພົບດ້ວຍຕົນເອງເພື່ອແກ້ໄຂວິກິດາກນໍ້າເປັນພິດ.

ນາງ Mari Copeny ອາຍຸ 8 ປີ ຂອງເມືອງ Flint ລັດ Michigan ຂຽນໜັງສືຫາ ປະທານາທິບໍດີສະຫະລັດ ທ່ານ Barack Obama ຂໍພົບດ້ວຍຕົນເອງເພື່ອແກ້ໄຂວິກິດາກນໍ້າເປັນພິດ.

ວິ​ກິດ​ການ​ໃນ​ເມືອງ Flint ​ໄດ້​ເກີດ​ຂຶ້ນ​ໃນ​ປີ 2014 ​ເວລາ​ລັດຖະບານ​ເມືອງ ດັ່ງກ່າວ​ທີ່ ຂາດ​ເຂີນ​ເງິນ ຢາກ​ປະຢັດ​ເງິນ​ໂດຍ​ການ​ດູດ​ເອົາ​ນໍ້າ​ຈາກ​ແມ່​ນໍ້າໃນເຂດ​ທ້ອງ​ຖິ່ນແທນ ທີ່​ມາ​ຈາກ​ລະບົບ​ນໍ້າ ໃນ​ນະຄອນ Detroit ທີ່​ຕັ້ງຢູ່​ໃກ້​ຄຽງ.

​ຫລາຍ​ເດືອນ​ຕໍ່​ມາ​ໄດ້​ພົບ​ເຫັນ​ວ່າ ບັນດາ​ນັກວິ​ສະວະ​ກອນ ບໍ່​ໄດ້ເຮັດ​ຕາມ​ຂະ​ບວນການ​ ​ໃນ​ການ​ນຳ​ໃຊ້​ແມ່​ນໍ້າ Flint ທີ່​ເປື້ອນ​ເປິຢ່າງ​ເໝາະ​ສົມ ​ເພື່ອ​ປ້ອງ​ກັນທາດກົ່ວ​ທີ່​ເກີດ​ຈາກ​ ທໍ່​ນໍ້າ​ເກົ່າ ຢູ່​ໃນ​ເມືອງ ​ຂອງ​ຊາວ​ອາ​ເມຣິກັນ​ເຊື້ອສາຍ ອາ​ຟຣິກາ​ອາ​ໄສ​ຢູ່​ເປັນ​ສ່ວນ​ໃຫຍ່. ​ ຕໍ່​ມາໄດ້​ມີການ​ສະ​ແດງ​ບຄວາມ​ບໍ່ພໍ​ໃຈຢ່າງ​ໃຫຍ່​ເວລາ​ໄດ້​ຮຽນ​ຮູ້​ວ່່າ ຊາວ​ເມືອງ Flint ບໍ່ ​ໄດ້​ຖືກ​ຕັກ​ເຕືອນ ​ກ່ຽວ​ກັບ​ນໍ້າ​ທີ່​ເປື້ອນ​ເປິ​ມາ​ເປັນ​ເວລາ 18 ​ເດືອນ​ແລ້ວນັ້ນ.

ພະຍາບານຄົນນຶ່ງກຳລັງດູດເລືອດອອກມາກວດທີໂຮງຮຽນປະຖົມ Eisenhower ທີ່ເມືອງ Flint.

ພະຍາບານຄົນນຶ່ງກຳລັງດູດເລືອດອອກມາກວດທີໂຮງຮຽນປະຖົມ Eisenhower ທີ່ເມືອງ Flint.

ການ​ຢ້ຽມຢາມ​ຂອງ​ປະທານາທິບໍດີ Obama ມີ​ຂຶ້ນ​ແປ​ດມື້ ​ຫລັງ​ຈາກ​ບັນດາ ສະ​ມາ​ຊິກ ​ສະພາ​ສູງສະຫະລັດ ຈາກ​ສອງ​ພັກ​ການ​ເມືອງ​ໄດ້​ບັນລຸ​ຂໍ້​ຕົກລົງ​ເພື່ອ​ອະນຸມັດ​ເງິນ 170 ລ້ານ​ໂດ​ລາ ​ໃນ​ການ​ຊ່ວຍ​ເຫລືອເພື່ອປ່ຽນ​ທໍ່​ນໍ້າ​ໃໝ່ ​ແລະ​ການ​ສ້າງສາ​ໂຄງ​ລ່າງ​ອຶ່ນໆ.
ຂໍ້​ຕົກລົງ​ໃນປີ​ແຫ່ງ​ການ​ເລືອກ​ຕັ້ງຈະ​ຊ່ວຍເມືອງດັ່ງກ່າວໃນ​ເດືອນ​ກຸມພາ ອັນ​ເປັນ​ພາກ
ສ່ວນ​ຮ່າງ​ກົດໝາຍ​ແຫ​ລ່ງນໍ້າ ທີ່​ໄດ້ປະສົບ​ກັບ​ຄວາມ​ລົ້ມ​ແຫລວ​ເວລາ​ບັນດາ​ຜູ້​ເຈລະຈາ ຂອງພັກຣີພັບ​ບລິ​ກັນ ​ແລະ​ພັກ​ເດ​ໂມ​ແຄຣັດ ບໍ່​ສາມາດ​ຕົກລົງ​ກັນ​ໄດ້​ວ່າ ຈະ​ໃຊ້​ເງິນ​ນີ້ຊ່ວຍ​ເມືອງ Flint ຢ່າງ​ໃດ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG