ລິ້ງ ສຳຫລັບເຂົ້າຫາ

ສປຊ ຊ່ວຍ ບັງ​ກລາ​ເເດັສ ​ແລະມຽນມາ ​​​ກະກຽມ​ຮັບ​ມື​ກັບ​​ ລົມ​ພາຍຸ Mahasen (ສະໄລດ໌)


ຊາວປະມົງເກັບເຮຶອຂອງພວກເຂົາເຈົ້າ ກ່ອນພະຍຸ Mahasen
ອົງການສະຫະ​ປະຊາ​ຊາດກ່າວ​ວ່າ​ ຕົນ​ກໍາລັງ​ປະສານ​ງານ​ກັບ
​ທາງ​ລັດຖະບານ​ຂອງບັງ​ກລາ​ເເດັສ ​ແລະມຽນມາ ​ເພື່ອ​ກະກຽມ​
ວິທີ​ການຮັບ​ມື​ກັບ​ໄພພິບັດຂອງ​ພວກ​ເຂົາ​ເຈົ້າ ກ່ອນ​ການ​ມາ
​ເຖິງ​ຂອງ​ລົມ​ພາຍຸໄຊໂຄລນ Mahasen.

ອົງການສະຫະ​ປະຊາ​ຊາດ​ ກ່າວ​ໃນ​ແລງ​ວັນ​ອັງຄານ​ວານ​ນີ້​ວ່າ
ຄາດ​ວ່າ ພາຍຸໄຊໂຄລນ Mahasen ​ຈະ​ພັດ​ຂຶ້ນ​ຝັ່ງໃນ​ແລງ​ວັນ
​ສຸກ​ທີ່​ຈະ​ມາ​ເຖິງ​ນີ້​ ​ຢູ່ທາງ​ທິດ​ເໜືອ​ຂອງ​ເມືອງ Chittagong
ຂອງບັງ​ກລາ​ເ​ເດັສ ​ໃກ້ໆ​ກັບ​ຊາຍ​ແດນມຽນມາ.

ເສ້ນທາງພັດຜ່ານ ຂອງພາຍຸໄຊໂຄລນ Mahasen
ເສ້ນທາງພັດຜ່ານ ຂອງພາຍຸໄຊໂຄລນ Mahasen

ອົງການ​ນາໆ​ຊາດ​ດັ່ງກ່າວເວົ້າວ່າ ມີ​ການ​ຢ້ານກົວ​ກັນ​ວ່າ
ພາຍຸ Mahasen ຈະ​ກະທົບ​ຕໍ່​ຜູ້​ຄົນ​ຫຼາຍ​ລ້ານ​ຄົນ ​ໃນພາກ
​ຕາ​ເວັນ​ອອກສຽງເໜືອ​ຂອງ​ອິນເດຍ ​ໃນບັງ​ກລາ​ເ​ເດັສ ​ແລະ
ລັດຣາຄາຍຂອງມຽນມາ ບ່ອນ​ທີ່​ມີ​ພວກ​ອົບ​ພະຍົບພາຍ​ໃນ
​ປະເທດຈໍານວນ​ຫຼາຍ​ໝື່ນ​ຄົນ​ອາ​ໄສ​ຢູ່ສູນ​ພັກ​ເຊົາຊົ່ວຄາວນັ້ນ.

ລັດຖະບານມຽນມາກ່າວ​ວ່າ ​ເປັນ​ທີ່​ຢ້ານ​ກັນ​ວ່າ 58 ຄົນ ຈາກ
ສູນ​ພັກ​ເຊົາ​ຊົ່ວຄາວໃນລັດຣາຄາຍ ທີ່​ພະຍາຍາມ​ຈະຍົກຍ້າຍ
​ໄປ​ສູ່ພື້ນ​ທີ່​ທີ່​ສູງ​ກ່ວາ ກ່ອນລົມ​ພາຍຸ​ຈະ​ໄປ​ເຖິງ​ນັ້ນໄດ້​ເສຍ​ຊີວິດ
ຫລັງ​ຈາກເຮືອ​ຂອງ​ເຂົາ​ເຈົ້າ​ຫລົ້ມ ​ໃນ​ວັນ​ຈັນ​ຜ່ານ​ມາ.

ທ່ານ​ນາງ Valerie Amos ຫົວໜ້າ​ອົງການ​ຊ່ວຍ​ເຫລືອ​ດ້ານ​ມະ​ນຸດ​ສະ​ທໍາຂອງສະຫະ​
ປະຊາ​ຊາດ ​ກ່າວ​ວ່າ ທ່ານ​ນາງ​ມີ​ຄວາມ​ເສົ້າ​ສະ​ລົດ​ໃຈ​ຫລາຍ​ທີ່​ສຸດ​ນໍ​າການ​ຈົມ​ນໍ້າຕາຍ​
ຂອງ​ພວກ​ຄົນ​ເຫລົ່າ​ນັ້ນ. ທ່ານ​ນາງ Amos ຍັງ​ໄດ້​ກ່າວ​ອີກ​ວ່າ ມັນຈໍາ​ເປັນຢ່າງ​ທີ່​ສຸດ​ທີ່​
ລັດຖະບານມຽນມາ ຈະ​ຕ້ອງ​ເຮັດໃຫ້ແນ່​ໃຈ​ວ່າ ​ປະຊາຊົນ​ມຽນມາ ສາມາດ​ໄປ​ຮອດ​ໄປ​
ເຖິງ​ສະຖານ​ທີ່​ປອດ​ໄພ ກ່ອນ​ທີ່ລົມ​ພາຍຸ Mahasen ຈະມາ​ຮອດ​. ​

XS
SM
MD
LG